ໃນບົດລາຍງານແງ່ຫວັງເສດຖະກິດທົ່ວໂລກ ປະກາດເມື່ອທ້າຍເດືອນຕຸລາ ປີ 2024, ກອງທຶນເງິນຕາສາກົນ (IMF) ຄາດວ່າ ເສດຖະກິດໂລກປີນີ້ໄດ້ເຕີບໂຕ 3.2%. ອົງການຮ່ວມມື ແລະ ພັດທະນາເສດຖະກິດ (OECD)  ຫຼື ທະນາຄານໂລກ (WB) ກໍ່ໄດ້ຍົກອອກບັນດາຕົວເລກຄາດຄະເນທີ່ຄ້າຍຄືກັນ, ໃນລະດັບປະມານ 3% ຊ້ຳບໍ່ໜຳອາດຈະຂຶ້ນເຖິງ 3.3%.

ສິ້ນສຸດດ້ວຍຄວາມປອດໄພ

  ພື້ນຖານເພື່ອຕັ້ງຫວັງເຂົ້າໃນການເຕີບໂຕເປັນປົກກະຕິຂອງເສດຖະກິດໂລກໃນປີນີ້ ແມ່ນບັນດາຜົນງານທີ່ດີພໍສົມຄວນໃນປີ 2024. ຕາມທ່ານ Mathias Cormann, ເລຂາທິການໃຫ່ຍ ອົງການຮ່ວມມື ແລະ ພັດທະນາເສດຖະກິດ (OECD)  ແລ້ວ, ໃນປີ 2024, ພື້ນຖານເສດຖະກິດທົ່ວໂລກໄດ້ສະແດງໃຫ້ເຫັນຄວາມສາມາດຟື້ນຟູທີ່ໜ້າສົນໃຈ, ຂະນະທີ່ໄພເງິນເຟີ້ຢູ່ຫຼາຍພື້ນຖານເສດຖະກິດໃຫ່ຍ ໄດ້ຄອ່ຍໆຫລຸດກັບມາທີ່ອັດຕາສ່ວນເປົ້າໝາຍ (2%) ຂອງບັນດາທະນາຄານສູນກາງ ໃນຂະນະທີ່ອັດຕາສ່ວນການເຕີບໂຕຍັງເປັນປົກກະຕິ.

  ເລື່ອງເພີ່ມອັດຕາດອກເບັ້ຍສູງໃນ 2 ປີມານີ້ ເພື່ອຕ້ານໄພເງິນເຟີ້ ບໍ່ໄດ້ກໍ່ໃຫ້ເກີດການຊຸດໂຊມຢ່າງແຮງ ຄືດັ່ງບັນດານັກກະຕວງເກືອບທັງໝົດມີຄວາມວິຕົກກັງວົນ. ຕາມ S&P Global (ອາເມລິກາ), ສະພາບການນີ້ ໄດ້ຊ່ວຍເສດຖະກິດທົ່ວໂລກ ກ້າວເຂົ້າສູ່ປີນີ້ຢູ່ໃນທີ່ຕັ້ງທີ່ດີພໍສົມຄວນ. ແຕ່ເຖິງແນວນັ້ນກໍ່ຕາມ, ນັກຊ່ຽວຊານຈຳນວນໜຶ່ງໄດ້ຖືຢ່າງລະມັດລະວັງວ່າ ອັດຕາສ່ວນໄພເງິນເຟີ້ຢູ່ຫຼາຍພື້ນຖານເສດຖະກິດໃຫ່ຍ ຍັງບໍ່ທັນກັບມາລະດັບເປົ້າໝາຍ 2% ເທື່ອ, ຊ້ຳບໍ່ໜຳແມ່ນມີທ່າອ່ຽງເພີ່ມຂຶ້ນຫນ້ອຍໜຶ່ງໃນຊຸມເດືອນທ້າຍປີ. ທ່ານນາງ Rebeca Grynspan, ເລຂາທິການໃຫ່ຍກອງປະຊຸມ ສປຊ ກ່ຽວກັບການຄ້າ ແລະ ພັດທະນາ  (UNCTAD), ໃຫ້ຂໍ້ສັງເກດວ່າ:

  ພື້ນຖານເສດຖະກິດທົ່ວໂລກຂອງພວກເຮົາພວມຢູ່ໃນກໍລະນີທີ່ພວກເຮົາສາມາດສິ້ນສຸດດ້ວຍຄວາມປອດໄພ ແຕ່ບາງເທື່ອອາດຈະບໍ່ແມ່ນຄືແນວນັ້ນ. ພວກເຮົາກຳລັງສິ້ນສຸດໃນສະພາບການເຕີບໂຕຕ່ຳ, ໜີ້ສິນສູງ, ການລົງທຶນອ່ອນແອ ແລະ ການຄ້າຈະແຈກກະຈາຍ.

ສະພາບການຜັນແປຂອງປະເທດ ອາເມລິກາ

  ເມື່ອຄາດຄະເນການເຕີບໂຕ GDP ທົ່ວໂລກໃນປີນີ້, OECD ມີຄວາມປະເອີບໃຈທີ່ສຸດເມື່ອຖືວ່າ ລະດັບການເຕີບໂຕອາດຈະບັນລຸລະດັບ 3.3%, ຖັດມາແມ່ນ ດ້ວຍ 3.2%.  ມີຄວາມລະມັດລະວັງກ່ວາ, ສອງທະນາຄານອັນດັບໜຶ່ງຂອງ ອາເມລິກາ ຄື Morgan Stanley ແລະ Goldman Sachs ໄດ້ຍົກອອກການຄາດຄະເນຕາມລຳດັບແມ່ນ 3% ແລະ 2.7%. ແຕ່ເຖິງແນວນັ້ນກໍ່ຕາມ, ແງ່ຫວັງມີຄວາມແຕກຕ່າງກັນຫຼາຍພໍສົມຄວນລະຫວ່າງບັນດາພາກພື້ນ. Goldman Sachs ຖືວ່າ, ອາເມລິກາ, ພື້ນຖານເສດຖະກິດໃຫ່ຍອັນດັບໜຶ່ງໃນໂລກ ຈະເຕີບໂຕ GDP ດີກ່ວາບັນດາປະເທດອື່ນ, ບັນລຸລະດັບ 2.5% ໃນປີນີ້, ເກືອບເທົ່າກັບຂໍ້ໃຫ້ສັງເກດຂອງ OECD (ຄື 2.4%). ພື້ນຖານເສດຖະກິດໃຫ່ຍອັນດັບທີ 2 ໃນໂລກແມ່ນ ຈີນ ໄດ້ຮັບການຄາດຄະເນວ່າມີການເຕີບໂຕ 4.7% ຕາມ OECD ແລະ 4.5% ຕາມ WB. ໃນຂະນະນັ້ນ, ເສດຖະກິດພາກພື້ນໃຊ້ສະກຸນເງິນເອີໂຣລວມ-Eurozone ໄດ້ຮັບການຄາດຄະເນວ່າ ໄດ້ເພີ່ມຂຶ້ນພຽງ 1.3% ເທົ່ານັ້ນ, ຍີ່ປຸ່ນ ແມ່ນ 1.5%.

   ເຖິງແນວນັ້ນກໍ່ຕາມ, ຕາມບັນດານັກສັງເກດການແລ້ວ, ການຜັນແປແມ່ນຍັງຂຶ້ນກັບ ອາເມລິກາ. ທ່ານ Seth Carpenter,  ຫົວໜ້ານັກຊ່ຽວຊານຂອງ Morgan Stanley, ໃຫ້ຂໍ້ສັງເກດວ່າ ໝາກຜົນຂອງການເລືອກຕັ້ງ ອາເມລິກາ ດ້ວຍໄຊຊະນະຂອງທ່ານ Donald Trump, ໄດ້ເປີດບັນດາການປ່ຽນແປງດ້ານນະໂຍບາຍ ດ້ວຍການກະທົບທີ່ຈະແຜ່ຂະຫຍາຍອອກສູ່ທົ່ວພື້ນຖານເສດຖະກິດທົ່ວໂລກ. ທ່ານ Joseph Stiglitz ຜູ້ຊ່ຽວຊານ ອາເມລິກາ ຊື່ງເຄີຍໄດ້ຮັບລາງວັນ  Nobel ເສດຖະກິດ ກ່າວເຕືອນວ່າ:

  ເກືອບໝົດທຸກຄົນລ້ວນແຕ່ຄິດວ່າ ການຈັດວາງພາສີອາກອນຂອງ ອາເມລິກາ ເທື່ອນີ້ແມ່ນຈະບັນລຸປະສິດທິຜົນກ່ວາເກົ່າ ຍ້ອນວ່າທ່ານ Donald Trump ໄດ້ນາບຂູ່ຈະຈັດວາພາສີສູງກ່ວາ. ທ່ານ Trump ໄດ້ເວົ້າວ່າ ທ່ານມັກການຈັດວາງພາສີ ແຕ່ຊາວ ອາເມລິກາ ພັດມີຄວາມວິຕົກກັງວົນວ່າ ສິ່ງດັ່ງກ່າວອາດຈະສ້າງການກະທົບກົງກັນຂ້າມສຳລັບພື້ນຖານເສດຖະກິດ ອາເມລິກາ.

    ຕາມທະນາຄານ Goldman Sachs ແລ້ວ, ຖ້າຫາກວ່າ ຄວາມຂາດສະຖຽນລະພາບດ້ານການຄ້າເພີ່ມຂຶ້ນໃນລະດັບສູງຄືໄລຍະ 2018-2019, GDP ຂອງ ອາເມລິກາ ອາດຈະຫລຸດລົງ 0.3%, ໃນຂະນະທີ່ Eurozone ແລະ ຈີນ ໄດ້ຫລຸດລົງເຖິງ 0.9% ແລະ 0.7%. ແຕ່ເຖິງແນວນນັ້ນກໍ່ຕາມ, ຕາມອົງການຄົ້ນຄ້ວາ Capital Economics (ອັງກິດ) ແລ້ວ, ປະຈຸບັນ, ຄວາມສ່ຽງເກີດການປະທະກັນດ້ານການຄ້າພຽງແຕ່ຢູ່ໃນລະດັບປານກາງເທົ່ານັ້ນ, ຍ້ອນບັນດາມາດຕະການໂຕ້ຕອບຈາກບັນດາປະເທດອື່ນໆ ຈະຖືກສ້າງຂຶ້ນເພື່ອຫລີກລ້ຽງເພີ່ມຄວາມເຄັ່ງຕຶງກັບ ອາເມລິກາ ເທົ່ານັ້ນ./.