ຮອງປະທານປະເທດຫງວຽນທິຢວານຕ້ອນຮັບພະນັກງານ,ຄູອາຈານດີເດັ່ນໃນວຽກງານສຶກສານັກຮຽນພິການ
ທ່ານນາງຮອງປະທານປະເທດຫງວຽນທິຢວານ
ຕ້ອນຮັບພະນັກງານ,ຄູອາຈານດີເດັ່ນໃນວຽກງານສຶກສານັກຮຽນພິການ
(ພາບ: vietbao)
(vovworld) - ວັນທີ 25/11, ທີ່ການຕ້ອນຮັບຄະນະຜູ້ແທນເຊິ່ງເປັນພະນັກງານ, ຄູອາຈານດີເດັ່ນໃນວຽກງານສຶກສານັກຮຽນພິການ, ຢູ່ສຳນັກງານປະທານປະເທດ, ທ່ານນາງຮອງປະທານປະເທດ ຫງວຽນທິຢວານ ປາດຖະໜາວ່າ, ບັນດາຄູອາຈານ ສືບຕໍ່ມານະພະຍາຍາມ, ຜ່ານຜ່າຄວາມຫຍຸ້ງຍາກ, ຮັກອາຊີບ ແລະ ເດັກນ້ອຍ; ມີແຜນການສິດສອນຢ່າງມີຫົວຄິດປະດິດສ້າງ, ເພື່ອປະກອບຄວາມຮູ້ ແລະ ຍົກສູງທັກສະໃນການດຳລົງຊີວິດໃຫ້ເດັກພິການ. ທ່ານນາງຮອງປະທານປະເທດ ຫງວຽນທິຢວານ ສະເໜີວ່າ, ໃນໄລຍະຈະມາເຖິງ, ກະຊວງສຶກສາ ແລະ ບຳລຸງສ້າງເພີ່ມທະວີວຽກງານເສນາທິການໃຫ້ພັກ, ລັດ ບັນດາກົນໄກ, ນະໂຍບາຍ ເພື່ອເບິ່ງແຍງດູແລ, ຍົກສູງຊີວິດການເປັນຢູ່, ເງື່ອນໄຂປະຕິບັດງານໃຫ້ຖັນແຖວຄູອາຈານທີ່ສິດສອນນັກຮຽນພິການ.