ຫວຽດນາມ ຮ່ວມມືກັບປະຊາຄົມສາກົນ ພ້ອມກັນຊຸກຍູ້ການຄ້າ ແລະ ການພັດທະນາ
(VOVWORLD) - ໂດຍໄດ້ຮັບຄຳເຊື້ອເຊີນຂອງທ່ານເລຂາທິການໃຫຍ່ ກອງປະຊຸມ ສປຊ ກ່ຽວກັບການຄ້າ ແລະ ການພັດທະນາ (UNCTAD), ທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທັງເຊີນ ໄດ້ເຂົ້າຮ່ວມກອງປະຊຸມຄັ້ງທີ 15 ຂອງ UNCTAD. ກອງປະຊຸມຖືກຈັດຂຶ້ນໃນລະຫວ່າງວັນທີ 3 ຫາວັນທີ 7 ຕຸລາ 2021 ຕາມຮູບການທາງໄກ ແລະ ໂດຍກົງ ຢູ່ ເຊີແນວ (ປະເທດສະວິດ) ແລະ Bridgetown (Barbados), ດ້ວຍຫົວຂໍ້ “ຈາກການຂາດຄວາມສະເໝີພາບ ແລະ ມີຄວາມສ່ຽງພາໄປເຖິງການນຳເອົາວັດທະນາຖາວອນມາໃຫ້ໝົດທຸກຄົນ”.
 ທ່ານລັດຖະມົນຕີການຕ່າງປະເທດ ບຸ່ນແທັງເຊີນ (ພາບ: ກະຊວງການຕ່າງປະເທດ) |
ກ່າວຄຳເຫັນທີ່ວາລະປະຊຸມຄົບຄະນະຂອງກອງປະຊຸມໃນວັນທີ 6 ຕຸລາ, ທ່ານລັດຖະມົນຕີການຕ່າງປະເທດ ບຸ່ນແທັງເຊີນ ໄດ້ສະເໜີ 3 ຂໍ້ສະເໜີແນະຕໍ່ UNCTAD. ທີໜຶ່ງແມ່ນ ຄວາມຍູ້ແຮງລັດທິຫຼາຍຝ່າຍ ແລະ ການຮ່ວມມືສາກົນ ເພື່ອແນໃສ່ຄວບຄຸມໂລກລະບາດ, ຍົກສູງກຳລັງຄວາມສາມາດຮັບມື ແລະ ຍູ້ໄວວິວັດການຟື້ນຟູເສດຖະກິດໃນຂອບເຂດທົ່ວໂລກ. ທີສອງແມ່ນ, ໃນອະນາຄົດ ຄວນເພີ່ມທະວີບັນດາຄວາມມານະພະຍາຍາມສາກົນ ເພື່ອໜູນຊ່ວຍການຍົກສູງຄວາມສາມາດຮັບມືຢູ່ເຂດທີ່ຖືກຜົນກະທົບຢ່າງຮ້າຍແຮງຈາກການປ່ຽນແປງຂອງດິນຟ້າອາກາດ, ໃນນັ້ນ, ມີອະນຸພາກພື້ນແມ່ນ້ຳຂອງ ແລະ ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ. ທີສາມແມ່ນ, UNCTAD ຄວາມເສີມຂະຫຍາຍບົດບາດໃນການຊຸກຍູ້ການຮ່ວມມືທົ່ວໂລກກ່ຽວກັບການປ່ຽນແປງໃໝ່ປະດິດຄິດສ້າງ ແລະ ຫັນເປັນດີຈີຕອນ ເພື່ອແນໃສ່ສ້າງກຳລັງໜູນໃໝ່ແກ່ການພັດທະນາແບບຍືນຍົງ ແລະ ເຕີບໂຕໃນພື້ນຖານເຕັກໂນໂລຢີ.
ທ່ານລັດຖະມົນຕີ ບຸ່ຍແທັງເຊີນ ກໍໃຫ້ຮູ້ວ່າ ຫວຽດນາມ ປາດຖະໜາຢາກສືບຕໍ່ຮ່ວມມືກັບ UNCTAD ແລະ ປະຊາຄົມສາກົນ ຢ່າງແໜ້ນແຟ້ນ ໃນວິວັດການປະຕິບັດບັນດາເປົ້າໝາຍພັດທະນາປະເທດຊາດ, ຮ່ວມແຮງຮ່ວມໃຈພ້ອມກັບປະຊາຄົມສາກົນເພື່ອຮັບປະກັນສະພາບແວດລ້ອມສາກົນແຫ່ງສັນຕິພາບ, ສະຖຽນລະພາບ, ພັດທະນາ ແລະ ວັດທະນາຖາວອນ.