(vovworld) - ງານວາງສະແດງດ້ວຍຫົວຂໍ້ວ່າ “ທາດພິດສີສົ້ມ - ມະໂນທຳ ແລະ ຄວາມຍຸຕິທຳ” ໂດຍສູນກາງສະມາຄົມຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນຫວຽດນາມ ສົມທົບກັບນະຄອນດ່ານັ້ງ ຈັດຕັ້ງ, ໄດ້ອັດລົງໃນຕອນບ່າຍວັນທີ 12 ສິງຫາ. ຜ່ານການເປີດງານວາງສະແດງ 3 ອາທິດ, ງານວາງສະແດງໄດ້ດຶງດູດຜູ້ມາຊົມ ແລະ ຄົ້ນຄວ້າທັງຢູ່ພາຍໃນປະເທດ ແລະ ຕ່າງປະເທດເກືອບ 4000 ເທື່ອຄົນ. ງານວາງສະແດງໄດ້ວາງສະແດງຮູບຖ່າຍ 300 ແຜ່ນ, ວັດຖຸກ່ຽວກັບໄພໂສກນາດຕະກຳພິດສີສົ້ມດີໂອຊີນຢູ່ຫວຽດນາມ ດ້ວຍຄວາມປາດຖະໜາຢາກຊ່ວຍປະຊາຊົນນະຄອນດ່ານັ້ງ, ເພື່ອນມິດສາກົນ ເຂົ້າໃຈກວ່າກ່ຽວກັບໂສກນາດຕະກຳຈາກທາດພິດສີສົ້ມດີໂອຊີນ ແລະ ວຽກງານແກ້ໄຂຜົນຮ້າຍຢ້ອນຫຼັງຈາກສົງຄາມທາດເຄມີໂດຍກອງທັບອາເມລິກາ ດຳເນີນຢູ່ຫວຽດນາມ. ທ່ານ Chuck Palazza, ທະຫານຜ່ານເສິກອາເມລິກາ ແບ່ງປັນວ່າ.
“ຂ້າພະເຈົ້າມີຄວາມສະເທື່ອນໃຈເມື່ອເບິ່ງບັນດາຮູບຖ່າຍດັ່ງກ່າວ. ນີ້ແມ່ນໂອກາດເພື່ອໃຫ້ພວກຂ້າພະເຈົ້າໂຄສະນາກ່ຽວກັບທາດພິດສີສົ້ມດີໂອຊີນກັບທຸກຄົນ. ຜ່ານງານວາງສະແດງຄັ້ງນີ້, ຂ້າພະເຂົ້າຫວັງວ່າ ຈະມີເພື່ອນມິດສາກົນຫຼາຍຄົນເຂົ້າໃຈກ່ຽວກັບທາດພິດສີສົ້ມກວ່າ ແລະ ແບ່ງປັນຄວາມເຈັບປວດຈາກທາດພິດສີສົ້ມ. ຈາກນັ້ນ, ຈະມີບັນດາອົງການພາຍໃນ ແລະ ຕ່າງປະເທດເອົາໃຈໃສ່ໜູນຊ່ວຍຜູ້ປະສົບເຄສະຮ້າຍຈາກທາດພິດສີສົ້ມຢູ່ດ່ານັ້ງ ແລະ ຫວຽດນາມ”.