(vovworld) – ວັນທີ 24/12, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ລົງຢ້ຽມຢາມ, ອວຍພອນປີໃໝ່ອົງຄະນະພັກ ແລະ ປະຊາຊົນແຂວງຮ່ານາມ, ເນື່ອງໃນໂອກາດປີໃໝ່ມະແມ 2015. ທ່ານຮອງນາຍົກລັດ ຖະມົນຕີ ຫງວຽນຊວນຟຸກ ເນັ້ນໜັກວ່າ ແຂວງຮ່ານາມ ມີເນື້ອທີ່ນ້ອຍ ແຕ່ລະດັບຄວາມຮັບຮູ້ຂອງປະຊາຊົນສູງ, ພູມສາດສະດວກ, ຕິດກັບນະຄອນຫຼວງ, ສະນັ້ນຄວາມຕ້ອງການພັດທະນາແມ່ນໃຫຍ່ຫຼວງທີ່ສຸດ. ດັ່ງນັ້ນ, ປີ 2015, ແຂວງຮ່ານາມ ຄວນມີມາດຕະການຢ່າງລະອຽດ ເພື່ອຫັນປ່ຽນການສ້າງໂຄງປະກອບຜົນລະປູກຄືນໃໝ່, ກໍ່ສ້າງຊົນນະບົດໃໝ່, ເອົາໃຈໃສ່ເປັນພິເສດເຖິງການພັດທະນາວິທະຍາສາດ ແລະ ເຕັກໂນໂລຢີ, ການບໍລິການ -ກະສິກຳ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ປາດຖະໜາວ່າ ທ່າເຕີບໂຕທີ່ໜ້າປະທັບໃຈໃນປີ 2014 ພ້ອມກັບຄວາມສາມັກຄີ, ເຫັນດີເຫັນພ້ອມສູງ, ໃນໄລຍະຈະມາເຖິງແຂວງຮ່ານາມ ຈະບືນຕົວຂຶ້ນເພື່ອພັດທະນາ, ສົມກັບຄວາມໄວ້ເນື້ອເຊື່ອໃຈ, ການລະດົມກຳລັງໃຈຢ່າງແຮງຂອງຂັ້ນສູນກາງທີ່ສະຫງວນໃຫ້ແຂວງຮ່ານາມ.
ກ່ອນໜ້ານັ້ນ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ຕີກອງໄຂງານບຸນວັດ ບ໋າຍດິ໋ງ, ແຂວງນິງບິ່ງ.