ໄລຍະມໍ່ໆມານີ້, ຢູ່ຫວຽດນາມເວົ້າລວມ ແລະ ຢູ່ຮ່າໂນ້ຍເວົ້າສະເພາະ , ການເຕັ້ນລຳ Salsa ຢູ່ພາກພື້ນ ກາຣີເບ ໄດ້ກາຍເປັນການເຄື່ອນໄຫວທີ່ດຶງດູດການເຂົ້າຮ່ວມຂອງພວກເພື່ອນຫນຸ່ມຢ່າງຫຼວງຫຼາຍ. ໂດຍແມ່ນປະເພດສິລະປະທີ່ມີລັກສະນະວົງຄະນະຍາດ ສາມາດຫຼິ້ນໄດ້ຢ່າງງ່າຍດາຍ, ການເຕັ້ນລຳ Salsa ບໍ່ພຽງແຕ່ໄດ້ຮັບການຈັດຕັ້ງຂຶ້ນຢູ່ຕາມບັນດາສະໂມສອນ, ສະຖານທີ່ບັນເທິງເທົ່ານັ້ນ, ຫາກຍັງໄດ້ຖືກຈັດຕັ້ງຂຶ້ນຢູ່ຕາມທ້ອງຖະໜົນອີກດ້ວຍ.
ການເຕັ້ນລຳ Salsa ໄດ້ກາຍເປັນການເຄື່ອນໄຫວທີ່ດຶງດູດການເຂົ້າຮ່ວມຂອງພວກເພື່ອນຫນຸ່ມຫວຽດນາມຢ່າງຫຼວງຫຼາຍ
|
ເດືອນລະເທືອ່ໜຶ່ງ, ໃນເວລາ 20 ໂມງ 30 ນາທີຂອງວັນເສົາ ກາງເດືອນ, ບັນດາເພື່ອນໜຸ່ມທີ່ມາຈາກບັນດາສະໂມສອນທີ່ແຕກຕ່າງກັນຢູ່ຮ່າໂນ້ຍ ພັດເຕົ້າໂຮມກັນ ຢູ່ອະນຸສາວະລີ ຫຼີທ້າຍໂຕ. ໃຕ້ລະບົບດອກໄຟຕາມຫົນທາງ, ບັນດາຄູ່ບາວສາວໄດ້ພ້ອມກັນເຕັ້ນລຳ Salsa ຕາມຈັ່ງຫວະທຳນອງດົນຕີທີ່ໜ້າຈັບອົກຈັບໃຈ ອັນໄດ້ເປັນການບັນເທົ່າຄວາມອິດເມື່ອຍພາຍຫຼັງການເຮັດວຽກເປັນໄລຍະໜຶ່ງ. ຈຳນວນຜູ້ເຂົ້າຮ່ວມ ການເຕັ້ນລຳ Salsa ແມ່ນຂຶ້ນເຖິງນັບ ຮ້ອຍຄົນ, ເຂົາເຈົ້າແມ່ນນັກສຶກສາ, ພະນັກງານທີ່ເຮັດວຽກງານແຕກຕ່າງກັນ, ແຕ່ພັດມີຈິດໃຈຄວາມເມົາມົວຕໍ່ ການເຕັ້ນລຳ Salsa ເຊັ່ນດຽວກັນ. ເພື່ອນຟຸ່ງເຟືອງເງິນ ເປັນພະນັກງານເຮັດວຽກຢູ່ຮ່າໂນ້ຍໃຫ້ຮູ້ວ່າ :
“ ນ້ອງເຂົ້າຮ່ວມ ການເຕັ້ນລຳ Salsaໄດ້ 2 ປີແລ້ວ, ແລະ ນ້ອງເຄີຍເຂົ້າການເຄື່ອນໄຫວເຕັ້ນລຳ Salsa ຢູ່ຕາມທ້ອງຖະໜົນ, ຍ້ອນວ່າເມື່ອໄດ້ຫຼິ້ນຕໍ່ໜ້າມວນຊົນນັ້ນ, ນ້ອງຮູ້ສຶກໄດ້ສຳພັດກັບຫຼາຍຄົນ, ນັບທັງຜູ້ເຕັ້ນລຳບໍ່ເປັນ, ເພື່ອເປັນການສ້າງແຫຼ່ງອາລົມໃຫ້ແກ່ຜູ່້ເຕັ້ນລຳ”
ທ້າວ Jean Franco ນັກທຸລະກິດທີ່ມາຈາກ ອີຕາລີ ໃຫ້ຮູ້ວ່າ ລາວເຄີຍໄປໆມາໆຈາກອີຕາລີມາຫວຽດນາມ ເພາະວຽກງານເຮັດທຸລະກິດຂອງຕົນ. ແຕ່ລະເທື່ອ, ເມື່ອມາຫວຽດນາມກົງກັບໂອກາດຈັດຕັ້ງ ການເຕັ້ນລຳ Salsa ຢູ່ຕາມທ້ອງຖະໜົນ, ລາວລ້ວນແຕ່ໄປຊົມ. ທ້າວ Jean Franco ເວົ້າວ່າ :
“ ຂ້າພະເຈົ້າເຫັນວ່າການເຄຶ່ອນໄຫວນີ້ເປັນໜ້າຈັບອົກຈັບໃຈແທ້, ເຖິງວ່າເຕັ້ນລຳ Salsa ບໍ່ເປັນກໍຕາມ, ແຕ່ຂ້າພະເຈົ້າມັກມານີ້ເພື່ອຮັບຊົມພວກເພື່ອນ ເຕັ້ນລຳ Salsa” .
ນາງ Ana Flavia Pimenla Braasch ນັກທ່ອງທ່ຽວຊາວ ບຣາຊິນ ໄດ້ມີໂອກາດເຂົ້າຮ່ວມການເຕັ້ນລຳ Salsa ເມື່ອມີໂອກາດຍ່າງເລາະຫຼິ້ນຢູ່ບໍລິເວນໜອງ ຮ່ວານກ້ຽມ, ຮ່າໂນ້ຍ. ນາງ Ana Flavia Pimenla Braasch ເວົ້າວ່າ :
“ ຂ້າພະເຈົ້າໄດ້ຍ່າງຜ່ານ ແລະ ເຫັນມີຫຼາຍຄົນເຕົ້າໂຮມກັນຢູ່ນີ້, ຂ້າພະເຈົ້າໄດ້ຍ່າງເຂົ້າໃກ້ເບິ່ງວ່າ ມີເລື່ອງຫຍັງ? ແລະ ເຫັນວ່າພວກເຂົາ ພວມພ້ອມກັນເຕັ້ນລຳ Salsa. ຂ້າພະເຈົ້າສັງເກດວ່າ ນີ້ແມ່ນການເຄື່ອນໄຫວ ທີ່ຈັບໃຈ ເພາະ ການເຕັ້ນລຳ Salsa ແມ່ນມີຕົ້ນກຳເນີດມາຈາກອາເມລິກາໃຕ້ ຊຶ່ງບ້ານເກີດຂອງຂ້າພະເຈົ້າ. ເປັນໜ້າປະທັບໃຈແທ້ ເມື່ອຂ້າພະເຈົ້າມີໂອກາດໄດ້ຮັບຊົມ ແລະ ເຂົ້າຮ່ວມ ການເຕັ້ນລຳ Salsa ຢູ່ນີ້”
ສ່ວນທ້າວ ຫງວຽນແອງຕ້ວນ ປະທານສະໂມສອນ “ FA Salsa” ຊຶ່ງແມ່ນຫົວໜ່ວຍຈັດຕັ້ງ ການເຕັ້ນລຳ Salsa ຢູ່ຕາມທ້ອງຖະໜົນໃຫ້ຮູ້ວ່າ :
“ ຈຸປະສົງຂອງການເຄື່ອນໄຫວນີ້ ແມ່ນເພື່ອສ້າງການເຄື່ອນໄຫວທີ່ສົດໃສໃຫ້ແກ່ຊາວໜຸ່ມຮ່າໂນ້ຍ. ເມື່ອຈັດຕັ້ງ ການເຕັ້ນລຳ Salsa ໃນແຕ່ລະເທື່ອ, ພວກຂ້າພະເຈົ້າກໍໄດ້ສົມທົບກັບການແຜ່ບໍລິຈາກເງິນ, ສ່ວນໜຶ່ງແມ່ນເພື່ອຍົກລະດັບລະບົບເຄື່ອງການສຽງ, ທີ່ 2 ແມ່ນເພື່ອເຄື່ອນໄຫວເພື່ອການກຸສົນ. ນັບແຕ່ກ່ອນເປັນຕົ້ນມາ, ການເຄື່ອນໄຫວຂອງສະໂມສອນຍາມໃດກໍຕິດພັນກັບການເຄື່ອນໄຫວເພື່ອການກຸສົນ.”