ໄຂວັນບຸນປື້ມ ຫວຽດນາມ ຄັ້ງທີ 3
(ພາບ: TTXVN)
(vovworld) - ວັນທີ 19/04 ຢູ່ ຮ່າໂນ້ຍ, ກະຊວງສຶກສາ ແລະ ກໍ່ສ້າງ ຫວຽດນາມ ໄດ້ໄຂວັນບຸນປື້ມ ຫວຽດນາມ ຄັ້ງທີ 3. ວັນບຸນປື້ມ ຫວຽດນາມ ໄດ້ຮັບການຈັດຕັ້ງຂຶ້ນ ມັນຈະປະກອບສ່ວນຢ່າງຕັ້ງໜ້າເຂົ້າການສົ່ງເສີມ ແລະ ພັດທະນາຂະບວນການອ່ານປື້ມໃນປະຊາຄົມ, ຍົກສູງຄວາມຮັບຮູ້ຂອງປະຊາຊົນກ່ຽວກັບຄວາມໝາຍ, ຄວາມສຳຄັນຂອງການອ່ານປື້ມ, ຍົກສູງຄວາມຮູ້ ແລະ ທັກສະ, ພັດທະນາຈິນຕະນາການ, ສຶກສາ ແລະ ຝຶກຝົນຫຼໍ່ຫຼອມທາງດ້ານບຸກຄະລິກກະພາບມະນຸດ. ວັນບຸນປື້ມກໍ່ແມ່ນໂອກາດ ເພື່ອເຊີດຊູຄຸນຄ່າຂອງປື້ມ, ຢັ້ງຢືນບົດບາດ, ທີ່ຕັ້ງ, ຄວາມສຳຄັນຂອງປື້ມໃນຊີວິດສັງຄົມ; ພ້ອມທັງ ຍົກສູງຄວາມຮັບຜິດຊອບຂອງທຸກຂັ້ນ, ທຸກຂະແໜງການ, ທຸກອົງການສຳນັກງານທີ່ມີໜ້າທີ່ຮັບຜິດຊອບ ແລະ ອົງການຈັດຕັ້ງສັງຄົມໃນການກໍ່ສ້າງ, ພັດທະນາວັດທະນະທຳອ່ານຢູ່ ຫວຽດນາມ. ທີ່ພິທີໄຂ, ມີຮ້ານຂາຍປື້ມ ແລະ ສຳນັກພິມຈຳໜ່າຍບາງແຫ່ງທີ່ເຂົ້າຮ່ວມວັນບຸນປື້ມ ຫວຽດນາມ ໄດ້ມອບປື້ມໃຫ້ຫໍສະໝຸດຂອງກະຊວງສຶກສາ ແລະ ກໍ່ສ້າງເປັນຂອງຂວັນ.