(vovworld) - ສຳລັບຊາວໄທບາງຄົນແລ້ວ, ເມື່ອໄປທ່ອງທ່ຽວຫລືປະຕິບັດງານຢູ່ ຫວຽດນາມໃນແຕ່ລະເທື່ອ, ສະຖານທີ່ທຳອິດທີ່ເຂົາເຈົ້າເລືອກເຟັ້ນແມ່ນ ອ່າວຮ້າລອງ. ເພາະວ່າ ອ່າວຮ້າລອງໄດ້ຮັບການຮັບຮອງແມ່ນມໍລະດົກທຳມະຊາດຂອງໂລກ 2 ຄັ້ງຈາກອົງການ UNESCO ແລະ ຫວ່າງແລ້ວນີ້ ອົງການ New 7 Wonders ໄດ້ຄັດເລືອກອ່າວຮ້າລອງແມ່ນຫນຶ່ງໃນ 7 ສິ່ງມະຫັດສະຈັນທຳມະຊາດໃຫມ່ຂອງໂລກ.
ອ່າວ ຮ້າລອງ
ພາບ:antuongchaua.com.vn
|
ນັກຂ່າວ ບັນດີດ ຣັດຈະວັດທະນາທະດິນ ປະທານກິຕິມະສັກ ສະມາຄົມນັກຂ່າວ ອາຊຽນ ໃຫ້ຮູ້ວ່າ: ເຖິງວ່າໄດ້ມາຢ້ຽມຢາມ ອ່າວຮ້າລອງ ເຖິງ 5 ຄັ້ງແລ້ວກໍຕາມ ແຕ່ ຮ້າລອງ ຍັງຄົງແມ່ນສະຖານທີ່ທີ່ສ້າງຄວາມດູດດື່ມໃຫ້ແກ່ທ່ານຢູ່. ປີ 1992 ແມ່ນຄັ້ງທຳອິດທີ່ທ່ານມາຢ້ຽມຢາມ ອ່າວຮ້າລອງ ພ້ອມກັບນັກຂ່າວອື່ນໆ 4 ທ່ານທີ່ມາຈາກ ສິງກະໂປ, ມາເລເຊຍ, ອິນໂດເນເຊຍ ແລະ ຟິລີບປີນ. ໃນເວລານັ້ນ ຢູ່ ຮ້າລອງ ພຽງແຕ່ ມີກຳປັ່ນຫາປາຂອງຊາວປະມົງເທົ່ານັ້ນ ຫາກບໍ່ທັນມີກຳປັ່ນທ່ອງທ່ຽວທີ່ປະດັບປະດາຢ່າງສວຍງາມເພື່ອຮັບໃຊ້ນັກທ່ອງທ່ຽວເປັນຈຳນວນຫລວງຫລາຍຄືປະຈຸບັນ. ໂດຍໄດ້ໄປຢ້ຽມຢາມຫລາຍແຫ່ງຢູ່ໃນໂລກ ແລະ ໄດ້ຮັບຊົມມໍລະດົກ, ສິ່ງມະຫັດສະຈັນຫລາຍແຫ່ງ ແຕ່ສຳລັບທ່ານ ບັນດີດ ແລ້ວ, ຮ້າລອງ ຍາມໃດກໍມີຈຸດດູດດື່ມສະເພາະ. ເຖິງຢ່າງໃດກໍຕາມ, ເພື່ອຮັກສາຄວາມງາມແບບດັ້ງເດີ່ມນັ້ນ, ຕາມທ່ານ ບັນດີດ ແລ້ວ, ຈຳເປັນຕ້ອງມີການຮ່ວມມືລະຫວ່າງ ລັດຖະບານ ແລະ ປະຊາຊົນ.
ສຽງທ່ານ ບັນດີດ
ສຳລັບທ່ານນາງ ພອນເພັນ ຮັນຕະກຸນ ອະດີດຄູສອນວິຊາປະຫວັດສາດ, ຜູ້ຊ່ຽວຊານດ້ານປະຫວັດສາດ ຫວຽດນາມ ສັງກັດມະຫາວິທະຍາໄລວິຈິດສິນ ໄທ ແລ້ວ, ອ່າວຮ້າລອງ ຍາມໃດກໍສ້າງຄວາມດູດດື່ມໃຫ້ແກ່ນັກທ່ອງທ່ຽວຕ່າງປະເທດ ພິເສດ ສຳລັບຜູ້ທີ່ນິຍົມປະຫວັດສາດ ຫວຽດນາມຄືທ່ານນາງ:
ສຽງທ່ານນາງ ພອນເພັນ
ອ່າວ ຮ້າລອງ
ພາບ:internet
|
ເຖິງວ່າເຂົາເຈົ້າແຕ່ລະຄົນມີຄວາມຮູ້ສຶກແຕກຕ່າງກັນກໍຕາມ ແຕ່ນັກທ່ອງທ່ຽວ ໄທ ມາຢ້ຽມຢາມອ່າວຮ້າລອງ ເກືອບທັງໝົດນັ້ນ ລ້ວນແຕ່ຮູ້ສຶກວ່າ ອ່າວຮ້າລອງມີຄວາມງາມແບບທຳມະຊາດ ແລະ ບັນຍາກາດສະຫງົບງຽບ. ນັກປະພັນ ໄພວະຣີນ ຂາວງາມ ໃຫ້ຮູ້ວ່າ:
ສຽງທ່ານ ໄພວະຣີນ
ຊາວໄທຫລາຍຄົນ ພາຍຫລັງໄປຢ້ຽມຢາມອ່າວ ຮ້າລອງ ລ້ວນແຕ່ຖືວ່າ: ອ່າວຮ້າລອງຂອງ ຫວຽດນາມ ແມ່ນຄ້າຍຄືອ່າວພາງງາ ຂອງໄທ ພິເສດແມ່ນທິວທັດທຳມະຊາດທີ່ໃຫຍ່ໂຕມະໂຫຖານ ດ້ວຍໂງ່ນຫີນສູງຫລາຍແຫ່ງ ປຽບເໝືອນທາດທີ່ຕັ້ງຢູ່ກາງທະເລ ແລະ ນ່ານຟ້າ.
Kim Ngan