ຮອງນາຍົກລັດຖະມົນຕີ ຝ້າມບິງມິນ ເຈລະຈາກັບເລຂາທິການໃຫຍ່ປະຊາຄົມພາສາຝະລັ່ງ
![ຮອງນາຍົກລັດຖະມົນຕີ ຝ້າມບິງມິນ ເຈລະຈາກັບເລຂາທິການໃຫຍ່ປະຊາຄົມພາສາຝະລັ່ງ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2016_10_12/phap ngu.jpg)
ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິງມິນ ແລະ ທ່ານນາງເລຂາທິການໃຫຍ່ປະຊາຄົມພາສາຝະລັ່ງ Michaelee Jean |
(vovworld)- ຕອນເຊົ້າວັນທີ 12/10, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິງມິນ ໄດ້ມີການເຈລະຈາກັບທ່ານນາງເລຂາທິການໃຫຍ່ປະຊາຄົມພາສາຝະລັ່ງ Michaelee Jean. ທີ່ການເຈລະຈາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິງມິນ ຢືນຢັນວ່າ ປະຊາຄົມພາສາຝະລັ່ງແມ່ນຄູ່ຮ່ວມມືສຳຄັນຂອງຫວຽດນາມ. ທ່ານໄດ້ເນັ້ນໜັກວ່າ ຫວຽດນາມສະໜັບສະໜູນຄວາມມານະພະຍາຍາມຂອງ ປະຊາຄົມພາສາຝະລັ່ງທີ່ແນໃສ່ຊຸກຍູ້ການຮ່ວມມື ພ້ອມກັບບັນດາຂົງເຂດຮ່ວມມືທີ່ມີມາແຕ່ດົນນານ, ຜ່ານນັ້ນ ກໍເພີ່ມທະວີພະລັງຊີວິດຂອງ ປະຊາຄົມພາສາຝະລັ່ງ ແລະ ຕອບສະໜອງຄສາມຄອງຄອຍຂອງບັນດາປະເທດສະມາຊິກ.
ສ່ວນທ່ານນາງເລຂາທິການໃຫຍ່ປະຊາຄົມພາສາຝະລັ່ງ Michaelee Jean ກໍໄດ້ຢືນຢັນວ່າ ປະຊາຄົມພາສາຝະລັ່ງ ພ້ອມແລ້ວຫນູນຊ່ວຍຫວຽດນາມໃນການເຊື່ອມໂຍງເຂົ້າກັບເສດຖະກິດສາກົນ ແລະ ທາງປະຊາຄົມຈະເພີ່ມທະວີການຮ່ວມມືກັບຫວຽດນາມກ່ຽວກັບການສອນພາສາຝະລັ່ງ ແລະ ສອນດ້ວຍພາສາຝະລັ່ງ, ໜູນຊ່ວຍຫວຽດນາມເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງ ສ.ປ.ຊ.