(vovworld) - ຕອນ​ເຊົ້າ​ວັນ​ທີ 24/12, ຢູ່ ຮ່າ​ໂນ້ຍ, ທ່ານ​ນາຍົກລັດຖະມົນຕີ ຫງວຽນ​ຊວງ​ຟຸກ​ ​ໄດ້​ໃຫ້ການ​ຕ້ອນຮັບ​ທ່ານ​ລັດຖະມົນຕີ​ກະຊວງ​ຊັບພະຍາກອນ ​ແລະ ສິ່ງ​ແວດ​ລ້ອມ ລາວ ສົມ​ມາດ ພົນ​ເສນາ. ທ່ານ​ນາຍົກລັດຖະມົນຕີ ຫງວຽນ​ຊວງ​ຟຸກ​ ຫວັງ​ວ່າ ກະຊວງ​ຊັບພະຍາກອນ ​ແລະ ສິ່ງ​ແວດ​ລ້ອມສອງ​ປະ​ເທດ​ຍູ້​ແຮງ​ການ​ປະຕິບັດ​ບັນດາ​ໜ້າ​ທີ່​ເຊິ່ງລັດຖະບານ​ສອງ​ປະ​ເທດ​ໄດ້​ມອບ​ໝາຍ​ໃຫ້ ​ແລະ​ບັນດາ​ບົດ​ບັນທຶກ​ຂໍ້​ຕົກລົງ​ຂັ້ນ​ສູງ​ເຊັ່ນ​ປະຕິບັດ​ໃຫ​້ຖືກ​ຕາມ​ຄວາມ​ຄືບ​ໜ້າ, ຮັບປະກັນ​ຄຸນ​ນະພາ​ບບັນດາ​ກິດຈະກຳ, ​ໂຄງການ​ຮ່ວມ​ມື​ກັບ​ລາວ. ທ່ານ​ນາຍົກລັດຖະມົນຕີ ຫງວຽນ​ຊວງ​ຟຸກ​ ສະ​ເໜີ​ລາວ​ພ້ອມ​ກັບ ຫວຽດນາມ​ຄົ້ນ​ຄ້ວາ ​ແລະ ພິຈາລະນາ​ຄວາມ​ສາມາດ​ເຂົ້າ​ຮ່ວມ​ສົນທິສັນຍາ​ປົກ​ປັກ​ຮັກສາ ​ແລະ ນຳ​ໃຊ້​ບັນດາ​ກະ​ແສ​ນ້ຳ​ຂ້າມ​ຊາຍ​ແດນ ​ແລະ ໜອງ​ສາກົນ. ຫວຽດນາມ​ພ້ອມ​ແລ້ວ​ທີ່​ຈະ​ແບ່ງປັນ​ບົດຮຽນ​ພັດທະນາ​ຂອງ ຫວຽດນາມ​ກັບ​ລາວ ​ເພື່ອ​ບໍ່​ຖືກ​ຄວາມ​ເສຍ​ຫາຍ​​ໂດຍ​ສິ່ງ​ແວດ​ລ້ອມກໍ່​ຂຶ້ນ.

ສ່ວນ ທ່ານ​ລັດຖະມົນຕີ​ກະຊວງ​ຊັບພະຍາກອນ ​ແລະ ສິ່ງ​ແວດ​ລ້ອມ ລາວ ສົມ​ມາດ ພົນ​ເສນາ ກໍ່​ຢືນຢັນ​ວ່າ, ການ​ເຄື່ອນ​ໄຫວ​ກໍ່ສ້າງ​ບັນດາ​ກິດຈະກຳ​ເຂື່ອນ​ໄຟຟ້າ​ຢູ່​ຕາມ​ແມ່​ນ້ຳຂອງ ຈະ​ປະຕິບັດ​ຕາມ​ຂໍ້​ກຳນົດ​ຂອງ​ກຳມາ​ທິການ​ແມ່​ນ້ຳຂອງ​ສາກົນ ​ແລະ ກົດໝາຍ​ສາກົນ, ນຳ​ໃຊ້​ຊັບພະຍາກອນ​ນີ້​ຢ່າງ​ມີ​ປະສິດທິ​ຜົນ ​ແລະ ໝັ້ນຄົງ​ໃຫ້​ທັງ​ສອງ​ປະ​ເທດ ກໍ່​ຄື​ບັນດາ​ປະ​ເທດ​ອື່ນໆ.