(ພາບປະກອບ: Reuters)

   ບົດລາຍງານດ້ວຍຫົວຂໍ້ “ແງ່ຫວັງການຄ້າທົ່ວໂລກ ແລະບັນດາຂໍ້ມູນຕົວເລກ” ຂອງ WTO ໄດ້ຄາດວ່າ ການຄ້າສິນຄ້າທົ່ວໂລກຈະຫລຸດລົງ 0,2% ໃນປີນີ້ ຊື່ງແມ່ນລະດັບຫລຸດລົງຢ່າງແຮງ ເມື່ອທຽບກັບການຄາດຄະເນທີ່ໄດ້ຍົກອອກມາໃນເດືອນຕຸລາປີ 2024 ແມ່ນການເຕີບໂຕ 3%.

ການຫລຸດລົງຢ່າງແຮງ

ສາຍເຫດໃຫ່ຍກ່ວາໝູ່ພາໄປເຖິງການຕີລາຄາທີ່ທໍ້ໃຈຂອງ WTO ແມ່ນນະໂຍຍາຍພາສີອາກອນໃໝ່ຂອງ ອາເມລິກາ ຂະນະທີ່ໃນເດືອນກ່ອນ, ອຳນາດການປົກຄອງ ອາເມລິກາ ໄດ້ເລີ່ມປຸກລະດົມ “ການຕໍ່ສູ້ດ້ານພາສີອາກອນ”, ໂດຍໄດ້ຈັດວາງອັດຕາພາສີ 10% ສຳລັບສິນຄ້ານຳເຂົ້າຈາກທຸກແຫ່ງໃນໂລກ ພ້ອມກັບອັດຕາ 25 % ສຳລັບເຫຼັກກ້າ, ອາລູມີນຽມ ແລະ ລົດໂອໂຕ. ຮ້າຍແຮງກ່ວາອີກ, ພາສີສົມທົບທີ່ ອາເມລິກາ ໄດ້ຈັດວາງຕໍ່ກ່ວາ 180 ພື້ນຖານເສດຖະກິດ ໄດ້ເຄື່ອນເໜັງແຕ່ອັດຕາ 10-39% ອາດຈະຖືກປະຕິບັດ ໂດຍບໍ່ຫົວຊາຕໍ່ເລື່ອງປະທານາທິບໍດີ ອາເມລິກາ Donald Trump ພວມຢຸດຊົ່ວຄາວອັດຕາພາສີນີ້ໃນເວລາ 90 ວັນເພື່ອດຳເນີນການເຈລະຈາ. ພິເສດ, ຄວາມເຄັ່ງຕຶ້ງດ້ານການຄ້າລະຫວ່າງ ອາເມລິກາ ແລະ ຈີນ ພວມນັບມື້ນັບເພີ່ມຂຶ້ນເຖິງລະດັບຍາກທີ່ຈະເຈລະຈາໄດ້ ຂະນະທີ່ສອງຝ່າຍໄດ້ຈັດວາງບັນດາອັດຕາພາສີ “ທີ່ບໍ່ສາມາດຄິດເຖິງໄດ້” ແນໃສ່ສິນຄ້າຂອງກັນ.

ການເປີດກ້ວາງບໍ່ກຳນົດເວລາ 90 ວັນ ອາດຈະບໍ່ນຳມາເຊິ່ງຄວາມສະຖຽນລະພາບ. ບໍ່ຕ້ອງຮູ້ວ່າ ການກຳນົດເວລານີ້ ຈະຖືກຕໍ່ກຳນົດອີກຫຼືບໍ່, ຄວາມຈິງແລ້ວ, ປະຈຸບັນແມ່ນບໍ່ມີສະຖຽນລະພາບ, ບໍ່ສາມາດຄາດຄະເນໄດ້ ແລະ ສິ່ງດັ່ງກ່າວຈະສົ່ງຜົນກະທົບຕໍ່ການຄ້າ ກໍ່ຄືຕັດສິນຄວາມຈິງຂອງບັນດາວິສາຫະກິດ.

ບໍ່ພຽງແຕ່ສິນຄ້າການຄ້າທົ່ວໂລກຖືກຫລຸດລົງເທົ່ານັ້ນ, ຫາກການຄ້າການບໍລິການກໍ່ຈະໄດ້ຮັບຜົນສະທ້ອນໃຫ່ຍ. WTO ຄາດວ່າການຄ້າການບໍລິການຈະເຕີບໂຕ 4% ໃນປີ 2025 ນີ້ ແລະ 4.1% ໃນປີ 2026. ທ່ານ Ralph Ossa, ຫົວໜ້າຜູ້ຊ່ຽວຊານເສດຖະກິດຂອງ WTO, ໃຫ້ຂໍ້ສັງເກດວ່າ:

ເຖິງວ່າ ການຄ້າການບໍລິການບໍ່ໄດ້ຮັບການກະທົບໂດຍກົງຈາກບັນດາອັດຕາພາສີ, ແຕ່ຍັງໄດ້ຮັບຜົນສະທ້ອນຢູ່. ການຫລຸດລົງຂອງການຄ້າສິນຄ້າ ຈະເຮັດໃຫ້ຄວາມຕ້ອງການສຳລັບບັນດາການບໍລິການທີ່ກ່ຽວຂ້ອງຖືກຫລຸດລົງຄື: ຂົນສົ່ງ, logistic, ໃນຂະນະທີ່ເສດຖະກິດຂາດສະຖຽນລະພາບ ຈະເຮັດໃຫ້ຄວາມຕ້ອງການທ່ອງທ່ຽວ ກໍ່ຄືບັນດາການບໍລິການກ່ຽວຂ້ອງເຖິງການລົງທຶນຖືກຫລຸດລົງ.

ຄາມທ່ານນາງ Ngozi Okonjo-Iweala, ຜູ້ອຳນວຍການໃຫ່ຍ WTO, ຄວາມຢ້ານທີ່ໃຫ່ຍທີ່ສຸດຂອງ WTO ແມ່ນພື້ນຖານເສດຖະກິດ ຈີນ ແລະ ອາເມລິກາ ພວມແບ່ງແຍກກັນ. ຖ້າຫາກວ່າຈະເປັນຄືແນວນັ້ນ, GDP ທົ່ວໂລກອາດຈະຫລຸດລົງ 7% ໃນໄລຍະຍາວນານ. ແບ່ງປັນຄວາມວິຕົກກັງວົນນີ້, ວັນທີ 17 ເມສາ, ບັນດາບໍລິສັດຈັດອັນດັບຄວາມໄວ້ວາງໃຈໃຫ່ຍຄື Fitch ແລະ S&P ໄດ້ຕີລາຄາວ່າ ການເຕີບໂຕທົ່ວໂລກປີນີ້ ຖືກຄາດຄະເນວ່າຫລຸດລົງຫຼາຍທີ່ສຸດນັບແຕ່ປີ 2009 ດ້ວຍບັນດາອັດຕາເພີ່ມຂຶ້ນພຽງແຕ່ 2-2.2% ເທົ່ານັ້ນ.

ຄວາມວິຕົກກັງວົນສຳລັບເສດຖະກິດ ອາເມລິກາ

ສຳລັບປະເທດ ອາເມລິກາ ເອງ, ຊື່ງແມ່ນຝ່າຍເລີ່ມເປີດການຕໍ່ສູ້ດ້ານພາສີອາກອນນັ້ນ, ບັນດາຄວາມວິຕົກກັງວົນທີ່ມີຕໍ່ພື້ນຖານເສດຖະກິດ ກໍ່ເລີ່ມມີສັນຍານເພີ່ມຂຶ້ນ. ກ່າວຄຳເຫັນເມື່ອວັນທີ 16 ເມສາຢູ່ສະໂມສອນເສດຖະກິດ Chicago, ທ່ານ Jerome Powell ປະທານກົມສະສົມສະຫະລັດ ອາເມລິກາ (Fed), ໃຫ້ຂໍ້ສັງເກດວ່າ:

 ປະຈຸບັນ, ອຳນາດການປົກຄອງ ອາເມລິກາ ພວມປະຕິບັດບັນນະການປ່ຽນແປງນະໂຍບາຍຫຼາຍພໍສົມຄວນ, ພິເສດ, ປະຈຸບັນພວມໄດ້ສຸມໃສ່ການຄ້າ ແລະ ການກະທົບຂອງການປ່ຽນແປງນີ້ ອາດຈະເຮັດໃຫ້ ອາເມລິກາ ໄປເຂວທິດກັບບັນດາເປົ້າໝາຍທີ່ໄດ້ວາງອອກ. ການວ່າງງານອາດຈະເພິ່ມຂຶ້ນ ຂະນະທີ່ພື້ນຖານເສດຖະກິດ ອາເມລິກາ ເຕີບໂຕຊັກຊ້າລົງ, ໄພເງິນເຟີ້ອາດຈະເພີ່ມຂຶ້ນ ຖ້າຫາກວ່າບັນດາອັດຕາພາສີມີຜົນສັກສິດ ແລະສ່ວນໜຶ່ງອັດຕາພາສີນີ້ ແມ່ນຈັດວາງໃສ່ລາຍຮັບຂອງ ປຊຊ.

ທ່ານ Jerome Powell, ປະທານກົມສະສົມສະຫະລັດ ອາເມລິກາ ໃຫ້ຮູ້ວ່າ: ໃນຈຸດເວລາປະຈຸບັນ Fed ຍັງບໍ່ທັນປັບປຸງນະໂຍບາຍໂດຍທັນທີ ຫາກຕ້ອງມີຂໍ້ມູນຕື່ມອີກ ເພື່ອກຳນົດແຈ້ງບັນດາການກະທົບຂອງນະໂຍບາຍໃໝ່ສຳລັບພື້ນຖານເສດຖະກິດ.

ຂໍ້ໃຫ້ສັງເກດຂອງຜູ້ນຳໜ້າ Fed ຖືກຖືວ່າແມ່ນການກ່າວເຕືອນໃຫ່ຍທີ່ສຸດມາຮອດປະຈຸບັນຢູ່ພາຍໃນປະເທດ ອາເມລິກາ ສຳລັບນະໂຍບາຍພາສີອາກອນຂອງອຳນາດການປົກຄອງຂອງທ່ານ Donald Trump. ຕາມທ່ານ David Russell, ຜູ້ອຳນວຍການຍຸດທະສາດຕະຫຼາດທົ່ວໂລກ ຢູ່ TradeStation, ແລ້ວ ນີ້ກໍ່ຖືກຖືວ່າ ແມ່ນຄຳຖະແຫຼງວ່າ Fed ຈະບໍ່ຫລຸດອັດຕາດອກເບັ້ຍລົງຕາມຄຳຮຽກຮ້ອງຂອງທຳນຽບຂາວ.

ວົງການນັກສັງເກດການຖືກວ່າ, ສະພາບການໃນປະຈຸບັນອາດຈະເຮັດໃຫ້ສາຍພົວພັນທີ່ບໍ່ດີລະຫວ່າງອຳນາດການປົກຄອງຂອງທ່ານ Donald Trump ກັບ Fed, ອົງການເອກະລາດກັບອຳນາດການປົກຄອງ ພັດມີຄວາມເຄັ່ງຕຶງຂຶ້ນຕື່ມ./.