ອະນຸກຳມະການເອກະສານກົດໝາຍແລະການສື່ສານໂຄສະນາສະພາເລືອກຕັ້ງແຫ່ງຊາດຈັດກອງປະຊຸມຄັ້ງທຳອິດ
ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ
(ພາບ: nhandan.com.vn)
(vovworld) – ທີ່ວາລະປະຊຸມດຳເນີນໃນຕອນບ່າຍວັນທີ 17/12 ຢູ່ຮ່າໂນ້ຍ, ກ່າວຄຳເຫັນທີ່ພິທີໄຂ, ທ່ານຮອງປະທານສະພາແຫ່ງຊາດ ອວງຈູລືວ ຊີ້ແຈ້ງວ່າ: ນີ້ແມ່ນກອງປະຊຸມທຳອິດຂອງອະນຸກຳມະການເອກະສານກົດໝາຍ ແລະ ການສື່ສານໂຄສະນາ, ແມ່ນໜຶ່ງໃນສາມອະນຸກຳມະການຂອງສະພາເລືອກຕັ້ງແຫ່ງຊາດ. ກອງປະຊຸມ ເພື່ອແນໃສ່ຕັດສິນວຽກງານຂອງອະນຸກຳມະການ, ຮັບຟັງ ແລະ ປຶກສາຫາລືຮ່າງກົດລະບຽບໃນການປະຕິບັດໜ້າທີ່ວຽກງານຂອງອະນຸກຳມະການ ເອກະ ສານກົດໝາຍ ແລະ ການສື່ສານໂຄສະນາ; ແຜນຮ່າງແບ່ງໜ້າທີ່ວຽກງານໃຫ້ບັນດາສະມາຊິກອະນຸກຳມະການ; ຄາດຄະເນບັນດາເອກະສານທີ່ຮັບໃຊ້ໃຫ້ແກ່ການເລືອກຕັ້ງ.
ແລະກໍ່ໃນວາລະປະຊຸມ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ສະເໜີບັນດາອົງການມີສ່ວນກ່ຽວຂ້ອງ, ສະມາຊິກຂອງອະນຸກຳມະການຕ້ອງມີຄວາມຮັບຜິດຊອບຊ່ວຍຫົວໜ້າອະນຸກຳມະການໃນວຽກງານຊີ້ນຳນຳພາລວມຂອງອະນຸກຳມະການ…ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ໃສ່ໃຈເປັນພິເສດເຖິງວຽກງານໂຄສະນາກ່ອນ, ໃນ ແລະ ພາຍຫລັງວັນເລືອກຕັ້ງ. ກົດລະບຽບການເຮັດວຽກຂອງອະນຸກຳມະການເອກະສານກົດໝາຍ ແລະ ໃນການສື່ສານໂຄສະນາ ຄວນຊີ້ແຈ້ງຄວາມຮັບຜິດຊອບໜ້າທີ່ສົມທົບກັນລະຫວ່າງບັນດາອົງການກ່ຽວຂ້ອງ ເພື່ອປະຕິບັດໜ້າທີ່ຂອງຕົນ.