ພາລະກອນຢູ່ໂຮງງານນິວເຄຼຍຂອງອີຣານ
(ພາບ: vietbao.vn)
(vovworld)- ວັນທີ 3/6, ສັງຄະນາຍົກຂອງອີຣານ, ທ່ານ Ali Khamenei ໄດ້ອອກສຽງກ່າວຜູກໂທດອາເມລິກາ ແລະ ພັນທະມິດ ທີ່ເວົ້າບໍ່ຈິງກ່ຽວກັບ “ໄພນາບຂູ່ດ້ານນິວເຄຼຍຂອງອີຣານ“ ເພື່ອແນໃສ່ປົກປິດບັນດາບັນຫາຂອງປະເທດເຫຼົ່ານີ້. ໂທລະພາບແຫ່ງລັດອີຣານ ໄດ້ອອກອາກາດບົດກ່າວປາໄສຂອງສັງຄະນາຍົກ Ali Khamenei ໃນໂອກາດລະນຶກ 23 ປີແຫ່ງວັນເຖິງແກ່ມໍລະນະກຳຂອງຜູ້ສ້າງຕັ້ງປະເທດສາທາລະນະລັດອິດຊະລາມອີຣານ, ທ່ານສັງຄະນາຍົກ Ruhollah Khomeini, ຊື່ງໃນນັ້ນທ່ານ Ali Khamenei ຊີ້ແຈ້ງວ່າ: “ພວກເຂົາເຈົ້າຫຼວກລວງ ເມື່ອນຳໃຊ້ຄຳວ່າອາວຸດນິວເຄຼຍ ເພື່ອແກ່ດຶງບັນດາຄຳເຫັນ ແລະ ຫາງສຽງລວມອອກຈາກບັນດາບັນຫາຂອງປະເທດອາເມລິກາ ແລະ ເອີລົບ“. ຕາມທ່ານ Ali Khamenei ແລ້ວ, ບັນດາຄຳກ່າວຫາທີ່ຖືວ່າ ອີຣານ ພວມຊອກຫາວິທີພັດທະນາລະເບີດນິວເຄຼຍ ແມ່ນບໍ່ມີມູນຄວາມຈິງ. ແລະ ກໍໃນບົດກ່າວປາໄສນີ້, ສັງຄະນາຍົກ Ali Khamenei ໄດ້ກ່າວເຕືອນວ່າ: ບໍ່ວ່າການບຸກໂຈມຕີໃດໆຂອງອິດສະຣານແອນ ແນ່ໃສອີຣານ ກໍຈະຖືກໂຕ້ຕອບ ພ້ອມທັງຢືນຢັນວ່າ: ບັນດາມາດຕະການລົງໂທດຂອງຝ່າຍຕາເວັນຕົກ ບໍ່ສາມາດກະທົບເຖິງປະເທດນີ້ໄດ້ ຫາກຍັງເພີ່ມທະວີຄວາມຄຽດແຄ້ນຂອງຊາວອີຣານ ທີ່ມີຕໍ່ຝ່າຍຕາເວັນຕົກ.