ຫວຽດນາມໜູນຊ່ວຍບັນດາກອງພົນຫລວງຂອງລາວໃຫ້ກາຍເປັນກຳລັງຫລວງທີ່ທັນສະໄໝ
![ຫວຽດນາມໜູນຊ່ວຍບັນດາກອງພົນຫລວງຂອງລາວໃຫ້ກາຍເປັນກຳລັງຫລວງທີ່ທັນສະໄໝ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2016_08_30/2222.jpg)
ພິທີເຊັນມອບຮັບຂອງຂວັນຂອງທ່ານພົນໂທ ເລືອງເກື່ອງ
(ພາບ: TTXVN)
(vovworld) - ຕອນເຊົ້າວັນທີ 30/08 ຢູ່ສຳນັກງານກະຊວງປ້ອງກັນປະເທດ ລາວ ທີ່ນະຄອນຫລວງ ວຽງຈັນ ໄດ້ດຳເນີນພິທີເຊັນມອບຮັບເຄື່ອງຄອມພິວເຕີ Dell 75 ຊຸດ ແລະ ເຄື່ອງພິມ Canon 75 ຊຸດ, ເຊິ່ງແມ່ນຂອງຂວັນຂອງທ່ານພົນໂທ ເລືອງເກື່ອງ ເລຂາສູນກາງພັກກອມມູນິດ ຫວຽດນາມ, ຫົວໜ້າກົມໃຫຍ່ການເມືອງກອງທັບປະຊາຊົນ ຫວຽດນາມ ແລະ ກົມການພົວພັນຕ່າງປະເທດ, ກະຊວງປ້ອງກັນປະເທດ ຫວຽດນາມ ໃຫ້ບັນດາກອງພົນຫລວງ 1,2,3,4,5 ຂອງກອງທັບປະຊາຊົນ ລາວ. ນີ້ແມ່ນຂໍ້ຕົກລົງລະຫວ່າງການນຳກົມໃຫຍ່ການເມືອງກອງທັບປະຊາຊົນ ຫວຽດນາມ ແລະ ການນຳກົມໃຫຍ່ການເມືອງກອງທັບປະຊາຊົນ ລາວ ໃນການຢ້ຽມຢາມມິດຕະພາບ ສປປ.ລາວ ຢ່າງເປັນທາງການຂອງທ່ານພົນໂທ ເລືອງເກື່ອງ ໃນລະຫວ່າງວັນທີ 11 – 14/07/2016. ກ່າວຄຳເຫັນນະທີ່ນີ້ ທ່ານພົນຈັດຕະວາ ສົມທອງ ພົມມະວົງ ຮອງຫົວໜ້າກົມໃຫຍ່ການເມືອງກອງທັບປະຊາຊົນ ລາວ ຂອບໃຈຢ່າງຈິງໃຈຕໍ່ການຊ່ວຍເຫຼືອຂອງພັກ, ລັດ, ກອງທັບ ແລະ ປະຊາຊົນ ຫວຽດນາມ ທີ່ສະຫງວນໃຫ້ ລາວ ແລະ ຢືນຢັນວ່າ: ຈະສືບຕໍ່ມານະພະຍາຍາມປົກປັກຮັກສາ ແລະ ພັດທະນາການພົວພັນແບບພິເສດລະຫວ່າງ 2 ກອງທັບເວົ້າສະເພາະ ແລະ 2 ປະເທດເວົ້າລວມ.