ຫວຽດນາມ ສະໜັບສະໜູນການສືບສວນ ແລະ ບັງຄັບໃຫ້ IS ຕ້ອງມີຄວາມຮັບຜິດຊອບ
(VOVWORLD) - ວັນທີ 12 ພຶດສະພາ, ອັງກິດ ໄດ້ສົມທົບກັບ ອາເມລິກາ, ແບນຊິກ, ອີຣັກ, ໂຮນລັງ, ສະຫະລັດ ອາຣັບ ເອມມີເລດ (UAE) ໄດ້ຈັດກອງປະຊຸມຕາມຮູບການ Arria ຂອງ ສະພາຄວາມໝັ້ນຄົງ ສປຊ ກ່ຽວກັບ ບັນຫາໝູນໃຊ້ເຕັກໂນໂລຢີ ແລະ ສາຍພົວພັນຄູ່ຮ່ວມມື ແນໃສ່ຮັບປະກັນຄວາມຍຸຕິທຳສຳລັບໂທດກຳຕ້ານມວນມະນຸດ, ໂທດກຳສົງຄາມ ແລະ ດັບສູນເຊື້ອຊາດ.
 ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ (ພາບ: VOV) |
ທີ່ກອງປະຊຸມ, ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ຢັ້ງຢືນວ່າ ລັດທິກໍ່ການຮ້າຍ ແມ່ນໄພນາບຂູ່ທີ່ຮຸນແຮງສຳລັບສັນຕິພາບ ແລະ ຄວາມໝັ້ນຄົງສາກົນ, ຫວຽດນາມ ສະໜັບສະໜູນວຽກງານຂອງກຸ່ມສືບສວນໂທດກຳຂອງກຸ່ມ IS ເພື່ອແນໃສ່ໜູນຊ່ວຍບັນດາຄວາມມານະພະຍາຍາມຂອງບັນດາປະເທດ ນຳມາເຊິ່ງຄວາມຍຸຕິທຳໃຫ້ແກ່ຜູ້ປະສົບເຄາະຮ້າຍຢູ່ ອີຣັກ. ທ່ານເອກອັກຄະລັດຖະທູດກໍຢັ້ງຢືນຫຼັກໝັ້ນສະເໝີຕົ້ນສະເໝີປາຍຂອງ ຫວຽດນາມ ກ່ຽວກັບການຮັບປະກັນການສືບສວນກ່ຽວກັບຄວາມຮັບຜິດຊອບສຳລັບກໍລະນີທີ່ລະເມີດກົດໝາຍວ່າດ້ວຍມະນຸດ, ກົດໝາຍວ່າດ້ວຍສິດທິມະນຸດຂອງສາກົນ. ພ້ອມທັງສະເໜີໃຫ້ປະຊາຄົມສາກົນ ເພີ່ມທະວີກຳລັງຄວາມສາມາດແຫ່ງຊາດ ຕາມຄຳຮຽກຮ້ອງ ແລະ ເໝາະສົມກັບສະພາບການຂອງແຕ່ລະປະເທດ.