ໃນບົດກ່າວປາໄສໄຂກອງປະຊຸມ, ທ່ານ Lajcak ເນັ້ນຫນັກເຖິງບັນດາການບຸລິມະສິດຂອງຕົນໃນປີຈະມາເຖິງ ໃນຖານະເປັນປະທານກອງປະຊຸມສະມັດຊາໃຫຍ່ ສປຊ ດ້ວຍເລື່ອງຖືມະນຸດເຂົ້າທີ່ຕັ້ງຈຸດສຸມຂອງວຽກງານ, ດຸ່ນດ່ຽງບັນດາຜົນປະໂຫຍດ, ຮັບປະກັນຄຸນນະພາບວຽກງານ ແລະ ຄວາມໂປ່ງໃສ. ທ່ານ Lajcak ສະແດງຄວາມຫວັງວ່າ ກອງປະຊຸມຄັ້ງນີ້ຂອງ ສະມັດຊາ ສປຊ ຈະແມ່ນກອງປະຊຸມທີ່ມີຄຸນນະພາບ, ມີປະສິດທິຜົນ ແລະ ນຳມາເຊິ່ງໝາກຜົນລະອຽດຫລາຍຢ່າງໃຫ້ແກ່ບັນດາບັນຫາຂອງໂລກ. ທ່ານຍັງເນັ້ນຫນັກເປັນພິເສດເຖິງສອງບັນຫາຮີບດ່ວນປະຈຸບັນ ນັ້ນແມ່ນ ການສະກັດກັ້ນການປະທະກັນ ແລະ ບັນຫາຊາວອົບພະຍົບ.