(VOVWORLD) - ພ້ອມກັບປະຊາຊົນໃນທົ່ວໂລກ, ມື້ນີ້ ປະຊາຊົນໄດ້ຕ້ອນຮັບມື້ທຳອິດຂອງປີໃໝ່ 2025 ດ້ວຍຄວາມເບີກບານມ່ວນຊື່ນ ແລະ ຄວາມຫວັງຫຼາຍຢ່າງ, ໃນໂອກາດນີ້ ທາງວິທະຍຸກະຈາຍສຽງຂໍແນະນຳ ລາຍການກະຈາຍສຽງພິເສດດ້ວຍຫົວຂໍ້ : “ ຫວຽດນາມກຽມພ້ອມກ້າວກະໂດດຂັ້ນ ”,
ປີ 2025 ມີຄວາມໝາຍສຳຄັນພິເສດສຳລັບຫວຽດນາມ, ແມ່ນປີເລັ່ງລັດ, ກ້າວເກະໂດດຂັ້ນເພື່ອບັນລຸເປົ້າໝາຍ, ເປັນປີສຸດທ້າຍຂອງການປະຕິບັດແຜນການພັດທະນາເສດຖະກິດ-ສັງຄົມ 5 ປີ 2021 – 2025 ແລະ ການກະກຽມ ແລະ ປັບປຸງບັນດາປັດໄຈພື້ນຖານ, ເປັນປະຖົມປັດໄຈເພື່ອໃຫ້ປະເທດກ້າວເຂົ້າສູ່ສັງກາດໃໝ່ - ສັງກາດບຸກບືນ ຮັ່ງມີເຂັ້ມແຂງຂອງຊາດ. ຫວຽດນາມ ໄດ້ຜ່ານຜ່າພາຍຸລົມແດງ ເພື່ອກຽມພ້ອມກະໂດດຂັ້ນໃນປີ 2025.
 ທ່ານ Jensen Huang ຜູ້ອຳນວຍການ CEO ຂອງ NVIDIA ແລະ ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ເປັນສັກຂິພິຍານ ພິທີລົງນາມລະຫວ່າງສອງຝ່າຍ (ພາບ: VNA) |
“ມື້ນີ້ແມ່ນວັນສາງຕັ້ງ NVIDIA ຫວຽດນາມ ! ຂໍຂອບໃຈບັນດາທ່ານທີ່ໄດ້ຮັບຕ້ອນພວກຂ້າພະເຈົ້າມາຢາມຫວຽດນາມ ແລະ ເຮັດໃຫ້ຫວຽດນາມກາຍເປັນຊາຍຄາຂອງ NVIDIA. ມື້ນີ້ແມ່ນວັນເກີດ ຂອງພວກຂ້າພະເຈົ້າ. ຊົມເຊີຍບັນດາທ່ານມາຮ່ວມງານວັນເກີດຂອງພວກຂ້າພະເຈົ້າ.”
ນີ້ແມ່ນຄຳຖະແຫຼງຂອງຜູ້ກໍ່ຕັ້ງ ທັງເປັນຜູ້ອຳນວຍການ CEO ຂອງ NVIDIA - ບໍລິສັດທີ່ມີຄຸນຄ່າທີ່ສຸດໃນໂລກ, Jensen Huang, ເມື່ອວັນທີ 5/12, ຢູ່ຮ່າໂນ້ຍ, ເມື່ອເປັນສັກຂີພິຍານພິທີລົງນາມສ້າງຕັ້ງສູນຄົ້ນຄ້ວາ ແລະ ພັດທະນາປັນຍາປະດິດ (AI) – VRDC ພ້ອມກັບສູນຂໍ້ມູນ AI ຢູ່ຫວຽດນາມ. ຜູ້ນໍາ NVIDIA ຢືນຢັນວ່າ: "ພວກເຮົາເຊື່ອໝັ້ນວ່າ ຫວຽດນາມຈະເປັນບ້ານທີສອງຂອງ NVIDIA ແລະ ເປັນສູນກາງທີ່ໃຫຍ່ທີ່ສຸດຂອງ NVIDIA ໃນໂລກ."
NVIDIA ກໍ່ໃຫ້ຄຳໝັ້ນສັນຍາຈະຍົກຍ້າຍບັນດາໂຮງງານໃນຕ່ອງໂສ້ການສະໜອງການຜະລິດມາຍັງຫວຽດນາມ ໃນໄລຍະຈະມາເຖິງ ດ້ວຍຍອດມູນຄ່າການລົງທຶນຂອງບັນດາໂຮງງານຂຶ້ນເຖິງຫຼາຍຕື້ USD. ນີ້ແມ່ນ ການກະຕຸກຊຸກຍູ້ ທີ່ສຳຄັນທີ່ຈະຊ່ວຍໃຫ້ຫວຽດນາມ ກ້າວກະໂດດຂັ້ນທາງດ້ານເຕັກໂນໂລຊີໃນໄລຍະຈະມາເຖິງ. ທ່ານ Raymond Teh, ຮອງປະທານກຸ່ມບໍລິສັດ NVIDIA ກ່າວວ່າ:
“ສິ່ງທີ່ການນໍາ NVIDIA ເຫັນໄດ້ໃນໝູ່ປະຊາຊົນ ຫວຽດນາມ ນັ້ນແມ່ນຈິດໃຈ ແລະ ວັດທະນະທໍາ ນະວັດຕະກຳແຂງແຮງທີ່ສຸດ. ຫວຽດນາມພວມມີແຫຼ່ງຊັບພະຍາກອນມະນຸດທີ່ໜຸ່ມແໜ້ນ ມີທັກສະ ດ້ານເຕັກໂນໂລຊີຊອບແວທີ່ອຸດົມສົມບູນ. ສະນັ້ນ, NVIDIA ໝາຍໝັ້ນຈະເຮັດໃຫ້ຫວຽດນາມ ກາຍເປັນບ້ານທີສອງຂອງບໍລິສັດໃນອາຊີ. NVIDIA ຕ້ອງການລົງທຶນສ້າງສູນຄົ້ນຄ້ວາ R&D ຢູ່ຫວຽດນາມ ເພື່ອນຳໃຊ້ຄວາມສາມາດດ້ານເຕັກໂນໂລຊີ ແລະທັກສະທາງດ້ານເຕັກໂນໂລຊີຊອບແວຂອງຫວຽດນາມ.”
 ບັນດາຜູ້ແທນເຂົ້າຮ່ວມພິທີ (ພາບ: VGP) |
ກ່ອນທີ່ NVIDIA ສ້າງຕັ້ງ, ເດືອນເມສາປີ 2024, CEO Tim Cook ຂອງກຸ່ມບໍລິສັດເຕັກໂນໂລຢີ Apple (USA) ໄດ້ມາຫວຽດນາມ ແລະໃນເດືອນທັນວາ, Google ໄດ້ປະກາດວ່າ ບໍລິສັດ Google Vietnam ຈຳກັດຈະເຂົ້າສູ່ການເຄື່ອນໄຫວຢ່າງເປັນທາງການນັບແຕ່ ວັນທີ 1 1 ເມສາປີ 2025 ເປັນຕົ້ນໄປ. ທ້າຍເດືອນກັນຍາ, ບໍລິສັດ SpaceX ຂອງມະຫາເສດຖີ Elon Musk ໄດ້ປະກາດແຜນການລົງທຶນ 1,5 ຕື້ USD ຢູ່ ຫວຽດນາມ. ກຸ່ມເຕັກໂນໂລຢີ Meta ຂອງ ມະຫາເສດຖີ Mark Zuckerberg ຍັງໄດ້ອອກ ຖະແຫຼງການຫຼາຍເທື່ອກ່ຽວກັບແງ່ຫວັງການລົງທຶນ ຢູ່ຫວຽດນາມ. ທ່ານ Nick Clegg, ປະທານ ຜູ້ຮັບຜິດຊອບການພົວພັນທົ່ວໂລກຂອງກຸ່ມບໍລິສັດ Meta , ແບ່ງປັນວ່າ :
“ Meta ມີບັນດາແຜນການທີ່ເຕັມໄປດ້ວຍຄວາມຄາດຫວັງຢູ່ໃນຫວຽດນາມ. Meta ເຊື່ອໝັ້ນທີ່ສຸດຕໍ່ຫວຽດນາມ ຄືເປັນສະຖານທີ່ລົງທຶນທີ່ດີຂອງພວກຂ້າພະເຈົ້າ. Meta ປາດຖະໜາຢາກໜູນຊ່ວຍ ຫວຽດນາມ ກາຍເປັນປະເທດນຳໜ້າໃນການພັດທະນາ AI ທັງຢູ່ພາກພື້ນ ແລະ ໃນໂລກ”
Marvell, ຜູ້ອອກແບບຊິບນັບຕື້ໂດລາສະຫະລັດຂອງອາເມລິກາພວມເລັ່ງຄວາມໄວເປີດກ້ວາງການເຄື່ອນໄຫວຢູ່ຫວຽດນາມ. ທ່ານ ເລກວາງດ້າວ, ຜູ້ອຳນວຍການໃຫຍ່ບໍລິສັດ Marvell ຫວຽດນາມ ໃຫ້ຮູ້ວ່າ:
“ການສ້າງຕັ້ງຫ້ອງການ Marvell ຫວຽດນາມ ຢູ່ນະຄອນ ດ່າໜັງ ແມ່ນຂີດໝາຍສຳຄັນທຳອິດ, ເປັນສີລາລຶກທຳອິດຂອງການພັດທະນາ
ໃນອະນາຄົດ. ຄຳໝັ້ນສັນຍາຂອງ Marvell ຫວຽດນາມ ສຳລັບນະຄອນ ດ່າໜັງ ເວົ້າສະເພາະ ແລະ ຫວຽດນາມ ເວົ້າລວມ ແມ່ນການພັດທະນາ ຍາວນານ”.
ທ່ານ Dan Martin, ທີ່ປຶກສາດ້ານທຸລະກິດສາກົນ ຂອງບໍລິສັດ Dezan Shira & Associates ຕີລາຄາວ່າ :
“ ຂ້າພະເຈົ້າຖືວ່າ ບັນດາບ້ວງເງິນລົງທຶນເຫຼົ່ານີ້ຍັງສະແດງໃຫ້ເຫັນຄວາມເຊື່ອໝັ້ນໃນອະນາຄົດຂອງຫວຽດນາມ. NVIDA ສ້າງຕັ້ງສູນ R&D, Google ສ້າງຕັ້ງບໍລິສັດ, Foxconn ຂະຫຍາຍໂຮງງານ... ແມ່ນສັນຍານທີ່ສະແດງໃຫ້ເຫັນວ່າ ຫວຽດນາມ ບໍ່ພຽງແຕ່ເປັນສູນກາງການຜະລິດເທົ່ານັ້ນ, ຢູ່ແຫ່ງນີ້ພວມກາຍເປັນສູນນະວັດຕະກຳອີກດ້ວຍ”
ດ້ວຍທີ່ຕັ້ງຍຸດທະສາດໃນອາຊີຕາເວັນອອກສ່ຽງໃຕ້, ຢູ່ໃກ້ກັບຕະຫຼາດຈີນ ແລະ ອິນເດຍ ມີຄວາມສະດວກສະບາຍໃນການແລກປ່ຽນການຄ້າ; ຄວາມມີສະຖຽນລະພາບທາງດ້ານການເມືອງພ້ອມກັບຄວາມຈິງໃຈຕ້ອນຮັບຂອງບັນດາການນຳຫວຽດນາມໄດ້ຊ່ວຍໃຫ້ບັນດານັກລົງທຶນມີ ຄວາມໝັ້ນໃຈກວ່າ ເມື່ອດຳເນີນທຸລະກິດຢູ່ ຫວຽດນາມ. ພ້ອມກັນນັ້ນ, ມີນະໂຍບາຍດຶງດູດການລົງທຶນໂດຍກົງຈາກຕ່າງປະເທດ (FDI) ດ້ວຍບັນດາບຸລິມະສິດໃນຂົງເຂດເຕັກໂນໂລຊີສູງ; ຕະຫຼາດຂອງຫຼາຍກວ່າ 100 ລ້ານຄົນ, ເຕັມໄປດ້ວຍທ່າແຮງບົມ່ຊ້ອນໃນການບໍລິໂພກ ຜະລິດຕະພັນເຕັກໂນໂລຢີ; ຄວາມຕັດສິນໃຈສູງຂອງລັດຖະບານໃນການພັດທະນາເສດຖະກິດດິຈິຕອນ... ບັນດາປັດໄຈທັງໝົດເຫຼົ້ານີ້ ໄດ້ເຮັດໃຫ້ຫວຽດນາມ ກາຍເປັນທາງເລືອກຂອງບັນດາບໍລິສັດເຕັກໂນໂລຊີຍັກໃຫຍ່ໃນໂລກ.
 ທ່ານນາຍົກລັດຖະມົນຕີ ຟ້າມມິງຈິງ ຕອບຄຳຊັກຖາມໃນກອງປະຊຸມ (ພາບ: VGP) |
ຫັນປ່ຽນຈາກການເຕີບໂຕລະດັບປານກາງໄປສູ່ບາດກ້າວບຸກທະລຸຢ່າງເຂັ້ມແຂງ
ປີນີ້ ແມ່ນປີກ້າວກະໂດດຂັ້ນເພື່ອໃຫ້ ຫວຽດນາມບັນລຸບັນດາເປົ້າໝາຍພັດທະນາ. ຫວຽດນາມໄດ້ກຽມພ້ອມ ຫັນປ່ຽນຈາກການເຕີບໂຕລະດັບປານກາງ 6 – 7% ໄປສູ່ບາດກ້າວບຸກທະລຸເຂັ້ມແຂງກ່ວາ
ໃນບັນດາມາດຕະການເພື່ອມີບາດກ້າວບຸກທະລຸຕ້ອງເວົ້າເຖິງການປັບປຸງລະບອບລະບຽບການເພື່ອແນໃສ່ລະດົມບັນດາແຫຼ່ງກຳລັງທີ່ແຕກຕ່າງກກັນ, ນັບແຕ່ຢູ່ພາຍໃນປະເທດແລະຕ່າງປະເທດ ເພື່ອລົງທຶນເຂົ້າບັນດາໂຄງການທີ່ມີລັກສະນະກະໂດດຂັ້ນໃຫ້ແກ່ການພັດທະນາ. ໂດຍຕອບຄຳຊັກຖາມຂອງບັນດາສະມາຊິກສະພາແຫ່ງຊາດຢູ່ກອງປະຊຸມສະໄໝສາມັນເທື່ອທີ 8, ສະພາແຫ່ງຊາດຊຸດທີ XV, ທ່ານນາຍົກລັດຖະມົນຕີຟ້າມມິງຈິງຢັ້ງຢືນວ່າ:
“ບຸລິມະສິດໃນປັດຈຸບັນຂອງພວກເຮົາແມ່ນການເຕີບໂຕ. ເພື່ອເຕີບໂຕຕ້ອງມີແຫຼ່ງກຳລັງ. ດັ່ງນັ້ນ, ຕ້ອງແກ້ໄຂລະບອບລະບຽບການເພື່ອລະດົມທຸກແຫຼ່ງກຳລັງຂອງລັດ, ປະຊາຊົນ, ສັງຄົມ, ແຫຼ່ງກຳລັງຮ່ວມມືລະຫວ່າງພາກລັດ - ເອກະຊົນ, ແຫຼ່ງກຳລັງລົງທຶນຈາກຕ່າງປະເທດໂດຍກົງແລະທາງອ້ອມ… ພວກເຮົາຕ້ອງສຸມໃສ່ບູລະນະລະບອບລະບຽບການໃຫ້ສົມບູນແບບ”.
 ທ່ານເລຂາທິການໃຫຍ່ ໂຕເລີມ ຢູ່ກອງປະຊຸມຂອງສະພາແຫ່ງຊາດ (ພາບ: VGP) |
ທ່ານເລຂາທິການໃຫຍ່ ໂຕເລີມ ຮຽກຮ້ອງໃຫ້ປະຕິຮູບກົງຈັກລັດ “ມີຄຸນນະພາບ- ກະທັດລັດ - ເຂັ້ມແຂງ - ປະສິດທິພາບຕາມກຳລັງແຮງ - ມີປະສິດທິຜົນ - ປະສິດທິພາບ”. ນີ້ໄດ້ຮັບຖືວ່າແມ່ນການປະຕິວັດເພື່ອໃຫ້ປະເທດຫວຽດນາມບືນຕົວຂຶ້ນພັດທະນາ. ກ່ຽວກັບໜ້າທີ່ດ້ານການເມືອງສຳຄັນນີ້, ທ່ານເລຂາທິການໃຫຍ່ ໂຕເລິມເນັ້ນໜັກວ່າ:
“ຄຳຖາມໃຫຍ່ທີ່ໄດ້ຕັ້ງຂຶ້ນໃນປັດຈຸບັນແມ່ນພວກເຮົາມີທ່ວງທ່າແລະກຳລັງຢ່າງພຽງພໍ, ມີເຈດຈຳນົງແລະຄວາມຕັດສິນໃຈເພື່ອກ້າວເຂົ້າສູ່ສັງກາດໃໝ່ - ສັງກາດບຸກບືນພັດທະນາຮັ່ງມີເຂັ້ມແຂງຂອງຊາດແລ້ວບໍ່? ຄຳຕອບຂອງພວກຂ້າພະເຈົ້າແມ່ນຄົບແລ້ວ. ປັດຈຸບັນ, ໄດ້ຮອດເວລາ, ກາລະໂອກາດ, ແມ່ນຄວາມຈຳເປັນຍິ່ງ, ແມ່ນຄວາມຮຽກຮ້ອງຕ້ອງການທີ່ຈຳເປັນທີ່ສຸດແລະ ພາວະວິໄສຂອງການປະຕິວັດເພື່ອປັບປຸງກົງຈັກຂອງລະບົບການເມືອງໃຫ້ກະທັດລັດ, ເພື່ອໃຫ້ກົງຈັກມີການເຄື່ອນໄຫວຢ່າງມີປະສິດທິຜົນ, ປະສິດທິພາບ.”
ທ່ານປະທານປະເທດເລືອງເກື່ອງ, ທ່ານນາຍົກລັດຖະມົນຕີຟ້າມມິງຈິງ, ທ່ານປະທານສະພາແຫ່ງຊາດເຈິ່ນແທັງເໝິນ ແລະ ການນຳຫຼາຍທ່ານຂອງພັກ, ລັດແລະທ້ອງຖິ່ນກໍ່ລ້ວນແຕ່ມີບົດກ່າວປາໄສ, ຊີ້ນຳລະອຽດເພື່ອຊຸກຍູ້ການປະຕິຮູບລະບອບລະບຽບການ, ປັບປຸງກົງຈັກໃຫ້ກະທັດລັດແລະໝູນໃຊ້ເຕັກໂນໂລຢີດີຈີຕອນ, ເພື່ອສ້າງທ່ວງທ່າແລະກຳລັງຍູ້ໄວການຫັນປ່ຽນຂອງປະເທດຊາດ.
ຄວາມເຊື່ອໝັ້ນຕໍ່ອະນາຄົດຂອງຫວຽດນາມ
ຫວຽດນາມພວມມານະພະຍາຍາມສ້າງບາດລ້ຽວພັດທະນາຂອງຕົນໃນສັນຕິພາບ. ປ່ຽນແປງເພື່ອອະນາຄົດທີ່ດີງາມຂອງປະເທດຊາດ. ເປັນຕົ້ນແມ່ນປ່ຽນແປງວິໄສທັດ, ຄວາມຮັບຮູ້ ແລະພິເສດແມ່ນການປະຕິຮູບ, ປ່ຽນແປງໃໝ່ພັດທະນາ. ສິ່ງນີ້ໄດ້ຮັບການຕີລາຄາສູງຈາກຫາງສຽງພາຍໃນ ແລະຕ່າງປະເທດ.
“ ພື້ນຖານໂຄງລ່າງໄດ້ຮັບການປັບປຸງ, ຈຳນວນເສັ້ນທາງຄວາມໄວສູງກໍ່ມີການເຕີບໂຕໄວແລະພິເສດ, ຫວຽດນາມມີບັນດາໂຄງການໃຫຍ່ກ່ຽວກັບພື້ນຖານໂຄງລ່າງ… ສິ່ງນີ້ສະແດງໃຫ້ເຫັນລະດັບການພັດທະນາ, ການປ່ຽນແປງໃໝ່ຂອງຫວຽດນາມ. ການປະຕິບັດລະບອບລະບຽບການບໍລິຫານຂອງຫວຽດນາມກໍ່ພວມໄດ້ຮັບການປັບປຸງຢ່າງແຮງ… ນີ້ແມ່ນບັນດາຈຸດສຳຄັນທີ່ສຸດເພື່ອຮັກສາແລະຊຸກຍູ້ການເຕີບໂຕຂອງຫວຽດນາມໃນປີ 2025.”
“ຫວຽດນາມມີປະຊາກອນໜຸ່ມແລະມີຄວາມຮູ້ກ່ຽວກັບເຕັກໂນໂລຢີ. ປະຊາຄົມວິສາຫະກິດ Startup ມີຄວາມຂະຫຍັນຂັນເຄື່ອນກໍ່ຄືໄດ້ຮັບການສົ່ງເສີມຈາກລັດຖະບານ, ບັນດາກະຊວງຂະແໜງການ. ລັດຖະບານຫວຽດນາມມີຍຸດທະສາດ AI ແຫ່ງຊາດເພື່ອຊຸກຍູ້ພື້ນຖານເສດຖະກິດດີຈີຕອນ.”
ຫວຽດນາມມີຄວາມມຸ່ງຫວັງພັດທະນາຢ່າງວັດຖະນາຖາວອນ. ການຫັນປ່ຽນຂອງຫວຽດນາມເພື່ອມຸ່ງໄປເຖິງການເຕີບໂຕຢ່າງບຸກທະລຸໃນປີນີ້ ຈະຊ່ວຍຫວຽດນາມມີທີ່ຕັ້ງບົດບາດໃໝ່ ຊຶ່ງແມ່ນທີ່ຕັ້ງບົດບາດທີ່ເໝາະສົມຂອງປະເທດບົນເວທີສາກົນ.