ບົດລາຍງານຂອງ IMF ໄດ້ປະກາດໃນຂອບເຂດກອງປະຊຸມລະດູໃບໄມ້ຫຼົ່ນຂອງກອງທຶນນີ້ ແລະ ກຸ່ມທະນາຄານໂລກ (WB), ຊື່ງຈັດຂຶ້ນແຕ່ວັນທີ 21-26 ຕຸລາຢູ່ນະຄອນຫຼວງ ວໍຊິງຕັນ ປະເທດ ອາເມລິກາ. ນີ້ແມ່ນເຫດການປະຈຳປີ ເຕົ້າໂຮມບັນດາຜູ້ຊ່ຽວຊານເສດຖະກິດ-ການເງິນແຖວນໜ້າໂລກ ເພື່ອປຶກສາຫາລືບັນດາບັນຫາໃຫ່ຍຂອງເສດຖະກິດທົ່ວໂລກ.

ການຕ້ານໄພເງິນເຟີ້ໄດ້ຫລຸດຜ່ອນລົງ

    ຕາມບົດກ່າວຄຳເຫັນເປີດອາທິດຈັດກອງປະຊຸມຂອງ IMF ແລະ WB, ທ່ານນາງ Kristalina Georgieva ຜູ້ອຳນວຍການຝ່າຍບໍລິຫານ IMF, ຊີ້ແຈ້ງວ່າ ໜຶ່ງໃນບັນດາຈຸດເດັ່ນທີ່ໜ້າຊຸກຍຸ້ກ່ວາໝູ່ສຳລັບເສດຖະກິດທົ່ວໂລກ ແມ່ນການຕ້ານໄພເງິນເຟີ້ຢູ່ໃນຫຼາຍພື້ນຖານເສດຖະກິດໃຫ່ຍໃນໂລກ ບັນລຸໄດ້ໝາກຜົນທີ່ຕັ້ງໜ້າ. ຕາມບັນດາຂໍ້ມູນຕົວເລກຂອງ IMF, ຢູ່ ອາເມລິກາ, ອັດຕາສ່ວນໄພເງິນເຟີ້ໃນເດືອນກັນຍາ ໄດ້ຮັບຮູ້ໃນລະດັບ 2.4% ຊື່ງແມ່ນລະດັບຕ່ຳທີ່ສຸດນັບແຕ່ເດືອນກຸມພາ ປີ 2021. ສ່ວນຢູ່ ອັງກິດ, ອັດຕາສ່ວນໄພເງິນເຟີ້ໃນເດືອນກັນຍາ ກໍ່ຫລຸດລົງ 1.7% ເມື່ອທຽບກັບເດືອນກ່ອນ. ທ່ານ Pierre-Olivier Gourinchas, ຫົວໜ້າຜູ້ຊ່ຽວຊານເສດຖະກິດຂອງ IMF, ໃຫ້ຂໍ້ສັງເກດວ່າ:

    ການຕ້ານໄພເງິນເຟີ້ເກືອບຄືວ່າໄດ້ຮັບໄຊຊະນະແລ້ວ. ພາຍຫຼັງບັນລຸລະດັບສູງສຸດແມ່ນ 9.4% ໃນໄຕມາດທີ 3 ປີ 2022, ປະຈຸບັນແມ່ນພວມກ້າວໄປເຖິງລະດັບໄພເງິນເຟີ້ຮອບດ້ານຢູ່ໃນລະດັບ 3.5% ໃນທ້າຍປີໜ້າ. ຢູ່ເກືອບທຸກປະເທດ, ປະຈຸບັນ, ໄພເງິນເຟີ້ແມ່ນຢູ່ໃນລະດັບເປົ້າໝາຍຂອງບັນດາທະນາຄານສູນກາງ. ປະຈຸບັນ, ໄພເງິນເຟີ້ກຳລັງຫລຸດລົງ ໃນຂະນະທີ່ເສດຖະກິດທົ່ວໂລກຍັງຮັກສາໄດ້ຄວາມໝັ້ນຄົງ.

 ແຕ່ເຖິງແນວນັ້ນກໍ່ຕາມ, ຈຸດເດັ່ນໃນການຕ້ານໄພເງິນເຟີ້ ບໍ່ໄປພ້ອມກັບແງ່ຫວັງການເຕີບໂຕເສດຖະກິດ. ໃນບົດລາຍງານ, IMF ໄດ້ຮັກສາການຄາດຄະເນການເຕີບໂຕເສດຖະກິດທົ່ວໂລກປີນີ້ ແມ່ນຢູ່ໃນລະດັບ 3.2% ແຕ່ຫລຸດການຄາດຄະເນການເຕີບໂຕໃນປີໜ້າລົງ 3.2%, ຕ່ຳກ່ວາ 0.1 ຄະແນນ % ເມື່ອທຽບກັບການຄາດຄະເນກ່ອນນັ້ນ. ທ່ານນາງ Kristalina Georgieva, ຜູ້ອຳນວຍການຝ່າຍບໍລິຫານ IMF, ໃຫ້ຮູ້ວ່າ:

   ການເຕີບໂຕໃນໄລຍະກາງໄດ້ຄາດຄະເນແມ່ນບໍ່ຄ່ອຍດີ, ບໍ່ຕ່ຳກວ່າເມື່ອທຽບກັບກ່ອນເກີດໂລກລະບາດ ແຕ່ກໍ່ບໍ່ດີປານໃດ. ການເຕີບໂຕນີ້ບໍ່ພຽງພໍເພື່ອໃຫ້ໂລກສາມາດລົບລ້າງໄພອຶດຫິວທຸກຍາກໄດ້, ບໍ່ພຽງພໍເພື່ອສ້າງວຽກເຮັດງານທຳອັນຈຳເປັນ ແລະ ນຳມາເຊິ່ງແຫຼ່ງລາຍຮັບຈາກພາສີອາກອນ ຊື່ງບັນດາລັດຖະບານຕ້ອງມີ ເພື່ອໃຊ້ໜີ້ກ້ອນໃຫຍ່ ໃນຂະນະທີ່ຍັງຕ້ອງໃຊ້ຈ່າຍໃຫ້ແກ່ການລົງທຶນຫຼາຍທີ່ສຸດ ລວມທັງການຫັນເປັນສີຂຽວ.

ຄວາມສ່ຽງດ້ານພູມສາດການເມືອງ ແລະ ແຕກຫັກດ້ານການຄ້າ

  ເມື່ອເຕື້ອງເຖິງບັນດາຄວາມສ່ຽງສຳລັບແງ່ຫວັງການເຕີບໂຕເສດຖະກິດທົ່ວໂລກ, ບັນດາຜູ້ຊ່ຽວຊານເສດຖະກິດຂອງ IMF ໄດ້ຍົກອອກຄວາມສາມາດທີ່ລາຄານ້ຳມັນ ແລະ ສິນຄ້າປະເພດອື່ນ ອາດຈະເພີ່ມຂຶ້ນແບບກະທັນຫັນ ຖ້າຫາກວ່າ ການປະທະກັນຢູ່ຕາເວັນອອກກາງ ແລະ ຢູແກຼນ ແຜ່ຂະຫຍາຍອອກສູ່ວົງກວ້າງ. ທ່ານນາງ Petya, Koeva-Brooks, ຮອງຫົວໜ້າກົມຄົ້ນຄ້ວາຂອງ IMF, ຕີລາຄາວ່າ:

  ບັນດາຄວາມສ່ຽງຕົ້ນຕໍ ພາໄປເຖິງການເຕີບໂຕຫຼຸດລົງ ຊື່ງພວກຂ້າພະເຈົ້າເຫັນໄດ້ ແມ່ນການປະທະກັນດ້ານພູມສາດການເມືອງເພີ່ມຂຶ້ນ, ເພີ່ມບັນດານະໂຍບາຍອາລັກຂາການຄ້າ, ການຊຸດໂຊມຂອງຕະຫຼາດແຮງງານ ຫຼື ກັນຜັນແປຄືນໃໝ່ໃນຕະຫຼາດການເງິນ.

    ໄປຄຽງຄູ່ກັບຄວາມສ່ຽງດ້ານພູມສາດການເມືອງ, ທຶນຍັງແມ່ນໄພນາບຂູ່ໃຫ່ຍສຳລັບການເຕີບໂຕເສດຖະກິດທົ່ວໂລກ ນັບແຕ່ເກີດການປະທະກັນຢູ່ ຢູແກຼນ ເມື່ອເດືອນກຸມພາ ປີ 2022 ແລະ ການປະທະກັນຢູ່ ກາຊາ ເມື່ອເດືອນຕຸລາ ປີ 2023. ບັນດາຜູ້ຊ່ຽວຊານ IMF ໄດ້ໃສ່ໃຈເປັນພິເສດຕໍ່ໄພເກີດການຕໍ່ສູ້ດ້ານການຄ້າ ຂະນະທີ່ບັນດາພື້ນຖານເສດຖະກິດໃຫ່ຍ ເພີ່ມອາກອນສົ່ງອອກ ແລະ ບັນດາມາດຕະການໂຕ້ຕອບກັນຢ່າງແຮງ . IMF ກ່າວເຕືອນວ່າ ຖ້າຫາກວ່າ ພາກພື້ນ Eurozone ແລະ ຈີນ ຈັດວາງພາສີເພີ່ມເຕີມ 10% ໃຫ້ກັນ ແລະ ກັນ ແລະ ອາເມລິກາ ເພີ່ມອາກອນ 10% ສຳລັບປະເທດອື່ນໆໃນໂລກນັ້ນ, IMF ອາດຈະດັດປັບຫລຸດການຄາດຄະເນ GDP ທົ່ວໂລກຕື່ມອີກ 0.8% ໃນປີໜ້າ ແລະ 1.3% ໃນປີ 2026. ຄຳກ່າວເຕືອນນີ້ ກາຍເປັນໜ້າສົນໃຈກວ່າ ໃນສະພາບການທີ່ການເລືອກຕັ້ງປະທານາທິບໍດີ ອາເມລິກາ ໃນເດືອນພະຈິກ ໄດ້ຄາດວ່າ ອາດຈະສົ່ງຜົນກະທົບໃຫຍ່ຕໍ່ບັນດາການພົວພັນເສດຖະກິດໃນໂລກ, ໃນຂະນະທີ່ຜູ້ອອກສະໝັກຮັບເລືອກຕັ້ງ ທ່ານນາງ Kamala Harris ຂອງພັກປະຊາທິປະໄຕ ແລະ ທ່ານ Donald Trump ຂອງພັກສາທາລະນະ ລ້ວນແຕ່ໄດ້ປະກາດຈະປະຕິບັດການປ່ຽນແປງຫຼາຍຢ່າງກ່ຽວກັບນະໂຍບາຍເສດຖະກິດ ອາເມລິກາ.

  ເຖິງແນວນັ້ນກໍ່ຕາມ, ທ່ານນາງ Kristalina Georgieva, ຜູ້ອຳນວຍການຝ່າຍບໍລິຫານ IMF, ຖືວ່າ ອຳນາດການປົກຄອງ ອາເມລິກາ ຍາມໃດກໍ່ເດີນຕາມບັນດານະໂຍບາຍທີ່ແທດຈິງ, ດັ່ງນັ້ນ, ເຖິງວ່າໃຜຈະຂຶ້ນດຳລົງຕຳແໜ່ງປະທານາທິບໍດີກໍ່ຕາມ, ຜູ້ນັ້ນກໍ່ຈະບໍ່ສາມາດປະລະສະພາບຕົວຈິງປະຈຸບັນຂອງພື້ນຖານເສດຖະກິດທົ່ວໂລກ ແລະ ເດີນຕາມບັນດານະໂຍບາຍພຽງລຳພັງຝ່າຍດຽວໄດ້./.