( vovworld ) - ວັນທີ 20/6, ສະພາສູງອາເມລິກາ ໄດ້ເຫັນດີຍົກເລີກໂຄງການຕິດຕາມກວດກາປາໜັງຂອງກະຊວງກະສິກຳອາເມລິກາ. ທ່ານ Dao Tran Nhan, ທີ່ປຶກສາອູປະທູດຮັບຜິດຊອບການຄ້າຫວຽດນາມ ປະຈຳອາເມລິກາ, ໃຫ້ຮູ້ວ່າ.
“ເລື່ອງສະພາສູງອາເມລິກາ ຍົກເລີກໂຄງການຕິດຕາມກວດກາປາໜັງຂອງກະຊວງກະສິກຳອາເມລິກາ ຜ່ານມາແມ່ນຂ່າວດີສຳລັບບັນດາຜູ້ລ້ຽງ, ປຸ້ງແຕ່ງປາຈາ ແລະ ປາບາຊາຂອງຫວຽດນາມ ຖ້າຫາກຮ່າງກົດໝາຍນີ້ ກາຍເປັນກົດໝາຍ ແລະ ຖືກນຳເຂົ້າກົດໝາຍວ່າດ້ວຍນິຄົມກະເສດປີ 2012 ກໍໝາຍຄວາມວ່າໂຄງການຕິດຕາມກວດກາ ປາຈາ ແລະ ປາບາຊາຂອງກະຊວງກະສິກຳອາເມລິກາ ຈະຖືກຍົກເລີກຢ່າງສິ້ນເຊິ່ງ”
ຕາມທ່ານ Dao Tran Nhan ແລ້ວ, ກົດໝາຍວ່າດ້ວຍນິຄົມກະເສດປີ 2008 ຂອງອາເມລິກາ ຈະສິ້ນສຸດໃນວັນທີ 1/9 ປີ 2012 ນີ້. ຄາດວ່າໃນລະດູຮ້ອນນີ້, ສະພາແຫ່ງຊາດອາເມລິກາ ຈະຕ້ອງຮັບຮອງເອົາຮ່າງກົດໝາຍນິຄົມກະເສດໃໝ່ແມ່ນຮ່າງກົດໝາຍນິຄົມກະເສດປີ 2012. ວັນທີ 19/6, ສະພາສູງອາເມລິກາ ໄດ້ຈັດກອງປະຊຸມ ແລະ ຮັບຮອງເອົາເລື່ອງຍົກເລີກໂຄງການຕິດຕາມກວດກາປາໜັງຂອງກະຊວງກະສິກຳອາເມລິກາ ແລະ ຄາດວ່າຈະດຳເນີນໄປໃນອາທິດໜ້າ, ສະພາສູງອາເມລິກາ ຈະຮັບຮອງເອົາຮ່າງກົດໝາຍວ່າດ້ວຍນິຄົມກະເສດສະບັບປັບປຸງຂອງປີ 2012 ແລະ ຫຼັງຈາກນັ້ນ, ຖ້າຫາກວ່າສະພາຕໍ່າຮັບຮອງເອົາຮ່າງກົດໝາຍວ່າດ້ວຍນິຄົມກະເສດ ຈະໄດ້ຮັບການນຳໃຊ້ສຳຫຼັບບັນດາຜະລິດຕະພັນກະເສດ, ໃນນັ້ນມີປາຊາ ແລະ ປາຈາຂອງຫວຽດນາມ.