(vovworld)- ວັນທີ 28/4, ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢູງ ພ້ອມດ້ວຍຮອງນາຍົກລັດຖະມົນຕີ 4 ທ່ານ, ລັດຖະມົນຕີ 9 ທ່ານ ແລະ ປະທານຄະນະກຳມະການປະຊາຊົນ 2 ນະຄອນໃຫຍ່ 2 ທ່ານ ໄດ້ມີການພົບປະສົນທະນາກັບປະຊາຄົມວິສາຫະກິດ. ໃນສະພາບການທີ່ວິສາຫະກິດພວມປະສົບກັບຄວາມຫຍຸ້ງຍາກກ່ຽວກັບແຫລ່ງທຶນ, ນະໂຍບາຍ ແລະ ຕະຫລາດ. ກອງປະຊຸມໄດ້ຮັບຄວາມມຸ້ງຫວັງວ່າ ຈະເປີດບັນດາທິດບຸກທະລຸເພື່ອຊ່ວຍປະຊາຄົມວິສາຫະກິດຫວຽດນາມ ເຄ່ືອນໄຫວຢ່າງມີປະສິດທິຜົນ ແລະ ພັດທະນາແບບຍືນຍົງກວ່າ,ປະກອບສ່ວນປະຕິບັດຈຸດໝາຍ, ຫນ້າທີ່ພັດທະນາເສດຖະກິດສັງຄົມຊື່ງ ລັດຖະບານໄດ້ວາງອອກໃຫ້ແກ່ປີ 2014-2015 ຢ່າງມີໄຊ.
ລັດຖະບານ ແລະ ວິສາຫະກິດ ພ້ອມກັນແບ່ງປັນຄວາມຫຍຸ້ງຍາກ
photo:dnrtv.org.vn
|
ກອງປະຊຸມສົນທະນາດັ່ງກ່າວແມ່ນການເຄື່ອນໄຫວປະຈຳປີ ແລະ ກາຍເປັນເວທີປາໄສສຳຄັນເພື່ອໃຫ້ປະຊາຄົມວິສາຫະກິດ ແບ່ງປັນຄວາມຫຍຸ້ງຍາກຂໍ້ຕິດຂັດໂດຍກົງໃນວິວັດການຜະລິດ, ດຳເນີນທຸລະກິດ. 4 ໝວດຫົວເລື່ອງ ແມ່ນຄວາມສົນໃຈຕົ້ນຕໍຈາກປະຊາຄົມວິສາຫະກິດ ຈະຖືກນຳສະເຫນີ ແລະ ປຶກສາຫາລືທີ່ ກອງປະຊຸມ ຊື່ງລວມມີ: ວິສາຫະກິດພາກເອກະຊົນກັບບັນຫາສຳພັດກັບສິນເຊ່ືອທະນາຄານ, ບັນດານະໂຍບາຍກ່ຽວກັບພາສີ ແລະ ສຳພັດກັບແຫລ່ງທຶນຜ່ານບັນດາກອງທຶນຄຳ້ປະກັນບັນຫາສຳພັດກັບຕະຫລາດ,ບັນຫາສຳພັດກັບທີ່ດິນບໍ່ຖືກມົນລະພິດເພື່ອການຜະລິດດຳເນີນທຸລະກິດ.
ລັດຖະບານ ແລະ ວິສາຫະກິດ ພ້ອມກັນແບ່ງປັນຄວາມຫຍຸ້ງຍາກ ແລະ ສະເຫນີມາດຕະການແກ້ໄຂ
ມີຜູ້ແທນປະມານ 500 ຄົນ,ໃນນັ້ນ ວິສາຫະກິດພາກເອກະຊົນ 400 ແຫ່ງ, ວິສາຫະກິດມີເງິນລົງທຶນໂດຍກົງຂອງຕ່າງປະເທດ(FDI) 50 ແຫ່ງ, ລັດວິສາຫະກິດ 20 ແຫ່ງ ມີຫນ້າທີ່ີກອງປະຊຸມ ເພ່ືອສົນທະນາໂດຍກົງກັບນາຍົກລັດຖະມົນຕີ ກ່ຽວກັບບັນດາບັນຫາທີ່ກ່ຽວຂ້ອງເຖິງບັນດາບັນຫາກ່ຽວກັບເສດຖະກິດວິສາຫະກິດ. ເມື່ອຕອບສຳພາດຕໍ່ນັກຂ່າວກ່ອນຈັດຕັ້ງກອງປະຊຸມ, ທ່ານ ຫວູຕຽນໂລກ, ປະທານຫ້ອງການການຄ້າ ແລະ ອຸດສາຫະກຳ ຫວຽດນາມ (VCCI) ໃຫ້ຮູ້ວ່າ: ປະຈຸບັນ ພື້ນຖານເສດຖະກິດ ແລະ ປະຊາຄົມວິສາຫະກິດ ພວມກ້າວເຂົ້າສູ່ໄລຍະພັດທະນາໃຫມ່ເຊີ່ງຢູ່ທີ່ນັ້ນ ຮຽກຮ້ອງໃຫ້ມີການສ້າງໂຄງປະກອບພື້ນຖານເສດຖະກິດຄືນໃຫມ່, ມູ່ງໄປເຖິງໂຄງປະກອບທັນສະໄຫມ ແລະ ໝັ້ນຄົງ ກາຍເປັນບັນຫາສຳຄັນທີ່ຂາດບໍ່ໄດ້, ສະນັ້ນ ນາຍົກລັດຖະມົນຕີ ຕົກລົງພົບປະກັບປະຊາຄົມວິສາຫະກິດ ເພື່ອຮັບຟັງ,ແລກປ່ຽນກັບບັນດາວິສາຫະກິດ, ຈາກນັ້ນ ຫັນບັນດາບາດກ້າວກ່ຽວກັບລະບອບນະໂຍບາຍໃຫ້ປະກົດຜົນເປັນຈິງ.
“ ຂ້າພະເຈົ້າຖືວ່າ ກອງປະຊຸມຄັ້ງນີ້ ມີບົດບາດສຳຄັນ, ພິເສດ ໃນສະພາບການປະຈຸບັນ ເມື່ອສະພາບແວດລ້ອມເສດຖະກິດມະຫາພາກພວມເປັນປົກກະຕິ, ການພັດທະນາວິສາຫະກິດກໍຄືບັນດາມາດຕະການ ເພື່ອໃຫ້ວິສາຫະກິດຜ່ານຜ່າຄວາມຫຍຸ້ງຍາກປະຈຸບັນ ເພື່ອປະກອບສ່ວນເຂົ້າໃນການຈະເລີນເຕີບໂຕ, ຍົກສູງຄຸນນະພາບການເຕີບໂຕແມ່ນສິ່ງສຳຄັນທີ່ສຸດ. ໃນຊຸມມື້ຜ່ານມາ, ພວກຂ້າພະເຈົ້າໄດ້ຮັບກວ່າ 300 ຄຳເຫັນສະເຫນີທີ່ກ່ຽວຂ້ອງເຖິງບັນດາກະຊວງ,ຂະແຫນງການ, ທ້ອງຖິ່ນ ແລະ ພວກຂ້າພະເຈົ້າໄດ້ສົ່ງເຖິງບັນດາກະຊວງ,ຂະແຫນງການ,ທ້ອງຖິ່ນ ແລະ ລາຍງານຕໍ່ນາຍົກລັດຖະມົນຕີ. ກອງປະຊຸມຄັ້ງນີ້ ຈະມີຫລາຍຄຳເຫັນຂອງວິສາຫະກິດ ໄດ້ຮັບການແກ້ໄຂໃນທັນທີ່. ບັນດາບັນຫາທີ່ຍັງເຫລືອ ບັນດາກະຊວງ, ຂະແຫນງການ ແລະ ທ້ອງຖິ່ນຕ່າງໆຈະສືບຕໍ່ມີຄຳຕອບ, ນີ້ກໍແມ່ນວິທີເພື່ອຍູ້ແຮງການປະຕິຮູບລະບອບນະໂຍບາຍທີ່ໄດ້ວາງອອກ.”
ບັນຫາສຳຄັນຫນຶ່ງອີກຊື່ງບັນດາວິສາຫະກິດຍົກອອກທີ່ກອງປະຊຸມຄັ້ງນີ້ ນັ້ນແມ່ນ ບັນດາວິສາຫະກິດ ປະສົບກັບຄວາມຫຍຸ້ງຍາກຫລາຍຢ່າງໃນການສຳພັດກັບບ້ວງສິນເຊື່ອ. ປະຈຸບັນ ມີກວ່າ 32% ຈຳນວນວິສາຫະກິດມີຄຳຕອບວ່າ ໄດ້ກູ້ຢືມທຶນທະນາຄານເປັນປະຈຳ, ກວ່າ 35%ວິສາຫະກິດ ຖືວ່າ ກູ້ຢືມທຶນໄດ້ ແຕ່ຫຍຸ້ງຍາກທີ່ສຸດ ແລະ 33% ວິສາຫະກິດຍັງເຫລືອ ຢືນຢັນ ບໍ່ສາມາດກູ້ຢືມທຶນໄດ້. ຕາມສະຫະສະມາຄົມວິສາຫະກິດ ຂະຫນາດກາງ ແລະ ນ້ອຍແລ້ວ, ນັບແຕ່ປີ 2012 ຮອດເດືອນ 9/2013, ມີວິສາຫະກິດຈຳນວນຫນ້ອຍໄດ້ຮັບການຄ້ຳປະກັນຈາກທະນາຄານເພື່ອກູ້ຢຶມທຶນຂອງທະນາຄານການຄ້າ ສະນັ້ນ ມີວິສາຫະກິດຂະຫນາດກາງ ແລະ ນ້ອຍ ຫລາຍແຫ່ງ ຕົກເຂົ້າສຸູ່ສະພາບທີ່ຫຍຸ້ງຍາກ. ທ່ານ ໂດແອງຕວນ, ຜູ້ອຳນວຍການ ບໍລິສັດການຄ້າ ແລະ ບໍລິການຂາອອກຂາເຂົ້າສິນໃນນຳ້ ເຟືອກຕຽນ ຈຳກັດ, ນະຄອນ ດາຫນັງ ຍົກຄຳເຫັນວ່າ:
“ບໍລິສັດພວກຂ້າພະເຈົ້າຫາກໍ່ເຊັນສັນຍາການຄ້າກັບຄູ່ຮ່ວມມືຍີ່ປຸ່ນ ລວມມູນຄ້າ 50.000-60.000 USD ແຕ່ກໍປະສົບກັບຄວາມຫຍຸ້ງຍາກໃນການກູ້ຢືມທຶນ. ແລະ ປາດຖະຫນາວ່າ ທະນາຄານຕ້ອງພິຈາລະຈາການພັດທະນາຂອງວິສາຫະກິດ, ການປະກອບສ່ວນຂອງວິສາຫະກິດ, ແລະ ມີຕະຫລາດຂາຍຜະລິດຕະພັນຫລືບໍ່, ມີຄວາມສາມາດພັດທະນາຫລືບໍ່. ຖ້າມີເງື່ອນໄຂພັດທະນາຢ່າງພຽງພໍ ຄວນບຸລິມະສິດໃຫ້ ວິສາຫະກິດ ກູ້ຢືມທຶນເພື່ອພັດທະນາ.”
ເພື່ອໃຫ້ວິສາຫະກິດແກ້ງແຍ້ງຢ່າງສະເຫມີ ພາບ ແລະ ພັດທະນາແບບຍືນຍົງ
ຕາມບົດລາຍງານສັງລວມກ່ຽວກັບສະພາບການວິສາຫະກິດ ແລະ ຫນ້າທີ່ພັດທະນາເສດຖະກິດສັງຄົມປີ 2014-2015, ປະຈຸບັນ ກຸ່ມລັດວິສາຫະກິດ ໄດ້ ແລະ ພວມສວມບົດບາດນຳຫນ້າໃນການພັດທະນາ ແຕ່ໃນໄລຍະຍາວ, ການຈະເລີນເຕີບໂຕຂອງເສດຖະກິດພາກເອກະຊົນ ຈະປະກອບສ່ວນຄືກຳລັງຫນູນພັດທະນາປະເທດຊາດ.
ຕາມອັດຕາສ່ວນ GDP, ກຸ່ມວິສາຫະກິດພາກເອກະຊົນ ໄດ້ບືນຕົວຂຶ້ນຢືນອັນດັບຫນຶ່ງ ຖັດມາແມ່ນກຸ່ມລັດວິສາຫະກິດ. ສະນັ້ນ ທີ່ກອງປະຊຸມ ຄັ້ງນີ້, ທ່ານນາຍົກລັດຖະມົນຕີ ໄດ້ສຸມໃສ່ບັນຫາສ້າງເງື່ອນໄຂພັດທະນາໃຫ້ແກ່ວິສາຫະກິດ ເວົ້າລວມ ແລະ ພິເສດ ແມ່ນວິສາຫະກິດພາກເອກະຊົນ. ໃນນັ້ນ ເອົາໃຈໃສ່ເຖິງການຮັບປະກັນສິດເສລີໃນການດຳເນີນທຸລະກິດ ແລະ ແກ້ງແຍ້ງຢ່າງສະເຫມີພາບໃຫ້ແກ່ບັນດາວິສາຫະກິດ. ທ່ານ ຫວູຕຽນໂລກ ຖືວ່າ: ວິສາຫະກິດພາກເອກະຊົນສ່ວນຫລາຍ ແມ່ນວິສາຫະກິດຂະຫນາດກາງ ແລະ ນ້ອຍ,ສະນັ້ນ ຕ້ອງສືບຕໍ່ສ້າງເງື່ອນໄຂສະດວກກວ່າອີກໃຫ້ແກ່ວິສາຫະກິດໃນການສ້າງຕັ້ງ,ລົງທຶນ ແລະ ດຳເນີນທຸລະກິດ.
“ສ້າງສະພາບແວດລ້ອມແຫ່ງການດຳນເນທຸລະກິດຢ່າງສະດວກງ່າຍດາຍ, ສະເຫມີພາບ ແມ່ນສິ່ງສຳຄັນທີ່ສຸດ. ເພາະວ່າ ວິສາຫະກິດຂະຫນາດກາງ ແລະ ນ້ອຍ ປະສົບກັບຄວາມຫຍຸ້ງຍາກໃນການດຳເນີນທຸລະກິດ ສະນັ້ນ ຕ້ອງການບັນດາລາຍການ,ມາດຕະການຫນູນຊ່ວຍ. ໃນວິວັດການສຳພັດກັບແຫລ່ງກຳລັງເພື່ອພັດທະນາ ຄວນມີບັນດາລາຍການສະເພາະໃຫ້ແກ່ກຸ່ມວິສາຫະກິດນີ້. ນອກນັ້ນ ຍ້ອນມີຂອບຂະຫນາດນ້ອຍ ສະນັ້ນ ວິສາຫະກິດຂະຫນາດກາງ ແລະ ນ້ອຍ ຍາກທີ່ສຳພັດກັບວິທະຍາສາດເຕັກໂນໂລຊີໄດ້. ປະຈຸບັນ ລັດຖະບານ, VCCI ແລະ ກະຊວງວິທະຍາສາດ ແລະ ເຕັກໂນໂລຊີ ໄດ້, ພວມ ຈັດຕັ້ງບັນດາກອງປະຊຸມສຳມະນາເພື່ອເຊື່ອມຕໍ່ບັນດານັກວິທະຍາສາດ ເພື່ອໃຫ້ວິສາຫະກິດຂະຫນາດກາງ ແລະ ນ້ອຍ ຍົກສູງກຳລັງແກ້ງແຍ້ງໃຫ້ແກ່ວິສາຫະກິດ.”
ພື້ນຖານເສດຖະກິດ ແລະ ປະຊາຄົມວິສາຫະກິດຫວຽດນາມ ພວມກ້າວເຂົ້າສູ່ໄລຍະພັດທະນາໃຫມ່. ພ້ອມກັບການເຊື່ອມໂຍງເຂົ້າກັບສາກົນນັບມື້ນັບເລິກເຊິ່ງ, ກວ້າງຂວາງ, ຫວຽດນາມ ມີຄວາມຕ້ອງການ ວິສາຫະກິດມີກຳລັງແຮງຢ່າງພຽງພໍເພື່ອສຳພັດກັບ ເຕັກໂນໂລຊີໃຫມ່, ກາຍເປັນຄູ່ຮ່ວມມືຂອງບັນດາກຸ່ມບໍລິສັດຂ້າມຊາດ. ເຫດການທ່ານນາຍົກລັດຖະມົນຕີ ພົບປະ ກັບວິສາຫະກິດໃນປີ 2014 ແມ່ນສະແດງໃຫ້ເຫັນຄວາມເອົາໃຈໃສ່, ແບ່ງປັນຂອງລັດຖະບານກັບວິສາຫະກິດ, ສ້າງຄວາມໄວ້ເນື້ອເຊື່ອໃຈ ແລະ ກຳລັງຫນູນໃຫ້ແກ່ວິສາຫະກິດ, ເປັນຕົ້ນແມ່ນກຸ່ມວິສາຫະກິດພາກເອກະຊົນຜ່ານຜ່າຄວາມຫຍຸ້ງຍາກ, ພັດທະນາແບບຍືນຍົງພ້ອມກັບພື້ນຖານເສດຖະກິດຂອງປະເທດຊາດ.