“ ທຸກໆຄົນຕ່າງກໍ່ຮູ້ຈັກວ່າ ບໍລິຈາດເລືອດແມ່ນວຽກງານທີ່ບໍ່ຍາກແຕ່ຢ່າງໃດ ແຕ່ເພື່ອຂົນຂວາຍທຸກຄົນເຂົ້າຮ່ວມບໍລິຈາກເລືອດຄື ລຸງ ຢ້ວດ ພວມປະຕິບັດແມ່ນຍາກແທ້. ລຸງຍາມໃດກໍ່ຂົນຂວາຍໃຫ້ທຸກຄົນບໍລິຈາດເລືອດຢ່າງສຸດໃຈ”.
ກວ່າ 25 ປີທີ່ຜ່ານມາ ໄດ້ມີຄົນເຈັບເກືອບ 4.000 ຄົນໄດ້ຮັບການກອບກູ້ຊີວິດຈາກແຫຼ່ງເລືອດ ໂດຍນັກຮົບເກົ່າ ເລດິ່ງຢ້ວດ ຂົນຂວາຍໄດ້. ກ່ອນນີ້ 26 ປີ ຄືປີ 1999 ຂະນະທີ່ຂະບວນບວນການບໍລິຈາກເລືອດມະນຸດສະທຳ ໄດ້ຮັບການປຸກລະດົມ ທ່ານແມ່ນໜຶ່ງໃນບັນດາຜູ້ຄົນທຳອິດຢູ່ທ້ອງຖິ່ນໄດ້ເຂົ້າຮ່ວມຢ່າງຫ້າວຫັນ. ນັກຮົບເກົ່າ ເລດິ່ງຢ້ວດ ແບ່ງປັນວ່າ:
“ເລືອດ ທີ່ຈິງແລ້ວ ແມ່ນປະເສີດເໜືອກວ່າຄຳ. ນີ້ແມ່ນຢາພິເສດບໍ່ມີໂຮງງານໃດສາມາດຜະລິດໄດ້ ພຽງແຕ່ຫົວໃຈຂອງມະນຸດເທົ່ານັ້ນ. ເຂົາເຈົ້າຖືວ່າເລືອດແມ່ນກະດູກ ແມ່ນເນື້ອກ້າມບໍ່ອາດບໍລິຈາກໄດ້. ດັ່ງນັ້ນຂ້າພະເຈົ້າໄດ້ຂົນຂວາຍຄອບຄົວຂອງເຮົາ ເມຍ ແລະ ລູກຂອງເຮົາໄປບໍລິຈາກເລືອດເສຍກ່ອນ ເພື່ອໃຫ້ທຸກໆຄົນເຮັດຕາມ”.
ໃນຄອບຄົວຂອງທ່ານ ຢ້ວດ, ເມຍຂອງທ່ານແມ່ນນາງ ເລທິກີມຢຸງ ພ້ອມກັບລູກສາມຄົນ ແລະ ພວກຫຼານກໍ່ໄດ້ເຂົ້າຮ່ວມບໍລິຈາກເລືອດເປັນເວລາຫຼາຍປີຢ່າງລຽນຕິດ. ໃນນັ້ນລູກສາວຂອງທ່ານໄດ້ເຂົ້າຮ່ວມບໍລິຈາກເລືອດກວ່າ 100 ຄັ້ງແລ້ວ. ພວກຫຼານຂອງທ່ານ ຢ້ວດ ໃຫ້ຮູ້ວ່າ:
“ເມື່ອຂ້າພະເຈົ້າມີອາຍຸ 18 ປີເຕັມ, ຕາມຄຳຮ້ອງຮຽກຮ້ອງທ່ານ ແລະ ຄອບຄົວ ຂ້າພະເຈົ້າໄດ້ເຂົ້າຮ່ວມບໍລິຈາກເລືອດ. ມາຮອດປັດຈຸບັນຂ້າພະເຈົ້າໄດ້ບໍລິຈາກເລືອດໄດ້ 94 ຄັ້ງແລ້ວ”.
“ຄອບຄົວຂອງນ້ອງມີມູນເຊື້ອບໍລິຈາກເລືອດເປັນເວລາຫຼາຍປີມານີ້. ນັບແຕ່ຄາວຍັງນ້ອຍ ນ້ອງກໍ່ໄດ້ຊອກຮູ້ກ່ຽວກັບບັນດາລາຍການບໍລິຈາກເລືອດ, ດັ່ງນັ້ນນ້ອງໄດ້ໄປບໍລິຈາກເລືອດ ນັບແຕ່ເວລາເຖິງກະສຽນອາຍຸ”.
ຂະບວນການບໍລິຈາກເລືອດຂອງຄອບຄົວທ່ານ ຢ້ວດ ໄດ້ແຜ່ກະຈາຍເຖິງບັນດາຄອບຄົວໝູ່ເພື່ອນຢູ່ໃກ້ຄຽງ ນັບທັງບັນດາຜູ້ຫາກໍ່ພົບກັນເທື່ອທຳອິດ. ຫຼາຍປີທີ່ຜ່ານມທ່ານກໍ່ແມ່ນເພື່ອນຮ່ວມງານທີ່ຫ້າວຫັນຂອງສະຖາບັນເລືອດສາດ ແລະ ສົ່ງເລືອດສູນກາງ, ຮອງຫົວໜ້າພະແນກຂົນຂວາຍ ແລະ ຈັດຕັ້ງການບໍລິຈາກ ສັງກັດ ສະຖານບັນ ເລືອດສາດ ແລະ ສົ່ງເລືອດສູນກາງ ຫງວຽນວັນຢື໊ ໃຫ້ຮູ້ວ່າ:
“ລຸງ ຢ້ວດ ຍາມໃດກໍ່ຄິດເຖິງວົງຄະນາຍາດ ຄິດເຖິງສັງຄົມ. ເວລາຂາດເລືອດ ລຸງກໍ່ໂທຫາພວກຂ້າພະເຈົ້າເພື່ອສອບຖາມການບໍລິຈາກເລືອດໃນສະຖາບັນຄືແນວໃດ. ໃນໄລຍະທີ່ຜ່ານມາຮູບແບບຄອບຄົວບໍລິຈາກເລືອດໄດ້ຂະຫຍາຍຕົວຢູ່ຫຼາຍແຂວງ ນະຄອນ, ມີຫຼາຍຄອບຄົວໄດ້ເຮັດຕາມແບບຢ່າງຄື ລຸງ ຢ້ວດ. ລຸງ ຢ້ວດ ແມ່ນຄອບຄົວທຳອິດສ້າງຮູບແບບຄອບຄົວບໍລິຈາກເລືອດ”.
ໃນຫ້ອງເຮືອນນ້ອຍໆຢູ່ເຂດເຮືອນລວມ ແທັງຊວັນ, ຊັບສົມບັດທີ່ມີຄ່າຂອງຄອບຄົວຂອງທ່ານ ຢ້ວດ ກໍ່ແມ່ນບັນດາໃບຍ້ອງຍໍ, ບັນດາຮູບຖ່າຍບໍລິຈາກເລືອດຖືກແຂວນໄວ້ຢູ່ຕາມຝາເຮືອນ. ເຖິງວ່າ ອາຍຸສູງແລ້ວກໍ່ຕາມ ແຕ່ທ່ານຍາມໃດກໍ່ສຸດຈິດສຸດໃຈເຮັດວຽກງານຂົນຂວາຍບັນດາຜູ້ຢູ່ອ້ອມຂ້າງເຂົ້າຮ່ວມ ບໍລິຈາກເລືອດ. ທ່ານ ຢ້ວດ ໃຫ້ຮູ້ຕື່ມອີກວ່າ:
“ຂ້າພະເຈົ້າກຳນົດວ່າ ໄດ້ເດີນຕາມເສັ້ນທາງນີ້ແລ້ວ ກໍ່ຕ້ອງເດີນຕາມໃນວິນາທີສຸດທ້າຍ. ຈົ່ງບໍລິຈາກເລືອດໜ້ອຍໜຶ່ງໃນຮ່າງກາຍຂອງຕົນ ເພື່ອກອບກູ້ເອົາຄົນເຈັບມີອາການຮຸນແຮງ”.
ດ້ວຍຜົນງານທີ່ພົ້ນເດັ່ນນັ້ນ, ປີ 2022 ທ່ານ ຢ້ວດ ໄດ້ຮັບໃບຍ້ອງຍໍປີ 2022 ຈາກນາຍົກລັດຖະມົນຕີ; ປະທານປະເທດໄດ້ຝາກຈົດໝາຍຍ້ອງຍໍ ແລະ ໄດ້ຮັບການຍ້ອງຍໍຈາກຄະນະກຳມະການປະຊາຊົນນະຄອນ ຮ່າໂນ້ຍ ແມ່ນພົນລະເມືອງນະຄອນຫຼວງດີເດັ່ນປີ2023.