ວັນທີ 29 ພະຈິກ, ກ່າວຄຳເຫັນຢູ່ລັດຖະສະພາ ເອີຣົບ, ທ່ານ Michel Barnier ຫົວໜ້າຄະນະເຈລະຈາ Brexit ຂອງ ອີຢູ ໃຫ້ຮູ້ວ່າ: ການພົວພັນໃນອະນາຄົດ ຈະລວມມີ “ສິນຄ້າ, ການບໍລິການ, ພື້ນຖານເສດຖະກິດດີຈີຕອນ, ການໄປມາຂອງພົນລະເມືອງ, ການຂົນສົ່ງ, ພະລັງງານ, ຄວາມໝັ້ນຄົງ ແລະ ແນ່ນອນແມ່ນເພື່ອສະຖຽນລະພາບທະວີບພວກເຮົາ, ນະໂຍບາຍການຕ່າງປະເທດ”.

        ກ່ອນໜ້ານັ້ນ, ວັນທີ 25 ພະຈິກ, ທ່ານນາງນາຍົກລັດຖະມົນຕີ ອັງກິດ Theresa May ໄດ້ສິ້ນສຸດໄລຍະການເຈລະຈາ Brexit ຢ່າງເປັນທາງການທີ່ແກ່ຍາວມາເປັນເວລາ 17 ເດືອນ ດ້ວຍການລົງນາມໃນບັນດາຂໍ້ຕົກລົງທີ່ກ່ຽວຂ້ອງເຖິງ Brexit ກັບການນຳ 27 ປະເທດສະມາຊິກທີ່ຍັງເຫຼືອຂອງ ອີຢູ.