ຮອງປະທານປະເທດດັ້ງທິງອກທິ້ງຢ້ຽມຢາມແລະອວຍພອນປີໃໝ່ຢູ່ຢາລາຍ
ທ່ານນາງດັ້ງທິງອກທິ້ງ ມອບຂອງຂວັນໃຫ້ເດັກນ້ອຍຢູ່ຢາລາຍ
|
(vovworld) - ຕອນບ່າຍວັນທີ 17/1, ທ່ານນາງຮອງປະທານປະເທດ ດັ້ງທິງອກທິ້ງ ໄດ້ໄປຢ້ຽມຢາມ ແລະ ອວຍພອນປີໃໝ່ຢູ່ແຂວງ ຢາລາຍ. ພາຍຫຼັງການຢ້ຽມຢາມ ແລະ ມອບຂອງຂວັນບຸນເຕັດໃຫ້ແມ່ ຫວຽດນາມ ວິລະຊົນ ຫງວຽນທິເມື່ອຍ, ອາຍຸ 90 ປີ, ຢູ່ ເມືອງ Ia Kring, ນະຄອນ Pleiku, ທ່ານຮອງປະທານປະເທດ ດັ້ງທິງອກທິ້ງ ກໍ່ໄປຢ້ຽມຢາມເດັກກຳພ້າ, ເດັກພິການຢູ່ສູນອຸປະກະລະສັງຄົມສັງລວມແຂວງ ຢາລາຍ ແລະ ບ້ານເດັກ SOS. ທ່າງນາງຮອງປະທານປະເທດ ຮັບຮູ້ການນຳແຂວງ ຢາລາຍ ໄດ້ຄວາມເອົາໃຈໃສ່, ລົງທຶນກໍ່ສ້າງບັນດາພື້ນຖານໂຄງລ່າງທີ່ໃຫຍ່ໂຕ, ທັນສະໄໝເພື່ອສ້າງເງື່ອນໄຂເບິ່ງແຍງດູແລເດັກນ້ອຍ 1.200 ຄົນທີ່ປະສົບກັບຄວາມຫຍຸ້ງຍາກເປັນພິເສດ ແລະ ຜູ້ມີອາຍຸສູງທີ່ຢູ່ໂດດດ່ຽວ. ນະທີ່ນີ້, ທ່ານນາງຮອງປະທານປະເທດ ດັ້ງທິງອກທິ້ງ ໄດ້ມອບ 2 ຮາກຖານລ້ຽງດູ ແລະ ສິດສອນເດັກກຳພ້າຈຳນວນເງິນ 40 ລ້ານດົ່ງເພື່ອເບິ່ງແຍງດູແລໃຫ້ແກ່ພວກຫຼານໄດ້ຕ້ອນຮັບ ບຸນເຕັດ, ພ້ອມທັງມອບທຶນສຶກສາ 100 ທຶນຂອງກອງທຶນອຸປະກາລະເດັກນ້ອຍ ຫວຽດນາມ ໃຫ້ແກ່ພວກຫຼານທີ່ມີຜົນງານໃນການຮ່ຳຮຽນ.
ກໍ່ໃນຕອນບ່າຍວັນທີ 17/1, ທ່ານນາງຮອງປະທານປະເທດ ກໍ່ໄດ້ໄປຢ້ຽມຢາມ, ອວຍພອນປີໃໝ່ພໍ່ແມ່ປະຊາຊົນບັນດາເຜົ່າຢູ່ຕາແສງ ວິລະຊົນ Ia Phi, ເມືອງ Chu Pah, ແຂວງ ຢາລາຍ.