ແນວໂຮມປະເທດຊາດຫວຽດນາມຮ່ວມເດີນທາງກັບສື່ມວນຊົນຕໍ່ສູ້ຕ້ານການສໍ້ລາດບັງຫຼວງ,ປະກົດການຫຍໍ້ທໍ້
ທ່ານ ຫງວຽນທ້ຽນເຍີນ ຢ້ຽມຢາມ ແລະ ເຮັດວຽກກັບໝູ່ຄະນະ
ການນຳ, ນັກຂ່າວ, ບັນນາທິການໜັງສືພິມຊາວໜຸ່ມ
(vovworld) - ຕອນບ່າຍວັນທີ 23/03, ຢູ່ຮ່າໂນ້ຍ, ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ລົງຢ້ຽມຢາມ ແລະ ເຮັດວຽກກັບໝູ່ຄະນະການນຳ, ນັກຂ່າວ, ບັນນາທິການໜັງສືພິມຊາວໜຸ່ມ ແນໃສ່ລະດົມກຳລັງໃຈນັກຂ່າວ, ບັນນາທິການທີ່ພວມຕອບສະໜອງລາງວັນສື່ມວນຊົນໃນທົ່ວປະເທດຢ່າງຕັ້ງໜ້າ ດ້ວຍຫົວຂໍ້ “ສື່ມວນຊົນກັບວຽກງານຕໍ່ສູ້ປ້ອງກັນ, ຕ້ານການສໍ້ລາດບັງຫລວງ, ການຟຸມເຟືອຍ”. ນະທີ່ນີ້ ທ່ານ ຫງວຽນທ້ຽນເຍີນ ຢືນຢັນວ່າ: ດ້ວຍພາລະບົດບາດຕິດຕາມກວດກາ ແລະ ໄຈ້ແຍກຕີລາຄາສັງຄົມ, ໃນໄລຍະຈະມາເຖິງ ແນວໂຮມປະເທດຊາດ ຫວຽດນາມ ຈະສ້າງໂຄງການປະສານສົມທົບກັບລັດຖະບານຕິດຕາມກວດກາກ່ຽວກັບການປະຕິບັດກົນໄກຕອບສຳພາດຕໍ່ນັກຂ່າວ ແລະ ກົນໄກຂອງໂຄສົກຕາມການກຳນົດຂອງກົດໝາຍ. ທ່ານ ຫງວຽນທ້ຽນເຍີນ ເຈາະຈີ້ມວ່າ: ສະມາຄົມນັກຂ່າວ ຫວຽດນາມ ຄວນຈັດຕັ້ງບັນດາການໂອ້ລົມສົນທະນາຫົວເລື່ອງສະເພາະ, ເຊີນບັນດາອົງການສຳນັກງານທີ່ກ່ຽວຂ້ອງເຂົ້າຮ່ວມໃນການປົກປ້ອງນັກຂ່າວ ແລະ ສະໜອງຂໍ້ມູນຂ່າວ ເພື່ອຕໍ່ສູ້ປ້ອງກັນຕ້ານການສໍ້ລາດບັງຫລວງນັບມື້ນັບມີປະສິດທິຜົນ.