ຮອງປະທານປະເທດຫງວຽນທິຢວານເຂົ້າຮ່ວມງານຕະຫຼາດນັດທ່ອງທ່ຽວສາກົນເຊີດຊູມໍລະດົກຫວຽດນາມ
ຮ້ານວາງສະແດງຂອງ ໄຕຫວັນ - ປະເທດຈີນ
(ພາບ: Thanh Hà/TTXVN)
|
(vovworld) – ຕອນຄ່ຳວັນທີ 2/4, ຢູ່ ຮ່າໂນ້ຍ, ທ່ານນາງຮອງປະທານປະເທດ ຫງວຽນທິຢວານ ໄດ້ເຂົ້າຮ່ວມພິທີໄຂງານຕະຫຼາດນັດທ່ອງທ່ຽວສາກົນ ຫວຽດນາມ (VITM) 2015 ໂດຍສະຫະສະມາຄົມທ່ອງທ່ຽວ ຫວຽດນາມ, ກົມໃຫຍ່ທ່ອງທ່ຽວ ແລະ ນະຄອນ ຮ່າໂນ້ຍ ສົມທົບກັນຈັດຕັ້ງ. ປີນີ້ແມ່ນປີທີ 3 ທີ່ງານຕະຫຼາດນັດນີ້ໄດ້ຮັບການຈັດຕັ້ງຢູ່ ຫວຽດນາມ. ດ້ວຍຫົວຂໍ້ວ່າ "ຫວຽດນາມ - ປະເທດຂອງບັນດາມໍລະດົກ", ງານຕະຫຼາດນັດປີນີ້ສຸມໃສ່ແນະນຳບັນດາມໍລະດົກທຳມະຊາດ ແລະ ວັດທະນະທຳຂອງ ຫວຽດນາມ ໂດຍ UNESCO ເຊີດຊູ, ບັນດາຈຸດນັດພົບທີ່ດຶງດູດແຂກທ່ອງທ່ຽວ. ຜ່ານບັນດາການເຄື່ອນໄຫວທ່ອງທ່ຽວ, ມໍລະດົກວັດທະນະທຳ ແລະ ທຳມະຊາດຂອງ ຫວຽດນາມ ໄດ້ຮັບການແນະນຳຢ່າງກ້ວາງຂວາງເຖິງເພື່ອນມິດສາກົນ, ປະກອບສ່ວນໂຄສະນາພາບພົດປະເທດຊາດ, ຊາວ ຫວຽດນາມ ເຊິ່ງແມ່ນປະເທດມີມູນເຊື້ອວັດທະນະທຳຍາວນານ, ທຳມະຊາດສວຍງາມ, ອາຫານການກິນທີ່ອຸດົມສົມບູນ, ຊາວ ຫວຽດນາມ ສະໜິດສະໜົມ, ຮັກແພງແຂກຄົນ. ກ່າວຄຳເຫັນທີ່ພິທີໄຂ, ທ່ານລັດຖະມົນຕີຊ່ວຍວ່າການກະຊວງວັດທະນະທຳ, ກິລາ ແລະ ທ່ອງທ່ຽວ ໂຮ່ແອງຕ໋ວນ, ຊີ້ແຈ້ງວ່າ:
“ດ້ວຍຫົວຂໍ້ວ່າ: ຫວຽດນາມ - ປະເທດຂອງບັນດາມໍລະດົກ, ງານຕະຫຼາດນັດການທ່ອງທ່ຽວສາກົນ ໄດ້ປະກອບສ່ວນສ້າງເງື່ອນໄຂ, ສະພາບແວດລ້ອມ ອຳນວຍຄວາມສະດວກ ເພື່ອໃຫ້ບັນດາທ້ອງຖິ່ນ, ວິສາຫະກິດ, ຜູ້ໃຊ້ສອຍ ແລະ ນັກທ່ອງທ່ຽວພົບປະແລກປ່ຽນການຄ້າ. ກະຊວງວັດທະນະທຳ, ກິລາ ແລະ ທ່ອງທ່ຽວປາດຖະໜາວ່າ: ງານຕະຫຼາດນັດທ່ອງທ່ຽວສາກົນຈະເພີ່ມທະວີວິທີການຈັດຕັ້ງ, ໂຄສະນາເຜີຍແຜ່, ຕິດພັນກັບລະບົບຜະລິດຕະພັນກ່ວາອີກ, ເອົາໃຈໃສ່ເປັນພິເສດເຖິງຄຸນນະພາບຂອງຜູ້ຊື້, ຜູ້ຂາຍ ແລະ ບັນດາການພົວພັນແລກປ່ຽນໃຫ້ມີປະສິດທິຜົນກ່ວາອີກ.”