ທ່ານປະທານາທິບໍດີ ອີຣານ Ebrahim Raisi ພົບປະກັບທ່ານ ລັດຖະມົນຕີການຕ່າງປະເທດ ອາກເມເນຍ Ararat Mirzoyan (ພາບ: AFP)

ນີ້ແມ່ນການພົບປະຄັ້ງທຳອິດຂອງລັດຖະມົນຕີການຕ່າງປະເທດສອງປະເທດ ພາຍຫຼັງກຳລັງຂອງ ອາເຊັກໄບຊານ ຍາດໄດ້ສິດຄວບຄຸມເຂດແຍກຕົວ Nagorno-Karabakh ເມື່ອເດືອນກັນຍາຜ່ານມາ.

ການເຈລະຈາຍັງມີການເຂົ້າຮ່ວມຂອງທ່ານລັດຖະມົນຕີການຕ່າງປະເທດ ລັດເຊຍ ແລະ ລັດຖະມົນຕີການຕ່າງປະເທດ ຕວັກກີ. ໃນຖະແຫຼງການຮ່ວມສະບັບສຸດທ້າຍ, ບັນດາຝ່າຍທີ່ເຂົ້າຮ່ວມການເຈລະຈາໄດ້ຢ້ຳຄືນ “ຄວາມສຳຄັນໃນການແກ້ໄຂການຂັດແຍ້ງກັນໂດຍສັນຕິວິທີ, ເຄົາລົບອະທິປະໄຕ, ເອກະລາດດ້ານການເມືອງ, ຜືນແຜ່ນດິນອັນຄົບຖ້ວນ ແລະ ບໍ່ແຊກແຊງເຂົ້າວຽກງານພາຍໃນຂອງກັນ”. ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ເປີດເຜີຍວ່າ ການເຈລະຈາຄັ້ງຈະມາເຖິງ ຈະໄດ້ຂຶ້ນແຜນຈັດຢູ່ ຕວັກກີ ໃນໄລຍະ 6 ເດືອນຕົ້ນປີ 2024 ເພື່ອແນໃສ່ຊອກຫາສັນຕິພາບຢູ່ເຂດ Kavkaz.