(vovworld) - ຕອນບ່າຍວັນທີ 26/03, ທີ່ການຕ້ອນຮັບທ່ານເອກອັກຄະລັດຖະທູດ Stephen Husy, ຜູ້ອຳນວຍການໃຫຍ່ສູນສາກົນ Geneve ກ່ຽວກັບການເກັບກູ້ລະເບີດທີ່ຍັງບໍ່ທັນແຕກມະນຸດສະທຳ, ທ່ານຮອງນາຍົກລັດຖະມົນຕີຫວຽດນາມ ຫງວຽນທຽນເຢີນ ໄດ້ຕີລາຄາສູງການຮ່ວມມືຂອງສູນໃນການປະຕິບັດໂຄງການເຄື່ອນໄຫວແຫ່ງຊາດແກ້ໄຂຜົນຮ້າຍຢ້ອນຫຼັງຈາກລະເບີດທີ່ຍັງບໍ່ທັນແຕກພາຍຫຼັງສົງຄາມຂອງຫວຽດນາມ ແລະ ສະໜອງຊອບແວຄຸ້ມຄອງພື້ນຖານຂໍ້ມູນລະເບີດທີ່ຍັງບໍ່ທັນແຕກໃຫ້ແກ່ຫວຽດນາມ. ທ່ານຮອງນາຍົກລັດຖະມົນຕີ ໄດ້ສະເໜີວ່າ ໃນໄລຍະຈະມາເຖິງ 2 ຝ່າຍສືບຕໍ່ເພີ່ມທະວີການພົວພັນຄູ່ຮ່ວມມືໃນຂົງເຂດແກ້ໄຂລະເບີດທີ່ຍັງບໍ່ທັນແຕກ, ວັດຖຸລະເບີດພາຍຫຼັງສົງຄາມ, ໃນວິວັດການສ້າງຍຸດທະສາດ, ລະດົມ ແລະ ຄຸ້ມຄອງແຫຼ່ງກຳລັງ. ຫວຽດນາມ ໃຫ້ຄຳໝັ້ນສັນຍາຈະສົມທົບກັບສູນສາກົນ Geneve ຢ່າງແໜ້ນແຟ້ນ ກ່ຽວກັບການເກັບກູ້ລູກລະເບີດທີ່ຍັງບໍ່ທັນແຕກໂດຍມະນຸດສະທຳໃນການຜັນຂະຫຍາຍບັນດາໂຄງການ .
ສ່ວນທ່ານ Stephen Husy ຢືນຢັນວ່າ ຈະສືບຕໍ່ສົມທົບກັບບັນດາອົງການທ່ີກ່ຽວຂ້ອງຂອງຫວຽດນາມ ເພື່ອປະຕິບັດບັນດາໂຄງການທີ່ໄດ້ລົງນາມປະກອບສ່ວນແກ້ໄຂບັນຫາລະເບີດທີ່ຍັງບໍ່ທັນແຕກເພື່ອຈຸດປະສົງມະນຸດສະທຳ ເພື່ອໃຫ້ປະຊາຊົນມີຊີວິດຢ່າງປອດໄພ ແລະ ສະຫງົບສຸກກວ່າ ພາຍຫຼັງທີ່ສົງຄາມສິ້ນສຸດລົງເກືອບ 40 ປີແລ້ວ.