ລາຍການສະແດງສິລະປະ “ຂັບສຳ ແລະ ຊີວິດ” ຫາກໍຖືກຈັດຂຶ້ນຢູ່ຮ່າໂນ້ຍ ໄດ້ຊ່ວຍຜູ້ຊົມຊາວນະຄອນຫຼວງຮ່າໂນ້ຍມີໂອກາດໄດ້ເຊື່ອມຕົວເຂົ້າກັບພື້ນຖານສິລະປະຂັບສຳ. ຈາກບົດເພງສຳເກົ່າຄື : ເລີ້ເບືອກຊາງງາງໝາຍເຖິງການບີບບັງຄັບໃນການສົມລົດ, ໂກຮ່າງເນືອກໝາຍເຖິງນາ່ງສາວຂາຍນ້ຳຊາ, ກວຽດຈີ້ຕູເທີນ ໝາຍເຖິງຕັດສິນໃຈຝຶກຝົນຫຼໍ່ຫຼອມ….ຕະຫຼອດຮອດບັນດາບົດເພງສຳໃໝ່ນັ້ນ, ການນຳສິລະປະຂັບສຳມາສະແດງບົນເວທີ່ພວມສ້າງຊີວິດໃໝ່ໃຫ້ປະເພດສິລະປະນີ້, ພ້ອມກັນນັ້ນ, ກໍນຳສິລະປະຂັບສຳສະໜິດຕິດພັນກັບມວນຊົນຫຼາຍຂຶ້ນ.
ລາຍການສະແດງສິລະປະ “ຂັບສຳ ແລະ ຊີວິດ” |
ລາຍການສະແດງສິລະປະ “ຂັບສຳ ແລະ ຊີວິດ” ຖືກຈັດຂຶ້ນຫວ່າງແລ້ວນີ້ຢູ່ໂຮງລະຄອນໃຫຍ່ຮ່າໂນ້ຍທີ່ເຮືອນເລກທີ 1 ຖະໜົນຈ່າງຕຽນ, ຮ່າໂນ້ຍ, ດ້ວຍເພງສຳທີ່ໂດ່ງດັງ 19 ບົດຖືກຈັດເປັນ 3 ພາກຕົ້ນຕໍຄື : ສຳເກົ່າ, ສຳຍຸກປະຈຸບັນ, ສຳທົດລອງປະສານກັບດົນຕີທັນສະໄໝ. ຜູ້ມາຊົມລາຍການສະແດງແມ່ນຢູ່ໃນຫຼາຍເກັ່ນອາຍຸ, ຈາກຜູ້ເຖົ້າຜູ້ແກ່ຕະຫຼອດຮອດໄວໜຸ່ມ. ແມ່ຕູ້ຄົນໜຶ່ງມາຊົມລາຍການໃຫ້ຮູ້ວ່າ :
“ ຄາວທີ່ພວກຂ້າພະເຈົ້າຢູ່ຮ່າໂນ້ຍນັ້ນ, ຂັບສຳແມ່ນຄາວເຍົາໄວ, ແມ່ນຈຸດວັດທະນະທຳຂອງຊາດ. ຂ້າພະເຈົ້າມາຊົມເພື່ອຫວນຄືນຊີວິດເມື່ອກ່ອນນີ້”
ສ່ວນເພື່ອນໜຸ່ມຄົນໜຶ່ງມາຊົມລາຍການໃຫ້ຮູ້ວ່າ :
“ ມາຊົມ ແລະ ຟັງຂັບສຳ, ນ້ອງມີຄວາມຕື້ນຕັນໃຈ ແລະ ເພງສຳເປັນໜ້າຈັບໃຈອີຫຼີ. ມີສິ່ງໃດສິ່ງໜຶ່ງຝັງໄວ້ໃນດວງໃຈຂອງຕົນ. ນ້ອງມັກທີ່ສຸດ ບົດເພງ : “ໂກຮ່າງເນືອກ ແລະ ກວຽດຈີ້ຕູເທີນ, ເພາະບົດເພງນີ້ເວົ້າເຖິງຄວາມຕັດສິນໃຈຂອງອ້າຍບາວຄົນໜຶ່ງຫວັງກາຍເປັນຜູ້ທີ່ມີຄວາມເກັ່ງກ້າສາມາດ. ສ່ວນບົດເພງ ໂກຮ່າງເນືອກ, ແມ່ນເວົ້າເຖິງບັນຫາຂອງປະເທດຊາດ, ເມື່ອຟັງເພງນີ້, ເບິ່ງຄືວ່າ ມີສິ່ງໃດສິ່ງໜຶ່ງຝັງໄວ້ໃນດວງໃຈຂອງຕົນ ແລະ ຮູ້ສຶກຕື້ນຕັນໃຈທີ່ສຸດ. ”
ໃນສະພາວະທີ່ຫຼາຍສິລະປະພື້ນເມືອງພວມຢືນຢູ່ຕໍ່ໜ້າສະພາບສູນຫາຍໄປນັ້ນ, ຄວາມສົນໃຈຂອງຜູ້ຊົມຊາວນະຄອນຫຼວງທີ່ມີຕໍ່ລາຍການສະແດງສິລະປະ “ຂັບສຳ ແລະ ຊີວິດ” ກໍເປັນສັນຍານທີ່ດີສຳລັບບັນດານັກສິລະປີນຂັບສຳ. ນັກສິລະປະຂັບສຳ ມາຍຕຽດຮວາ ສະມາຊິກຄະນະຈັດຕັ້ງລາຍການຢືນຢັນວ່າ : ຄຳປະໂຫຍກໃນເພງສຳກໍບໍ່ຄືເພງບູຮານ, ນັບທັງຜູ້ຊົມໃນຍຸກປະຈຸບັນເມື່ອໄດ້ຟັງ ກໍສາມາດເຂົ້າໃຈດີ. ນີ້ແມ່ນທ່າແຮງຂອງສິລະປະຂັບສຳໃນປະຈຸບັນ. ນັກສິລະປະຂັບສຳ ມາຍຕຽດຮວາ ເປີດເຜີຍວ່າ :
“ ເນື້ອໃນຂອງເພງ ແລະ ດົນຕີໃນ ສິລະປະຂັບສຳຈະຊຶມເລິກເຂົ້າໃນດວງໃຈມະນຸດໃນທັນທີ່. ສຳລັບຂັບກວານເຫາະ, ຂັບກາຈູ, ເມື່ອໄດ້ຟັງ, ພວກເຮົາຕ້ອງຄິດ, ຕ້ອງຄົ້ນຄ້ວາກ່ຽວກັບພາສາຫວຽດເດີມ, ຈຶ່ງຈະສາມາດເຂົ້າໃຈເນື້ອໃນບົດເພງທີ່ນັກປະພັນຢາກເວົ້າອີຫຍັງ, ແຕ່ສຳລັບເພງສຳນັ້ນ, ພວກເຮົາຕ້ອງການຫຍັງ, ຮັກຜູ້ໃດ, ມັກຫຍັງ, ພວກເຮົາສາມາດເວົ້າຕົງຕໍ່ກັນໂລດ. ”
ບໍ່ພຽງແຕ່ດຶງດູດໄວໜຸ່ມເທົ່ານັ້ນ, ສິລະປະຂັບສຳ ກໍນຳແຫຼ່ງອາລົມໃນການ ປະພັນມາໃຫ້ນັກສິລະປີນໜຸ່ມຕາມແບບແຜນການສະແດງທັນສະໄໝ. ນັກສິລະປີນມິນກຽນ ເວົ້າວ່າ :
“ ເມື່ອສົນໃຈກັບ ສິລະປະຂັບສຳ, ຂ້າພະເຈົ້າເອົາໃຈໃສ່ເຖິງການຕີຈັ່ງຫວະຂອງຂັບສຳ. ມັນງ່າຍດາຍທີ່ສຸດ, ແຕ່ເຮົາຮຽນໄດ້ຫຼາຍວິທີທີ່ດີທີ່ມວ່ນທີ່ສຸດ. ເມື່ອຟັງເພງສຳ, ຜູ້ຄົນທັງຫຼາຍສາມາດວາດພາບໄດ້ເຖິງຮູບພາບຮ່າໂນ້ຍເມື່ອກ່ອນນີ້. ”
ສິລະປະຂັບສຳພວມໄດ້ຮັບຄວາມສົນໃຈຈາກຜູ້ຊົມໜຸ່ມ ແລະ ວົງການນັກສິລະປີນໜຸ່ມໃນປະຈຸບັນ. ເພື່ອນ ເລມິນຮ້ຽວ ນັກສຶກສາສັງກັດມະຫາວິທະຍາໄລເສດຖະກິດແຫ່ງຊາດ ເປີດເຜີຍວ່າ :
“ ນ້ອງບໍ່ມີໂອກາດໄດ້ຊົມ ແລະ ຟັງຂັບສຳ ເພາະລາຍການສະແດງສິລະປະ ຂັບສຳ ກໍບໍ່ມີຫຼາຍ, ນ້ອງໄດ້ຟັງຂັບສຳພຽງຜ່ານວິທະຍຸ, ໂທລະພາບເທົ່ານັ້ນ ”
ເຫັນດີກັບທັດສະນະຂອງເພື່ອນ ເລມິນຮ້ຽວ , ນັກສິລະປີນ ຫງວຽນກວາງລອງ ສັງກັດຄະນະຈັດຕັ້ງເປີດເຜີຍວ່າ :
“ ພວກຂ້າພະເຈົ້າເຄີຍຈັດຕັ້ງ ລາຍການສະແດງສິລະປະຂັບສຳເຊັ່ນນີ້ ໃນເດືອນມັງກອນປີ 2011. ຄາວນັ້ນ, ພວກຂ້າພະເຈົ້າປາຖະໜາວ່າ ແຕ່ລະປີຈະດຳເນີນເທື່ອໜຶ່ງໃນຈຸດເວລາກ່ອນ ແລະ ພາຍຫຼັງບຸນປີໃໝ່ປະຈຳຊາດ. ແຕ່ຕ້ອງມາຮອດປີນີ້, ພວກຂ້າພະເຈົ້າຈຶ່ງສາມາດຫັນຄວາມໃຝ່ຝັນກາຍເປັນຄວາມຈິງໄດ້. ເວົ້າເຊັ່ນນັ້ນ ເພື່ອໃຫ້ພວກເຮົາເຫັນໄດ້ວ່າ ຈະເປັນການຍາກທີ່ສຸດເພື່ອຈັດຕັ້ງລາຍການສະແດງຂັບສຳເຊັ່ນນັ້ນ. ”
ການສະໜັບສະໜູນ ແລະ ຕອບສະໜອງຢ່າງສຸດໃຈຂອງຜູ້ຊົມທີ່ມີຕໍ່ ສິລະປະຂັບສຳພາຍຫຼັງບໍ່ປະກົດຕົວບົນເວທີ່ສະແດງມາເປັນໄລຍະໜຶ່ງ ໄດ້ສະແດງໃຫ້ເຫັນ ກຳລັງດຶງດູດຂອງປະເພດສິລະປະນີ້ສຳລັບມວນຊົນ. ນີ້ແມ່ນກຳລັງຊຸກຍູ້ເພື່ອເກັບຮັກສາ, ໂຄສະນາເຜີຍແຜ່ ສິລະປະຂັບສຳໃນພື້ນຖານດົນຕີພື້ນເມືອງຫວຽດນາມ .