(vovworld) – ງານຕະຫຼາດນັດທ່ອງທ່ຽວສາກົນຫວຽດນາມປີ 2015 ດ້ວຍຫົວຂໍ້ວ່າ “ຫວຽດນາມ - ປະເທດແຫ່ງບັນດາມໍລະດົກ” ໂດຍສະຫະສະມາຄົມທ່ອງທ່ຽວຫວຽດນາມ, ກົນໃຫຍ່ທ່ອງທ່ຽວ ແລະ ນະຄອນຮ່າໂນ້ຍ ຈັດຕັ້ງ ຖືກອັດລົງໃນຕອນຄໍ່າວັນທີ 06/04, ພາຍຫຼັງດຳເນີນມາເປັນເວລາ 4 ວັນ. ດ້ວຍຮ້ານວາງສະແດງ 500 ຮ້ານ ຂອງ 25 ປະເທດ. ນອກຈາກການຜັນຂະຫຍາຍລາຍການສົ່ງເສີມການທ່ອງທ່ຽວບັນລຸຜົນສຳເລັດ, ສ້າງກາລະໂອກາດພົບບປະແລກປ່ຽນດ້ານການຄ້າລະຫວ່າງວິສາຫະກິດນຳກັນ, ງານຕະຫຼາດນັດຍັງເປັນເວທີປາໄສໃຫຍ່ກວ່າໝູ່ຂອງຂະແໜງ ດ້ວຍບັນດາກອງປະຊຸມສຳມະນາ, ໂອ້ລົມສົນທະນາ ທີ່ເຕືອງເຖິງຫຼາຍບັນຫາເຄັ່ງຮ້ອນຂອງການທ່ອງທ່ຽວອີກດ້ວຍ. ຢູ່ທີ່ນີ້, ບັນດາວິສາຫະກິດ ແລະ ອົງການສື່ມວນຊົນໄດ້ປຶກສາຫາລື, ສະເໜີຕໍ່ບັນດາອົງການຄຸ້ມຄອງລັດ ກ່ຽວກັບມາດຕະການແກ້ໄຂສະພາບຈຳນວນນັກທ່ອງທ່ຽວຖືກຫຼຸດລົງ, ເຮັດໃຫ້ການທ່ອງທ່ຽວກາຍເປັນຂະແໜງເສດຖະກິດປາຍແຫຼມຂອງປະເທດຊາດ. ກ່າວຄຳເຫັນອັດງານຕະຫຼາດນັດ, ທ່ານຫວູເທ໋ບິ່ງ, ຮອງປະທານສະຫະສະມາຄົມທ່ອງທ່ຽວຫວຽດນາມ ໃຫ້ຮູ້ວ່າ.
“ງານຕະຫຼາດນັດສ້າງໄດ້ຮູບພາບຂອງຕົນ ດ້ວຍບັນດາຮ້ານວາງສະແດງທີ່ກວ້າງໃຫຍ່ ແລະ ສວຍງາມ. ບັນດາຮ້ານວາງສະແດງຄື: Redtours, Vietravel, Saigontourist … ແມ່ນບັນດາກິດຈະກຳສະຖາປັດຕະຍາກຳທີ່ມີຫຼາຍຮູບຫຼາຍແບບ, ເຂັ້ມຂົ້ນໄປດ້ວຍຂີດໝາຍວັດທະນະທຳທີ່ເປັນມູນເຊື້ອ. ບັນດາຮ້ານວາງສະແດງສາກົນຄື: ສ.ເກົາຫຼີ, ຍີ່ປຸ່ນ, ຟິລິບປີນ… ກໍ່ສວຍງາມ ແລະ ໄດ້ສ້າງຄວາມນິຍົມໃຫ້ແຂກມາຢ້ຽມຊົມ. ຜ່ານການຈັດຕັ້ງເປັນ 3 ຄັ້ງ, ງານຕະຫຼາດນັດທ່ອງທ່ຽວສາກົນຫວຽດນາມ ໄດ້ບື່ນຕົວຂຶ້ນສົມກັບສັນຍາລັກຂອງການທ່ອງທ່ຽວຫວຽດນາມ, ຂະແໜງເສດຖະກິດທີ່ມີເນື້ອໃນວັດທະນະທຳຢ່າງເລິກເຊິ່ງ.”