ວັນທີ 15 ສິງຫາ, ຈີນ ແລະ ສ.ເກົາຫຼີ ໄດ້ສະແດງຄວາມວິຕົກກັງວົນ ແລະ ຮຽກຮ້ອງໃຫ້ຍີ່ປຸ່ນ ປະເຊີນໜ້າກັບອະດີດຕະການໃນໄລຍະສົງຄາມຢ່າງເຂັ້ມງວດ. ກະຊວງການຕ່າງປະເທດສ.ເກົາຫຼີ ໄດ້ອອກຖະແຫຼງການສະແດງໃຫ້ເຫັນ “ຄວາມວິຕົກກັງວົນຢ່າງເລິກເຊິ່ງຕໍ່ເລື່ອງບັນດາການນຳລັດຖະບານ ແລະ ສະພາແຫ່ງຊາດຍີ່ປຸ່ນ ໄປໄວ້ອາໄລຢູ່ວິຫານເຊີດຊູປະຫວັດສາດສົງຄາມຮຸກຮ້ານອີກຄັ້ງໜຶ່ງ”. ທີ່ປັກກິງ, ໂຄສົກະຊວງການຕ່າງປະເທດຈີນ ທ່ານນາງ ຄວາຈວນຢິງ ຖະແຫຼງວ່າ ຈີນ ເດັດດ່ຽວຄັດຄ້ານ “ການກະທຳທີ່ຜິດພາດ” ຂອງຍີ່ປຸ່ນ ທີ່ກ່ຽວຂ້ອງເຖິງວິຫານດັ່ງກ່າວ. ກ່າວຄຳເຫັນທີ່ການປະຊຸມຂ່າວ, ທ່ານນາງ ຄວາຈວນຢິງ “ຮຽກຮ້ອງໃຫ້ຍີ່ປຸ່ນ ຕ້ອງປະເຊີນໜ້າຢ່າງເຂັ້ມງວດ ແລະ ນຶກຄິດຢ່າງເຖິງຖອງກ່ຽວກັບປະຫວັດສາດຂຸນເສິກຂອງຕົນ”.