ໄຂການຝຶກແອບຮັບມືກັບໄພພິບັດທຳມະຊາດ Ardex 13
ບັນດາຜູ້ແທນເຂົ້າຮ່ວມພິທີໄຂ
(ພາບ: VGP/Nguyên Linh)
(vovworld) – ຕອນເຊົ້າວັນທີ 23/10, ຢູ່ ຮ່າໂນ້ຍ ໄດ້ໄຂການຝຶກແອບຮັບມືກັບໄພພິບັດທຳມະຊາດ ແລະ ກູ້ໄພກູ້ຊີບມະນຸດສະທຳພາກພື້ນ ອາຊຽນປີ 2013 ດ້ວຍການເຂົ້າຮ່ວມຂອງ 10 ປະເທດອາຊຽນ ແລະ ບັນດາປະເທດສັງເກດການຄື ຍີ່ປຸ່ນ, ຈີນ, ສ ເກົາຫຼີ, ອົດສະຕາລີ, ອາເມລິກາ, ບັນດາອົງການຂອງສະຫະປະຊາຊາດ ແລະ ບັນດາອົງການສາກົນອື່ນໆ. ນີ້ແມ່ນໂອກາດເພື່ອໃຫ້ບັນດາປະເທດພ້ອມກັນຝຶກອົບຮົມ, ຕີລາຄາບັນດາບັນຫາກ່ຽວກັບການຈັດຕັ້ງການປ້ອງກັນ, ປະສານງານການເຄື່ອນໄຫວຮັບມືກັບສະພາວະສຸກເສີນ ແລະ ກູ້ໄພກູ້ຊີບໄພພິບັດຢູ່ຂັ້ນພາກພື້ນ, ຮ່ວມມືຢ່າງແໜ້ນແຟ້ນ, ມີປະສິດທິຜົນລະຫວ່າງບັນດາປະເທດໃນການຮັບມືກັບໄພພິບັດທຳມະຊາດໃຫຍ່ທີ່ເກີດຂອບເຂດຄວາມສາມາດຮັບມືຂອງແຕ່ລະປະເທດ. ການຝຶກແອບນີ້ມີການເຂົ້າຮ່ວມຂອງນັກສະເພາະກິດກ່ວາ 2.000 ຄົນ ແລະ ພາຫະນະ, ອຸປະກອນສະເພາະຫຼາຍຢ່າງ…ARDEX – 13 ໄດ້ຮັບການຕີລາຄາແມ່ນການຝຶກແອບມີຂອບຂະໜາດໃຫຍ່ສຸດໃນບັນດາການຝຶກແອບຮັບມືກັບໄພພິບັດທຳມະຊາດຢູ່ ຫວຽດນາມ ນັບແຕ່ກ່ອນມາຮອດປະຈຸບັນ.