(VOVWORLD) -ໂດຍຜ່ານການສູ້ຮົບຢ່າງດຸເດືອດ ດ້ວຍຄວາມລົ້ມຫາຍຕາຍຈາກຢູ່ສະໜາມຮົບ ກວ໋າງຈິ ປີ 1972, ນັກຮົບເກົ່າ ຟ້າມຫງອກເຊີນ ຢູ່ຕາແສງ ຝູ໋ເຈົາ ເມືອງ ດົງຮຶງ ແຂວງ ຖາຍບິ່ງ ໄດ້ເຄົາລົບແຕ່ລະນາທີຂອງຊີວິດແຫ່ງສັນຕິພາບໃນວັນນີ້. ເຖິງວ່າແມ່ນທະຫານເສຍອົງຄະລະດັບ 2/4 ຢູ່ໃນເກນອາຍຸ 70 ປີກໍ່ຕາມ ແຕ່ນັກຮົບເກົ່າ ຟ້າມຫງອກເຊີນ ຍັງຫ້າວຫັນອອກແຮງງານພັດທະນາເສດຖະກິດຄອບຄົວ. ເສີມຂະຫຍາຍຄຸນທາດທະຫານຂອງລຸງ ໂຮ່, ນັກຮົບເຈື່ອງເຊີນ ເມື່ອກ່ອນນີ້ ໄດ້ສະຫງວນເງິນຈຳນວນຫຼາຍທີ່ຫາມາໄດ້ເພື່ອໜູນຊ່ວຍ ເພື່ອນຮ່ວມກົມກອງທີ່ມີສະພາບຫຍຸ້ງຍາກ ແລະ ສະແດງຄວາມຮູ້ບຸນຄຸນຕໍ່ບັນດາເພື່ອນຮ່ວມກົມກອງ ທີ່ໄດ້ເສຍສະຫຼະຊີວິດຢູ່ສະໜາມຮົບ
 ນັກຮົບເກົ່າ ຟ້າມຫງອກເຊີນ (ນຸ່ງເສື້ອສີຂາວ) |
ລະດູຮ້ອນປີ 1972, ຊາຍໜຸ່ມ ຟ້າມຫງອກເຊີນ ອາຍຸ 18 ປີ ຢູ່ຕາແສງ ຝູ໋ເຈົາ ເມືອງ ດົງຮຶງ ແຂວງ ຖາຍບິ່ງ ໄດ້ເຂົ້າຖັນແຖວກອງທັບ ແລະ ກາຍເປັນນັກຮົບຜູ້ຂັບລົດເຈື່ອງເຊີນ. ໃນການເດີນທາງຂົນສົ່ງເຄື່ອງຂອງໄປຍັງສະໜາມຮົບ ພ້ອມກັບຂະບວນລົດຂອງກົມກອງ ເມື່ອພວມຂຶ້ນຄ້ອຍໃນຄ່ຳຄືນຖືກເຮືອບິນຂອງສັດຕູທຳລາຍ, ລົດຂອງ ຟ້າມຫງອກເຊີນ ແລ່ນນຳໜ້າຖືກລະເບີດ ແລະ ໄດ້ລຸກໄໝ້. ນັກຮົບເກົ່າ ຟ້າມຫອກເຊີນ ຫວນຄືນວ່າ:
“ຂ້າພະເຈົ້າໄດ້ຂັບລົດນຳໜ້າ ຂະບວນລົດລວມມີ 42 ຄັນ ເພື່ອລຳລຽງຂົນສົ່ງເຄື່ອງຂອງ ເພື່ອກະກຽມໃຫ້ບັ້ນຮົບບຸກໂຈມຕີກຳແພງເກົ່າ ກວ໋າງຈິ. ເມື່ອລົດຖືກລະເບີກ ຕົນໂຕຖືກໄຟໄໝ້, ຂ້າພະເຈົ້າໄດ້ກຳນົດວ່າ ເຮົາເອງຈະເສຍສະຫຼະຊີວິດເພື່ອກອບກູ້ ບັນດາເພື່ອນຮ່ວມກົມກອງ ແລະ ລົດບັນທຶກເຄື່ອງຂອງ. ດັ່ງນັ້ນຂ້າພະເຈົ້າໄດ້ໃຫ້ລົດຂ້າມຄ້ອຍ ເພື່ອໃຫ້ລົດຕົດເຫວ. ເມື່ອແລ່ນ ຕາລຸຍ ຂ້າພະເຈົ້າໄດ້ໂດດອອກ, ສ່ວນລົດກໍ່ແລ່ນຕົກເຫວ, ເຮືອບິນສັດຕູໄດ້ເລັ່ງໃສ່ຍິງຕາມລົດຖືກໄພໄໝ້ຂອງຂ້າພະເຈົ້າ ແລະ ຂ້າພະເຈົ້າໄດ້ເຮັດໃຫ້ສັດຕູຫຼົງທິດ ແລະ ຊ່ວຍລົດ 41 ຄັນຂອງເພື່ອນຮ່ວມກົມກອງໄດ້ຮັບຄວາມປອດໄພ ຂ້າພະເຈົ້າໄດ້ນອນປິ່ນປົວປະມານກວ່າ 20 ວັນ ເມື່ອບາດແຜໄຄແດ່ແລ້ວ ຂ້າພະເຈົ້າພັດຂໍນຳກົມກອງໃຫ້ສືບຕໍ່ຮັບໃຊ້ການສູ້ຮົບ”.
ປັດຈຸບັນເຖິງວ່າ ໄດ້ພັກບຳນານແລ້ວກໍ່ຕາມ ແຕ່ທານ ເຊີນ ຍັງບໍ່ພັກຜ່ອນ , ລາວໄດ້ຮັກສາການເຄື່ອນໄຫວສ້າງເສດຖະກິດ. ປີ 1996 ທ່ານ ເຊີນ ໄດ້ເປີດບໍລິສັດຂົນສົ່ງ ວັນທີ 27 ກໍລະກົດ ດົງຮຶງ ເພື່ອໜູນຊ່ວຍບັນດາທະຫານເສຍອົງຄະ ທີ່ມີສະພາບຫຍຸ້ງຍາກ ເພື່ອເພີ່ມລາຍຮັບໃຫ້ແກ່ຄອບຄົວ. ນາງ ໂງທິເລີ້ຍ ຢູຕາແສງ ຝູ໋ເຈົາ ແມ່ນໜຶ່ງໃນຈຳນວນສາມຄອບຄົວນັກຮົບເກົ່າ ເຈື່ອງເຊີນ ໄດ້ຮັບການໜູນຊ່ວຍປຸກສ້າງເຮືອນແຫ່ງສາຍຈິດມິດໃຈ ຈາກນັກຮົບເກົ່າ ຟ້າມຫງອກເຊີນ ໃຫ້ຮູ້ວ່າ:
“ເຮືອນເກົ່າຂອງຂ້າພະເຈົ້າຖືກປຸກສ້າງກ່ອນນີ້ 30 ປີ, ເຮືອນໄດ້ຖືກເປ່ເພ ແລະ ເສື່ອມຄຸນນະພາບ. ໂດຍໄດ້ຮັບການຊ່ວຍເຫຼືອຈາກລຸງ ເຊີນ, ຂົນຂວາຍບັນດານັກຮົບເກົ່າອື່ນໆ ຊ່ວຍເຫຼືອ ເພື່ອໃຫ້ຂ້າພະເຈົ້າໄດ້ມີເຮືອນຫຼັງ ໃໝ່ເຊັ່ນນີ້”.
ນອກຈາກນັ້ນ ໃນໂອກາດບຸນປີໃໝ່ປະຈຳຊາດໃນແຕ່ລະປີ. ນັກຮົບເກົ່າ ຟ້າມຫງອກເຊີນ ຍັງກະກຽມຂອງຂວັນນັບ 100 ພູດ ເພື່ອມອບໃຫ້ບັນດາຄອບຄົວເປົ້າໝາຍນະໂຍບາຍຄອບຄົວທີ່ທຸກຍາກ ແລະ ເພື່ອນຮ່ວມກົມກອງໃນເມື່ອກ່ອນ. ນັກຮົບເກົ່າ ຟ້າມຫງອກເຊີນ ໃຫ້ຮູ້ອີກວ່າ:
“ເຂົ້າຮ່ວມການສູ້ຮົບ, ໄດ້ເຫັນເພື່ອນຮ່ວມກົມກອງຂອງຕົນເສຍສະຫຼະຊີວິດ ໄດ້ຮັບບາດເຈັບ ຈຶ່ງເຫັນໄດ້ວ່າ ບັນດານັກຮົບຕ້ອງເສຍສະຫຼະເລືອດເນື້ອຄືແນວໃດ”.
ທ່ານ ຟ້າແທັງຮ່າ ເລຂາຄະນະພັກຕາແສງ ຝູ໋ເຈົາ ໃຫ້ຮູ້ວ່າ: ນັກຮົບເກົ່າ ຟ້າມຫງອກເຊີນ ເປັນແບບຢ່າງດີເດັ່ນໃນການຮ່ຳຮຽນ ແລະ ເຮັດຕາມແບບຢ່າງຄຸນສົມບັດປະທານ ໂຮ່ຈີມິນ ຢູ່ທ້ອງຖິ່ນ. ນັກຮົບເກົ່າ ຟ້າມຫງອກເຊີນ ເຖິງວ່າເປັນທະຫານເສຍອົງຄະກໍ່ຕາມ ແຕ່ລາວຍາມໃດກໍ່ເຂົ້າຮ່ວມຢ່າງຕັ້ງໜ້າໃນການເຄື່ອນໄຫວສັງຄົມ ສາຍຈິດມິດໃຈ. ທ່ານແມ່ນຜູ້ມີນ້ຳໃຈປືນຕົວຂຶ້ນໃນການດຳລົງຊີວິດ ແລະ ມີຄວາມສາມາດຮັບປະກັນທາງດ້ານເສດຖະກິດ ແລະ ຊີວິດການເປັນຢູ່ຂອງຄອບຄົວ ຍ້ອນເຫດນີ້ເອງທ່ານຈຶ່ງມີເງື່ອນໄຂຊ່ວຍເຫຼືອເພື່ອນຮ່ວມກົມກອງທີ່ມີສະພາບຫຍຸ້ງຍາກ.
ນັກຮົບເກົ່າ ຟ້າມຫງອກເຊີນ ຍາມໃດກໍ່ມີຄວາມສຳນຶກວ່າ ຕາບໃດຍັງມີສຸຂະພາບແຂງແຮງ ຍັງສາມາດຍ່າງໄດ້ ແລະ ຍັງມີຄວາມສາມາດດ້ານເສດຖະກິດນັ້ນ ທ່ານຍັງຄົງສືບຕໍ່ຮູ້ບຸນຄຸນ ຕໍ່ຄຸນງາມຄວາມດີ ແລະ ການເສຍສະຫຼະຊີວິດຂອງບັນດານັກຮົບຢູ່ສະໜາມຮົບ ແລະ ທັງເປັນການບັນເທົາຄວາມເຈັບປວດຂອງບັນດາຜູ້ລອດຊີວິດມາໄດ້. ດ້ວຍການປະກອບສ່ວນໃຫ້ແກ່ເພື່ອນຮ່ວມກົມກອງ ແລະ ສັງຄົມ, ທ່ານ ເຊີນ ໄດ້ຮັບໃບຍ້ອງຍໍຈາກປະທານປະເທດ, ກະຊວງແຮງງານ ທະຫານເສຍອົງຄະ ແລະ ສັງຄົມ ແລະ ອຳນາດການປົກຄອງຂັ້ນຕ່າງໆມອບໃຫ້.