ກຳແພງສະໄໝ ໂຮ່
(ພາບປະກອບ)
|
(vovworld) – ປີທ່ອງທ່ຽວແຫ່ງຊາດ ປີ 2015 ດ້ວຍຫົວຂໍ້ວ່າ “ເຊື່ອມຕໍ່ບັນດາມໍລະດົກໂລກ” ຈະໄຂຂຶ້ນໃນວັນທີ 3/4 ຈະມາເຖິງຢູ່ແຂວງ ແທງຮ໋ວາ. ປະຈຸບັນ, ບັນດາເຂດປູຊະນີຍະສະຖານ, ບັນດາສະຖານທີ່ທ່ອງທ່ຽວຢູ່ແຂວງ ແທງຮ໋ວາ ພວມຜັນຂະຫຍາຍບັນດາຂັ້ນຕອນກະກຽມສຸດທ້າຍເພື່ອຮັບໃຊ້ໃຫ້ແຂກທ່ອງທ່ຽວທັງພາຍໃນ ແລະ ຕ່າງປະເທດ. ຢູ່ໃຈກາງນະຄອນ ແທງຮ໋ວາ, ບ່ອນຈະຈັດຕັ້ງພິທີໄຂປີທ່ອງທ່ຽວແຫ່ງຊາດ 2015, ວຽກງານກະກຽມພວມໄດ້ຮັບການຜັນຂະຫຍາຍຖືກກັບຄວາມຄືບໜ້າ, ຮັບປະກັນໃຫ້ຄ່ຳຄືນໄຂງານບຸນຈະເຮັດໃຫ້ຄວາມງາມຂອງປະເທດຊາດ, ຊາວ ຫວຽດນາມ ແລະ ຄວາມສາມາດບົ່ມຊ້ອນໃນການທ່ອງທ່ຽວຂອງແຂວງ ແທງຮ໋ວາ ພົ້ນເດັ່ນຂຶ້ນ. ທ່ານ ຟ້າມດັງກ່ວຽນ, ຮອງປະທານຄະນະກຳມະການປະຊາຊົນແຂວງ ແທງຮ໋ວາ, ຮອງຫົວໜ້າຄະນະຈັດຕັ້ງປີທ່ອງທ່ຽວແຫ່ງຊາດ 2015, ໃຫ້ຮູ້ວ່າ:
“ມາຮອດຈຸດເວລານີ້, ວຽກງານກະກຽມໃຫ້ແກ່ພິທີໄຂງານບຸນໄດ້ຮັບການຜັນຂະຫຍາຍຖືກກັບຄວາມຄືບໜ້າ, ແຜນການພວມໄດ້ຮັບການຜັນຂະຫຍາຍດ້ວຍການເຂົ້າຮ່ວມຂອງນັກສິລະປິນກ່ວາ 800 ຄົນທັງຢູ່ພາຍໃນ ແລະ ຕ່າງປະເທດ. ວຽກງານໂຄສະນາເຜີຍແຜ່, ໄດ້ຮັບການຍູ້ແຮງຜ່ານຫຼາຍຮູບການ, ວຽກງານພິທີການ, ພາລະທິການ, ຮັບປະກັນຄວາມປອດໄພ, ຫຼັກອະນາໄມດ້ານສະບຽງອາຫານ ກໍ່ໄດ້ຮັບການກະກຽມຢ່າງລະອຽດ…”
ປີທ່ອງທ່ຽວແຫ່ງຊາດ 2015 - ຄາດວ່າ, ແຂວງ ແທງຮ໋ວາຈະດຶງດູດແຂກທ່ອງທ່ຽວທັງພາຍໃນ ແລະ ຕ່າງປະເທດກ່ວາ 5 ລ້ານເທື່ອຄົນດ້ວຍຍອດລາຍຮັບຄາດວ່າບັນລຸເກືອບ 200 ລ້ານ USD.