ທ່ານຮອງນາຍົກລັດຖະມົນຕີຫວຽດນາມ ຈິ້ງດິ່ງຢຸງ ຢືນຢັນວ່າ, ພັກ ແລະ ລັດ ຖືເປັນສຳຄັນວຽກງານການຕ່າງປະເທດປະຊາຊົນ ແລະ ບົດບາດຂອງບັນດາອົງການຈັດຕັ້ງບໍ່ຂຶ້ນກັບລັດຖະບານ. ຫວຽດນາມ ປາດຖະໜາຢາກຮ່ວມມືຢ່າງແໜ້ນແຟ້ນກັບບັນດາອົງການຈັດຕັ້ງສາກົນໃຫ້ຫຼາຍກວ່າອີກ; ສືບຕໍ່ສ້າງເງື່ອນໄຂສະດວກ, ປະກອບສ່ວນຍົກສູງປະສິດທິຜົນການເຄື່ອນໄຫວຂອງບັນດາອົງການຈັດຕັ້ງປະຈຳຫວຽດນາມ.

        ໂດຍຕາງໜ້າຄະນະທູຕານຸທູດປະຈຳຮ່າໂນ້ຍ, ທ່ານ Jorge Rondon Uzcategui, ຫົວໜ້າຄະນະທູຕານຸທູດ, ເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງ ສ.ເວເນຊູເອລາ ປະຈຳຫວຽດນາມ ໄດ້ຊົມເຊີຍຫວຽດນາມ ຍ້ອນບັນລຸໄດ້ຜົນງານຫຼາຍຢ່າງໃນພາລະກິດສ້າງສາ ແລະ ພັດທະນາປະເທດຊາດ. ອວຍພອນໃຫ້ຫວຽດນາມ ສືບຕໍ່ໃນທ່າເຕີບໂຕເສດຖະກິດ, ບັນລຸໄດ້ບັນດາຄວາມກ້າວໜ້າສຳຄັນໃນນະໂຍບາຍການຕ່າງປະເທດຫຼາຍກວ່າອີກ.