(vovworld) – ໂດຍສືບຕໍ່ການເຮັດວຽກຢູ່ບັນດາແຂວງທາງພາກເໜືອຂອງລາວ. ຕອນບ່າຍວັນທີ 14/03 ແລະ ຕອນເຊົ້າວັນທີ 15/03, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ໄປຢ້ຽມຢາມ ແລະ ເຮັດວຽກຢູ່ແຂວງຫົວພັນ. ເຂົ້າຮ່ວມບາງເຫດການລະຫວ່າງ 2 ປະເທດຢູ່ແຂວງຫົວພັນ ຍັງມີທ່ານນາຍົກລັດຖະມົນຕີ ທອງສິງ ທຳມະວົງ. ຢູ່ເມືອງ ວຽງໄຊ, ແຂວງ ຫົວພັນ ໄດ້ຈັດຕັ້ງພິທີເລີ່ມລົງມືກໍ່ສ້າງຫໍພິພິຕະພັນປະຕິວັດ ວຽງໄຊ ແລະ ບູລະນະປູຊະນີຍະສະຖານປະຫວັດສາດ ຖ້ຳ ຜາແດງ ເຊິ່ງແມ່ນບ່ອນເຮັດວຽກຂອງບັນດາການນຳປະຕິວັດ ລາວ ໃນການຕໍ່ຕ້ານ. ທ່ານນາຍົກລັດຖະມົນຕີ ລາວ ທອງສິງ ທຳມະວົງ ແລະ ນາຍົກລັດຖະມົນຕີ ຫວຽດນາມ ຫງວຽນເຕີນຢູງ ໄດ້ເຂົ້າຮ່ວມພິທີເລີ່ມລົງມືກໍ່ສ້າງ. ໂຄງການນີ້ຈະຖືກລົງມືກໍ່ສ້າງໃນເວລາ 2 ປີ, ດ້ວຍຍອດເງິນລົງທຶນ 32 ລ້ານ USD, ເຊິ່ງລວມມີຫໍພິພິທະພັນ ວາງສະແດງບັນດາວັດຖຸພັນທີ່ກ່ຽວຂ້ອງເຖິງການເຄື່ອນໄຫວຂອງບັນດາ ການນຳປະຕິວັດ ພ້ອມກັບຫຼາຍໂຄງການອື່ນ. ພາຍຫຼັງກໍ່ສ້າງສຳເລັດໃນປີ 2015, ກິດຈະກຳຈະກາຍເປັນໜຶ່ງໃນບັນດາສັນຍາລັກແຫ່ງປະຫວັດສາດປະຕິວັດຂອງ 2 ປະເທດ, ຂອງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດຫວຽດນາມ - ລາວ. ທ່ານນາຍົກລັດຖະມົນຕີ ຫງວຽນເຕີນຢຸງ ຢັ້ງຢືນວ່າ ລັດຖະບານຫວຽດນາມຈະຊີ້ນຳບັນດາກະຊວງ, ຂະແໜງການ ແລະ ທ້ອງຖີ່ນຕ່າງໆຂອງຫວຽດນາມ ສືບຕໍ່ໜູນຊ່ວຍຮ່ວມມືກັບແຂວງຫົວພັນ ໃນການພັດທະນາເສດຖະກິດ, ສັງຄົມ, ກໍ່ສ້າງພື້ນຖານໂຄງລ່າງ, ຍູ້ແຮງການຮ່ວມມືທາງດ້ານການຄ້າ ແລະ ການລົງທຶນ. ທ່ານນາຍົກລັດຖະມົນຕີ ສະເໜີໃຫ້ແຂວງຫົວພັນຊ່ວຍເຫຼືອ, ສ້າງເງື່ອນໄຂສະດວກກວ່າອີກໃຫ້ບັນດາວິສາຫະກິດຫວຽດນາມ ມາຮ່ວມມືລົງທຶນຢູ່ທ້ອງຖີ່ນ. ຢູ່ແຂວງຫົວພັນ, ທ່ານນາຍົກລັດຖະມົນຕີ ຫງວຽນເຕີນຢຸງ ແລະ ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ເຂົ້າຮ່ວມພິທີເລີ່ມລົງມືກໍ່ສ້າງສະໜາມບິ່ນສາກົນ ນ້ອງຂ້າງ. ນີ້ແມ່ນໂຄງການໂດຍກຸ່ມບໍລິສັດ ຮ່ວາງແອງຢາລາຍ ຂອງຫວຽດນາມ ເປັນເຈົ້າຂອງລົງທຶນ, ດ້ວຍຍອດຈຳນວນທຶນ 80 ລ້ານ USD.
ເນື່ອງໃນໂອກາດນີ້, ທ່ານນາຍົກລັດຖະມົນຕີ ຫງວຽນເຕີນຢູງ ກໍໄດ້ໄຫວ້ອາໄລຢູ່ອະນຸສາວະລີປະທານ ໄກສອນ ພົມວິຫານ ແລະ ຢ້ຽມຢາມ ບັນດາຖ້ຳປະຫວັດສາດບ່ອນທີ່ບັນດາການນຳລາວ ເຄີຍເຮັດວຽກ. ກ່ອນໜ້ານັ້ນ, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ພົບປະເຈລະຈາກັບທ່ານາຍົກລັດຖະມົນຕີ ລາວ ທອງສິງ ທຳມະວົງ, ວາງພວງມາລາ ຢູ່ ອະນຸສາວາລີ ທະຫານອາສາສະໝັກ ຫວຽດນາມ ຢູ່ ລາວ ແລະ ອະນຸສາວາລີນັກຮົບເສຍສະຫຼະຊີວິດເພື່ອຊາດ ລາວ. ທ່ານນາຍົກລັດຖະມົນຕີ ຫງວຽນເຕີນຢູງ ກໍ່ໄດ້ລົງຢ້ຽມຢາມບໍລິສັດຮ່ວມມືສາກົນ 705 - ທະຫານເຂດ 2 ທີ່ພວມຮ່ວມມືລົງທຶນຢູ່ແຂວງ ຫົວພັນ. ທ່ານນາຍົກລັດຖະມົນຕີ ຫງວຽນເຕີນຢູງ ຫວັງວ່າ ກົມກອງຈະສືບຕໍ່ປະຕິບັດສຳເລັດໜ້າທີ່, ປະກອບສ່ວນເພີ່ມທະວີການຮ່ວມມືຮອບດ້ານລະຫວ່າງ 2 ປະເທດ.