(VOVWORLD) -ຕອນເຊົ້າວັນທີ 27 ສິງຫາ, ພາຍຫຼັງສິ້ນສຸດການເຈລະຈາ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ແລະ ທ່ານນາຍົກລັດຖະມົນຕີມາເລເຊຍ Mahathir Mohamad ໄດ້ພົບປະກັບວົງການສື່ມວນຊົນ. 2 ຝ່າຍໄດ້ເຫັນດີຊຸກຍູ້ວົງເງິນການຄ້າ 2 ຝ່າຍໃຫ້ບັນລຸລະດັບ 20 ຕື້ USD.
ເນັ້ນໜັກເຖິງຜົນສຳເລັດຂອງການເຈລະຈາ, ທ່ານນາຍົກລັດຖະມົນຕີ ຫວຽນຊວັນຟຸກ ໃຫ້ຮູ້ວ່າ, 2 ຝ່າຍໄດ້ເຫັນດີເພີ່ມທະວີການຮ່ວມມືຮອບດ້ານໃນທຸກຊ່ອງທາງຂອງພັກ, ລັດ, ສະພາແຫ່ງຊາດ ແລະ ການພົບປະແລກປ່ຽນປະຊາຊົນລະຫວ່າງ 2 ປະເທດ, ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ຮ່ວມມືກັນຢ່າງແທດຈິງ ແລະ ຕ່າງຝ່າຍຕ່າງມີຜົນປະໂຫຍດ… ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ:
“ພວກຂ້າພະເຈົ້າມີຄວາມປະຕິຊົມຊື່ນຕໍ່ບັນດາບາດກ້າວພັດທະນາຢ່າງດີງາມກ່ຽວກັບດ້ານການຄ້າ ແລະ ການລົງທຶນລະຫວ່າງ 2 ປະເທດ. ປະຈຸບັນ, ວົງເງິນການຄ້າ 2 ສົ້ນບັນລຸຕົວເລກ 15 ຕື້ USD ແລະ ມາເລເຊຍ ແມ່ນຄູ່ຮ່ວມມືດ້ານການຄ້າໃຫຍ່ອັນດັບທີ 8 ຂອງຫວຽດນາມ. ພວກຂ້າພະເຈົ້າຈະສູ້ຊົນນຳວົງເງິນການຄ້າໃຫ້ບັນລຸຕົວເລກ 20 ຕື້ USD, ພ້ອມກັນນັ້ນຊຸກຍູ້ການລົງທຶນໃນຫຼາຍຂົງເຂດເຊິ່ງ 2 ຝ່າຍລ້ວນແຕ່ມີທ່າແຮງ, ສ້າງເງື່ອນໄຂສະດວກໃຫ້ແກ່ການລົງທຶນ, ການຄ້າພັດທະນາຢ່າງແຮງໃນໄລຍະຈະມາເຖິງ.”
ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ, ໄດ້ເປັນເອກະພາບກັບທ່ານນາຍົກລັດຖະມົນຕີ Mahathir Mohamad ສົມທົບກັນເພື່ອຮັບມືກັບບັນດາການຜັນແປຂອງສະພາບການສາກົນຢ່າງມີປະສິດທິຜົນ, ຊຸກຍູ້ການຄ້າເສລີ ແລະ ເຊື່ອມໂຍງເຂົ້າກັບສາກົນ. ນາຍົກລັດຖະມົນຕີ 2 ທ່ານກໍ່ເຫັນດີສົ່ງເສີມການເປີດກວ້າງການສຳຫຼວດ, ຂຸດຄົ້ນນ້ຳມັນ; ມີກົນໄກທີ່ເໝາະສົມໃຫ້ຊາວປະມົງຂອງ 2 ປະເທດໃນການເຄື່ອນໄຫວຫາປາຖືກຕ້ອງຕາມກົດໝາຍ…
ສ່ວນທ່ານນາຍົກລັດຖະມົນຕີ Mahathir Mohamad ເນັ້ນໜັກວ່າ:
“ຂ້າພະເຈົ້າລໍຖ້າການປະຕິບັດບັນດາຂໍ້ຕົກລົງເຊິ່ງ 2 ຝ່າຍໄດ້ປຶກສາຫາລືທີ່ບັນດາກອງປະຊຸມວົງແຄບ ກໍຄືທີ່ການເຈລະຈາ. ກ່ຽວກັບດ້ານການຄ້າ 2 ຝ່າຍ, 2 ຝ່າຍລ້ວນແຕ່ປາດຖະໜາວ່າ ວົງເງິນການຄ້າຈະເພີ່ມທະວີຂຶ້ນຜ່ານເລື່ອງມາເລເຊຍ ນຳເຂົ້າສິນຄ້າຫຼາຍປະເພດຈາກຫວຽດນາມ ເພື່ອຫຼຸດຜ່ອນຄວາມດຸ່ນດ່ຽງໃນດຸນການຄ້າ. ຂ້າພະເຈົ້າໄດ້ເຊື້ອເຊີນທ່ານນາຍົກລັດຖະມົນຕີ ຫງວຽນຊວນຟຸກ ໄປຢ້ຽມຢາມມາເລເຊຍ ເພື່ອສືບຕໍ່ປຶກສາຫາລືບັນດາມາດຕະການເພື່ອແນໃສ່ຊຸກຍູ້ການຮ່ວມມືລະຫວ່າງ 2 ປະເທດ”.
ກ່ຽວກັບບັນຫາທະເລຕາເວັນອອກ, ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ຮູ້ວ່າ, 2 ຝ່າຍໄດ້ເຫັນດີນຳກັນຮ່ວມມືກັນຢ່າງແໜ້ນແຟ້ນພ້ອມກັບອາຊຽນ ເພື່ອຮັບປະກັນສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ ແລະ ຄວາມເສລີໃນການເດີນທະເລ, ການບິນຢູ່ທະເລຕາເວັນອອກ, ແກ້ໄຂການຂັດແຍ້ງກັນໂດຍສັນຕິວິທີ, ເຄົາລົບກົດໝາຍສາກົນ, ສົນທິສັນຍາກ່ຽວກັບກົດໝາຍວ່າດ້ວຍທະເລປີ 1982, ເຄົາລົບບັນດາວິວັດການທາງການທູດ ແລະ ນິຕິກຳ, ບໍ່ນາບຂູ່ນຳໃຊ້ອາວຸດ ຫຼື ນຳໃຊ້ອາວຸດ, ບໍ່ຫັນເປັນການທະຫານ, ປະຕິບັດຖະແຫຼງການ DOC ຢ່າງຄົບຖ້ວນ ແລະ ເຂັ້ມງວດ, ສູ້ຊົນບັນລຸໄດ້ COC ຢ່າງແທດຈິງ, ມີປະສິດທິຜົນ ແລະ ມີຄວາມຜູກມັດດ້ານນິຕິກຳ.