ພາບປະກອບ: VOV

ດ້ວຍທັດສະນະ Startup ແມ່ນການເລີ່ມຕົ້ນຂອງອາຊີບ, ໃນໄລຍະຜ່ານມາ, ແຂວງ ດົ່ງທາບ ມີຄວາມໄດ້ເອົາໃຈໃສ່ເຖິງການຫັນວິວັດການ Startup ເປັນງ່າຍດາຍເພື່ອໃຫ້ປະຊາຊົນ, ພິເສດແມ່ນຊາວກະສິກອນ ອາດຈະສຳຜັດຢ່າງງ່າຍດາຍ. ຈິດໃຈ Startup ໄດ້ຮັບການແຜ່ຂະຫຍາຍໃນວົງກວ້າງ, ປະຊາຊົນໝົດທຸກຄົນແຕ່ຜູ້ມີອາຍຸສູງຕະຫລອດ ຮອດຊາວໜຸ່ມທີ່ມີຄວາມເມົາມົວປ່ຽນແປງໃໝ່ລ້ວນແຕ່ມີໂອກາດເຂົ້າຮ່ວມ ແລະ ຫັນແນວຄວາມຄິດໃຫ້ປະກົດຜົນເປັນຈິງ.

ເຖິງຢ່າງໃດກໍຕາມ, ໜຶ່ງໃນບັນດາສິ່ງທ້າທາຍໃຫຍ່ທີ່ສຸດເຊິ່ງແຂວງ ດົ່ງທາບຕ້ອງປະເຊີນໜ້າແມ່ນຈິດຕະສາດຊາວກະສິກອນຂະໜາດນ້ອຍ ຄິດງໍ້ນຳການປ່ຽນແປງມາເປັນຮູບແບບວິສາຫະກິດ. ແຕ່ເພື່ອແກ້ໄຂໄດ້ສິ່ງນັ້ນ, ທາງແຂວງ ໄດ້ປະຕິບັດການສ້າງໂຄງປະກອບກະສິກຳຄືນໃໝ່, ບຸລິມະສິດຕ້ອງປ່ຽນແປງຈິນຕະນາການໃຫຍ່ທີ່ສຸດ, ຕັດສິນໃຈເສີມຂະຫຍາຍຈາກແຫຼ່ງຊັບພະຍາກອນທຳມະຊາດທ້ອງຖິ່ນ. ທ່ານ ຟ້າມທຽນເຫງ້ຍ ປະທານຄະນະກຳມະການປະຊາຊົນແຂວງ ດົ່ງທາບ ໃຫ້ຮູ້ວ່າ:

ເພື່ອຊຸກຍູ້ຂະບວນການ Startup, ທາງແຂວງ ດົ່ງທາບ ໄດ້ສ້າງບັນດາຫົວໜ່ວຍໜູນຊ່ວຍພິເສດ, ຕົວຢ່າງຄື: ຮູບແບບສະມາຄົມຊາວກະສິກອນ ແລະ ກາເຟວິສາຫະກິດ… ນີ້ແມ່ນສະຖານທີ່ເຊື່ອມຕໍ່ບັນດາສ່ວນບຸກຄົນ, ອົງການຈັດຕັ້ງທີ່ມີແນວຄວາມຄິດປະດິດສ້າງ, ຊ່ວຍເຂົາເຈົ້າພົບປະ, ຮ່ຳຮຽນ ແລະ ແບ່ງປັນບົດຮຽນປະສົບການ Startup. ໃນ 4 ປີຜ່ານມາ, ແຂວງ ດົ່ງທາບ ມີຜະລິດຕະພັນ OCOP 620 ຢ່າງ, ຢືນຢູ່ອັນດັບທີ 3 ໃນທົ່ວປະເທດ.

ຫວຽດນາມ ພວມມີລະບົບນິເວດແຫ່ງການ Startup ທີ່ຟົດຟື້ນ ດຶງດູດການເຂົ້າຮ່ວມຂອງບັນດາວິສາຫະກິດ Startup ນະວັດຕະກຳ, ວິສາຫະກິດຂະໜາດກາງ ແລະ ໜ້ອຍ, ດຶງດູດການເຂົ້າຮ່ວມຂອງບັນດາມະຫາວິທະຍາໄລ, ສະຖາບັນການຄົ້ນຄ້ວາ, ອົງການໜູນຊ່ວຍສາກົນ… ຈິດໃຈ Startup ໄດ້ແຜ່ລາມຢູ່ຫຼາຍທ້ອງຖິ່ນຢ່າງແຮງ. ທ່ານ ບຸຍຈຸງເຫງ້ຍ ຮອງປະທານສະຫະພັນ ການຄ້າ ແລະ ອຸດສາຫະກຳ ຫວຽດນາມ ໃຫ້ຮູ້ວ່າ:

ສູ້ຊົນ ແລະ ພັດທະນາຖັນແຖວນັກທຸລະກິດໃນໄລຍະເຊື່ອມໂຍງສຳລັບບັນດາການປ່ຽນແປງໃໝ່ໃນການໜູນຊ່ວຍພັດທະນາວິສາຫະກິດ ເວົ້າລວມ ແລະ ວິສາຫະກິດ Startup ເວົ້າສະເພາະ. ຈາກຕົວຈິງຂອງທ້ອງຖິ່ນ, ຈາກປະສົບການໃນການພັດທະນາລະບົບນິເວດແຫ່ງການ Startup ຂັ້ນແຂວງ, ນະຄອນ, ພາກພື້ນພາຍໃນປະເທດ ຈົນຮອດບັນດາການເຄື່ອນໄຫວຮ່ວມມືສາກົນ, ຊຸກຍູ້ການໝູນໃຊ້ວິທະຍາສາດເຕັກໂນໂລຢີ ແລະ ນະວັດຕະກຳ ຈະບືນຕົວຂຶ້ນແຕ່ທ້ອງຖິ່ນ ອອກສູ່ໂລກ…

ລະບົບນິເວດ Startup ຢາກມີການເຄື່ອນໄຫວຢ່າງມີປະສິດທິຜົນ ຕ້ອງມີການເຂົ້າຮ່ວມຂອງທົ່ວລະບົບການເມືອງ. ທຳອິດ, ນັ້ນແມ່ນຄວາມສົນໃຈຂອງການນຳທ້ອງຖິ່ນ, ສະແດງໃຫ້ເຫັນການປະກາດໃຊ້ນະໂຍບາຍ, ສ້າງສະພາບແວດລ້ອມແຫ່ງຄວາມສະດວກ, ໜູນຊ່ວຍວິສາຫະກິດ Startup ພັດທະນາ. ຖັດຈາກນັ້ນແມ່ນປັດໄຈມະນຸດໃນບັນດາພາກສ່ວນທີ່ສ້າງຕັ້ງຂຶ້ນ (ບັນດາຝ່າຍທີ່ເຂົ້າຮ່ວມ) ລະບົບນິເວດແຫ່ງການ Startup, Startup ນະວັດຕະກຳ ຄື: ອົງການໜູນຊ່ວຍ ແລະ ພັດທະນາວິສາຫະກິດ, ບັນດາອົງການສະໜອງທຶນ, ບັນດາມະຫາວິທະຍາໄລ, ອົງການຈັດຕັ້ງບຳລຸງສ້າງ, ສອນວິຊາຊີບ, ບັນດາອົງການໃຫ້ຄຳປຶກສາ, ບັນດາວິສາຫະກິດ Startup, ວິສາຫະກິດເຕັກໂນໂລຢີ…

ນອກຈາກບັນດາການເຄື່ອນໄຫວ, ເຫດການເພື່ອຕີລາຄາຄວາມສາມາດໃນການຮ່ວມມື, ເຊື່ອມຈອດ, ແບ່ງປັນບົດຮຽນປະສົບການ, ແຫຼ່ງກຳລັງ (ເວທີປາໄສ, ກອງປະຊຸມ, ລະດົມການເຂົ້າຮ່ວມການແຂ່ງຂັນ Startup/ປູກລ້ຽງແນວຄິດ/ເຊື່ອມຕໍ່ການລົງທຶນ/ຫັນຜະລິດຕະພັນເປັນການຄ້າ ຜ່ານເຫດການ Demo Day) ກໍ່ມີຄວາມຈຳເປັນ. ທ່ານ ຟ້າມຮົ່ງກວັດ, ຫົວໜ້າກົມພັດທະນາຕະຫຼາດ ແລະ ວິສາຫະກິດ (ກະຊວງວິທະຍາສາດ ແລະ ເຕັກໂນໂລຢີ) ເນັ້ນໜັ້ກວ່າ:

Startup ນະວັດຕະກຳແມ່ນປະຖົມປັດໄຈ ແລະ ສ້າງຂີດໝາຍສຳຄັນເພື່ອປະກອບສ່ວນສ້າງຕັ້ງ, ຊຸກຍູ້ທະວີຄູນ ແລະ ພັດທະນາລະບົບນິເວດ Startup. ກະຊວງວິທະຍາສາດ ແລະ ເຕັກໂນໂລຢີ ສະໜັບສະໜູນ ແລະ ມີຄວາມຫວັງວ່າ ການເຄື່ອນໄຫວ Startup ແລະ ນະວັດຕະກຳ ຈະພັດທະນາອອກສູ່ຂອບຂະໜາດເຂດ, ພາກພື້ນເທື່ອລະກ້າວ ແລະ ເຊື່ອມຈອດກັບລະບົບນິເວດແຫ່ງຊາດ ແລະ ສາກົນ ຢ່າງແໜ້ນແຟ້ນ.

ປີ 2024, ເປັນຄັ້ງທຳອິດລະບົບນິເວດ Startup ນະວັດຕະກຳ ຂອງ ຫວຽດນາມ ຢູ່ອັນດັບທີ 56 ໃນຕາຕະລາງຈັດອັນດັບດັດຊະນີລະບົບນິເວດ Startup ທົ່ວໂລກ ຂອງສູນຄົ້ນຄ້ວາ ແລະ ສ້າງແຜນທີ່ Startup ທົ່ວໂລກ (Startup Blink). ນະຄອນ ຮ່າໂນ້ຍ ແລະ ນະຄອນ ໂຮ່ຈີມິນ ນອນໃນ top 200, ນະຄອນ ດ່ານັ້ງ ນອນໃນ top 1000 ນະຄອນ Startup ທົ່ວໂລກ.