ພາບປະກອບອິນເຕີແນດ
(vovworld) - ເນື່ອງໃນໂອກາດສະເຫຼີມສະຫຼອງ 30 ປີ ແຫ່ງວັນລົງນາມໃນສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982, ວັນທີ 6/12/2012. ຫວຽດນາມ ໄດ້ຈຳໜ່າຍບົດລາຍງານກ່ຽວກັບເລື່ອງ ”ຫວຽດນາມປະຕິບັດສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982 ໃນຖານະແມ່ນສະມາຊິກທີ່ມີຄວາມຮັບຜິດຊອບຂອງສົນທິສັນຍາ” ຢູ່ສປຊ. ບົດລາຍງານຕີລາຄາສູງຄວາມໝາຍ ແລະ ຄວາມສຳຄັນຂອງສົນທິສັນຍາ ແລະ ຢືນຢັນວ່າການກຳເນີດຂອງສົນທິສັນຍາໄດ້ສ້າງພື້ນຖານໃຫ້ແກ່ການສ້າງຄວາມເປັນລະບຽບຮຽບຮ້ອຍດ້ານກົດໝາຍທີ່ກ່ຽວຂ້ອງເຖິງບັນຫາທະເລ ແລະ ມະຫາສະໝຸດ, ເປັນພື້ນຖານດ້ານກົດໝາຍເພື່ອກຳນົດສິດ ແລະ ພັນທະ, ຄວາມຮັບຜິດຊອບຂອງບັນດາປະເທດແຄມທະເລ, ທັງແມ່ນພື້ນຖານເພື່ອແກ້ໄຂບັນດາບັນຫາທີ່ກ່ຽວຂ້ອງເຖິງທະເລ, ມະຫາສະໝຸດ, ນັບທັງການພິພາດໃນທະເລ. ບົດລາຍງານກໍ່ເນັ້ນໜັກເຖິງຄວາມມານະພະຍາຍາມຂອງຫວຽດນາມ ໃນການເຂົ້າຮ່ວມການເຈລະຈາກໍ່ສ້າງ ແລະ ລົງນາມໃນສົນທິສັນຍາກໍ່ຄືບັນດາຜົນງານໃນການຜັນຂະຫຍາຍ ແລະ ປະຕິບັດສົນທິສັນຍາ. ນັບແຕ່ສົນທິສັນຍາມີຜົນບັງຄັບໃຊ້, ຫວຽດນາມ ໄດ້ອິງໃສ່ສົນທິສັນຍາ ເພື່ອປັບປຸງລະບົບກົດໝາຍເທື່ອລະກ້າວ, ສ້າງສະພາບແວດລ້ອມດ້ານກົດໝາຍໃຫ້ແກ່ວຽກງານຄຸ້ມຄອງທະເລ ແລະ ການເຄື່ອນໄຫວເສດຖະກິດທະເລ, ສ້າງເງື່ອນໄຂສະດວກໃຫ້ແກ່ວິວັດການເຊື່ອມໂຍງກັບສາກົນ ແລະ ເພີ່ມທະວີການຮ່ວມມືກັບປະເທດຕ່າງໆ, ເພື່ອສັນຕິພາບ, ສະຖຽນລະພາບໃນພາກພື້ນ ແລະ ຢູ່ໃນໂລກ.