ເລີ່ມປະຕິບັດໂຄງການ “ນະຄອນຂຽວອັດສະລິຍະ ອາຊຽນ”
(VOVWORLD) -ພາຍຫຼັງການພົບປະໃນວັນທີ 19 ຕຸລາ ກັບທ່ານ Lim Jock Hoi ເລຂາທິການໃຫຍ່ອາຊຽນ, ທ່ານ Frans Timmermans ຮອງປະທານບໍລິຫານຄະນະກຳມະການເອີລົບ (EC) ຮັບຜິດຊອບກ່ຽວກັບຂໍ້ຕົກລົງຂຽວ ເອີລົບ ໄດ້ປະກາດເລີ່ມປະຕິບັດ ໂຄງການ “ນະຄອນຂຽວອັດສະລິຍະ ອາຊຽນ”.
 ຖະໜົນຫົນທາງ ຢູ່ ຈາກາຕາ ປະເທດ ອິນໂດເນເຊຍ (ພາບ: THX/TTXVN) |
ດ້ວຍການອຸປະຖຳຂອງ ສະຫະພາບເອີລົບ (EU), ໂຄງການນີ້ ຈະໜູນຊ່ວຍ 10 ນະຄອນຂອງ ປະເທດອາຊຽນ ເພື່ອແລກປ່ຽນບົດຮຽນ, ປະສົບການຕົວຈິງ ນຳກັນກໍ່ຄືກັບນະຄອນຕ່າງໆ ຢູ່ ເອີລົບ ໃນຂອບເຂດການພົວພັນຄູ່ຮ່ວມມືຂຽວ EU - ອາຊຽນ.
ໂຄງການ “ນະຄອນຂຽວອັດສະລິຍະ ອາຊຽນ” ກໍ່ຈະໄດ້ຜັນຂະຫຍາຍ ສົມທົບກັບຂໍ້ລິເລີ່ມອື່ນທີ່ມີຢູ່ແລ້ວໃນປັດຈຸບັນ ເປັນຕົ້ນແມ່ນ “ຂໍ້ລິເລີ່ມອາຊຽນ ກ່ຽວກັບນະຄອນຍືນຍົງທາງສິ່ງແວດລ້ອມ”, “ເຄືອຂ່າຍນະຄອນອັດສະລິຍະ ອາຊຽນ”, “ຍຸດທະສາດຫັນເປັນຕົວເມືອງ ອາຊຽນ ແບບຍືນຍົງ” ແລະ ໂຄງການ “ປ່ຽນແປງໃໝ່ອັດສະລິຍະ” ໂດຍ EU ອຸປະຖຳ ເພື່ອຊຸກຍູ້ການຮ່ວມມືລະຫວ່າງ ຈາກາຕາ ຂອງ ອິນໂດເນເຊຍ, ບາງກອກ ຂອງ ໄທ ແລະ ແບກແລັງ ຂອງເຢຍລະມັນ.