ນີ້ແມ່ນເນື້ອໃນ ໃນຂໍ້ສະເໜີລວມຊຶ່ງໄດ້ຖືກຍົກອອກມາໃນວັນທີ 19 ກຸມພາ, ພາຍຫຼັງການເຈລະຈາລະຫວ່າງທ່ານລັດຖະມົນຕີກະຊວງເສດຖະກິດຝລັ່ງ Bruno Le Maire ທີ່ພວມຢ້ຽມຢາມ ແບກແລງ ແລະ ຄູ່ຕ່ຳແໜ່ງເຢຍລະມັນ Peter Altmaier.

        ກ່າວຄຳເຫັນພາຍຫຼັງການເຈລະຈາ, ທ່ານ Le Maire ໃຫ້ຮູ້ວ່າ, ພາຍຫຼັງທີ່ເຮັດວຽກມາເປັນເວລາຫຼາຍເດືອນ, 2 ຝ່າຍໄດ້ກຳນົດຍຸດທະສາດອຸດສາຫະກຳໃຫ້ແກ່ເອີລົບ ແລະ ຄາດວ່າ ຈະຍືນສະເໜີຕໍ່ບັນດາຄູ່ຮ່ວມມືຢູ່ທະວີບ. ຕາມຍຸດທະສາດດັ່ງກ່າວແລ້ວ, 2 ປະເທດສະຫະພາບເອີລົບ (EU) ຈະຊຸກຍູ້ການລົງທຶນເຂົ້າບັນດາໂຄງການປະດິດຄິດສ້າງ, ປະຕິຮູບບັນດາຫຼັກການແກ່ງແຍ້ງ ແລະ ສ້າງຕັ້ງບັນດາກົນໄກຊ່ວຍປົກປ້ອງເຕັກໂນໂລຊີໄດ້ພັດທະນາຢູ່ພາກພື້ນ.

        ນອກນັ້ນ, ເຢຍລະມັນ ແລະ ຝລັ່ງ ກໍ່ຍັງສະເໜີຈະມອບໝາຍໃຫ້ສະພາເອີລົບ ບັນດາສິດປະຕິເສດບາງຂໍ້ຕົກລົງຕ້ານສິດຜູກຂາດຂອງຄະນະກຳມະການເອີລົບ ໃນ “ບັນດາກໍລະນີຮ້ອງຟ້ອງໃດໜຶ່ງໄດ້ກຳນົດຢ່າງຈະແຈ້ງ” ທີ່ເວທີປາໄສຕາງໜ້າໃຫ້ບັນດາລັດຖະບານປະເທດ EU.