ຫົວໜ້າຄະນະເສດຖະກິດສູນກາງພັກ ຫງວຽນວັນບິ່ງ ເຂົ້າຮ່ວມເວທີປາໄສການເຊື່ອມຕໍ່ລະຫວ່າງເອີລົບ-ອາຊີ
(VOVWORLD) -ໂດຍສືບຕໍ່ບັນດາການເຄື່ອນໄຫວ ໃນຂອບເຂດການຢ້ຽມຢາມ ແລະ ເຮັດວຽກຢູ່ເອີລົບ, ວັນທີ 27 ກັນຍາ ຢູ່ Bruxelles, ຄະນະຜູ້ແທນຂັ້ນສູງຂອງ ພັກກອມມູນິດ ຫວຽດນາມ ໂດຍທ່ານ ຫງວຽນວັນບິ່ງ ຫົວໜ້າຄະນະເສດຖະກິດສູນກາງພັກ ນຳໜ້າ ໄດ້ເຂົ້າຮ່ວມເວທີປາໄສການເຊື່ອມຕໍ່ລະຫວ່າງເອີລົບ-ອາຊີ ໂດຍຄະນະກຳມະການເອີລົບ (EC) ຈັດຕັ້ງ
 ທ່ານ ຫງວຽນວັນບິ່ງ ກ່າວຄຳເຫັນທີ່ເວທີປາໄສ |
ກ່າວຄຳເຫັນທີ່ເວທີປາໄສການເຊື່ອມຕໍ່ ເສດຖະກິດ, ທ່ານ ຫງວຽນວັນບິ່ງ ໄດ້ສະແດງການສະໜັບສະໜູນຂອງ ຫວຽດນາມ ສຳລັບບັນດາຄວາມມານະພະຍາຍາມເຊື່ອມຕໍ່ ລະຫວ່າງ ເອີລົບ - ອາຊີ ຂອງ EU ພ້ອມທັງຢັ້ງຢືນວ່າ ການເຊື່ອມຕໍ່ດັ່ງກ່າວ ຕ້ອງຮັບປະກັນລັກສະນະໝັ້ນຄົງ, ຮອບດ້ານ. ທ່ານ ຫງວຽນວັນບິ່ງ ກໍ່ຢັ້ງຢືນວ່າ ດ້ວຍຖານະຕຳແໜ່ງ ເປັນກຳມະການບໍ່ປະຈຳການຂອງ ສະພາຄວາມໝັ້ນຄົງ ສປຊ ອາຍຸການ 2020 – 2021 ແລະ ເປັນປະທານອາຊຽນໃນປີ 2020, ຫວຽດນາມ ພ້ອມແລ້ວທີ່ຈະເປັນຂົວເຊື່ອມຕໍ່ ລະຫວ່າງ EU ແລະ ອາຊຽນ ແລະ ພາກພື້ນອາຊີ - ປາຊີຟິກ ເພື່ອຂຸດຄົ້ນບັນດາຄວາມສາມາດບົ່ມຊ້ອນໃນການຮ່ວມມືສອງຝ່າຍໃຫ້ຄົບຖ້ວນ, ເພື່ອສັນຕິພາບ, ສະຖຽນລະພາບ ແລະ ວັດທະນາຖາວອນຂອງ 2 ທະວີບ ແລະ ໃນທົ່ວໂລກ.