ພ້ອມທັງເນັ້ນໜັກວ່າ, ບັນດາບໍລິສັດຂອງເອີລົບ ຈະບໍ່ຖືກຈັດເຂົ້າໃນການລົງໂທດ. ທ່ານນາງລັດຖະມົນຕີ Zypries ເນັ້ນໜັກວ່າ, ເລື່ອງອາເມລິກາ ລົງໂທດບັນດາບໍລິສັດຂອງເອີລົບ ຫຼື ເອີ້ນວ່າບັນດາມາດຕະການລົງໂທດຢູ່ນອກຜືນແຜ່ນດິນແມ່ນບໍ່ສາມາດຮັບຮູ້ໄດ້. ທ່ານນາງ Zypries ຫວັງວ່າ, ລັດຖະບານອາເມລິກາ ຈະພ້ອມກັນເຈລະຈາກັບອີຢູ ເພື່ອສາມາດເປັນເອກະພາບບັນດາມາດຕະການແກ້ໄຂທີ່ມີປະໂຫຍດໃຫ້ທັງ 2 ຝ່າຍ. ກ່ອນໜ້ານັ້ນ, ທ່ານລັດຖະມົນຕີການຕ່າງປະເທດເຢຍລະມັນ Sigmar Gabriel ກໍຢືນຢັນວ່າ, ຈະບໍ່ຍອມຮັບບໍ່ວ່າຄຳສັ່ງລົງໂທດໃໝ່ໃດໆຂອງອາເມລິກາ ທີ່ແນໃສ່ລັດເຊຍ ແລະ ສົ່ງຜົນສະທ້ອນເຖິງບັນດາບໍລິສັດເອີລົບ. ທ່ານໃຫ້ຂໍ້ສັງເກດວ່າ, ນະໂນບາຍລົງໂທດແມ່ນເຄື່ອງມືທີ່ບໍ່ເໝາະສົມ ແລະ ບໍ່ສົມເຫດສົມຜົນ.