(vovworld) - ຕອນບ່າຍວັນທີ 09/04, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວູວັນນິງ ໄດ້ໃຫ້ການຕ້ອນຮັບທ່ານນາງລັດຖະມົນຕີການຄ້າຕ່າງປະເທດ ສ.ຝລັ່ງ Nicole Bricq. ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ໄດ້ເນັ້ນໜັກວ່າ ໃນໄລຍະຈະມາເຖິງ 2 ປະເທດຕ້ອງເພີ່ມທະວີກົນໄກແລກປ່ຽນຂໍ້ມູນເປັນປະຈຳ, ຍູ້ແຮງບັນດາຄະນະນັກທຸລະກິດ, ສົ່ງເສີມການຄ້າການລົງທຶນກວ່າອີກ. ຄຽງຂ້າງນັ້ນ, ຜັນຂະຫຍາຍບັນດາໂຄງການຈຸດສຸມໃນການພົວພັນຮ່ວມມືລະຫວ່າງ 2 ປະເທດຄື ໂຄງການເສັ້ນທາງລົດໄຟເຂດຕົວເມືອງເລກ 3 ຢູ່ຮ່າໂນ້ຍ, ໂຄງການອຸປະກອນໃຫ້ແກ່ໂຮງໝໍຫລາຍຂະແໜງ ເກີນເທີ. ທ່ານຮອງນາຍົກລັດຖະມົນຕີ ກໍ່ຫວັງວ່າ ການພົວພັນຮ່ວມມືລະຫວ່າງຫວຽດນາມ - ຝລັ່ງ ຈະຖືກຍົກລະດັບເປັນຄູ່ຮ່ວມມືຍຸດທະສາດໃນໄລຍະຈະມາເຖິງໂດຍໄວ.
ສ່ວນທ່ານນາງລັດຖະມົນຕີການຄ້າຕ່າງປະເທດຝລັ່ງ Nicole Bricq ໄດ້ຖືວ່າ ຫວຽດນາມ ແລະ ຝລັ່ງຊຸກຍູ້ການພົວພັນມິດຕະພາບ ແລະ ການຮ່ວມມືໃນຫລາຍຂົງເຂດໃຫ້ມີປະສິດທິຜົນກວ່າອີກ, ປະກອບສ່ວນເຂົ້າໃນກິດຈະການສ້າງສາ ແລະ ພັດທະນາຂອງແຕ່ລະປະເທດ.