ທ່ານ ຮອງລັດຖະມົນຕີກະຊວງການຕ່າງປະເທດ ຫວຽດນາມ ເລຮ່ວາຍຈຸງ (ພາບ: cand.com.vn)

ວັນທີ 6 ມັງກອນ, ທ່ານ ຮອງລັດຖະມົນຕີກະຊວງການຕ່າງປະເທດ ຫວຽດນາມ ເລຮ່ວາຍຈຸງ ໄດ້ເຂົ້າຮ່ວມ ແລະ ກ່າວຄຳເຫັນທີ່ວາລະປຶກສາຫາລືເປີດຂັ້ນສູງ ທາງອອນລາຍຂອງ ສະພາຄວາມໝັ້ນຄົງ ສປຊໂດຍທ່ານ ປະທານາທິບໍດີ ຕຸຍນີຊີ Kais Saied, ປະທານສະພາຄວາມໝັ້ນຄົງ ເດືອນມັງກອນ 2021ເປັນປະທານວາລະປຶກສາຫາລື ທີ່ມີຫົວຂໍ້ “ບັນດາ ສິ່ງທ້າທາຍໃນການຮັກສາສັນຕິພາບ ແລະ ຄວາມໝັ້ນຄົງສາກົນ ໃນສະພາບຂາດສະຖຽນລະພາບ”.

ກ່າວຄຳເຫັນທີ່ວາລະປຶກສາຫາລື, ທ່ານ ເລຮ່ວາຍຈຸງ ໃຫ້ຂໍ້ສັງເກດວ່າ ໃນປີ 2020, ໂລກລະບາດໂຄວິດ - 19 ໄດ້ເຮັດໃຫ້ໂລກຂາດສະຖຽນລະພາບຢ່າງຈະແຈ້ງ, ກໍ່ຄືຂໍ້ຈຳກັດໃນການຮັບມືກັບສິ່ງທ້າທາຍຕ່າງໆຂອງໂລກ. ໂດຍແມ່ນອົງການສວມບົດບາດສຳຄັນໃນການຮັກສາສັນຕິພາບ ແລະ ຄວາມໝັ້ນຄົງສາກົນ, ສະພາຄວາມໝັ້ນຄົງຕ້ອງເດີນຕາມວິທີການສຳຜັດຮອບດ້ານ ແລະ ກວມລວມ, ຮັກສາຄວາມສາມັກຄີ ແລະ ກຳລັງຄວາມສາມາດຮັບມື, ເພີ່ມທະວີການຮ່ວມມືກັບອົງການສປຊອື່ນ ແລະ ອົງການຈັດຕັ້ງໃນພາກພື້ນ ເພື່ອສ້າງການຫັນປ່ຽນຢ່າງຕັ້ງໜ້າໃນໂລກພິພົບ. ທ່ານເລຮ່ວາຍຈຸງຢັ້ງຢືນວ່າ ຫວຽດນາມເຂົ້າໃຈຄວາມສ່ຽງຢ່າງເລິກເຊິ່ງຕໍ່ສັນຕິພາບໂລກ, ສິ່ງທ້າທາຍໃໝ່ເປັນຕົ້ນແມ່ນ ການປ່ຽນແປງຂອງດິນຟ້າອາກາດ, ໂລກລະບາດ ຫຼື ວິກິດການໃນພາກພື້ນ ແລະ ສາກົນ.