(vovworld) - ໂດຍແມ່ນແຂວງຈຸດສຸມກ່ຽວກັບກະສີກຳແລະ ໄດ້ຮັບຄວາມເອື້ອອຳນວຍຈາກທຳມະຊາດ. ດົ່ງທາບ ມີຄວາມສາມາດບົ່ມຊ້ອນຫຼາຍຢ່າງກ່ຽວກັບການຜະລິດເຂົ້າ, ສິນໃນນ້ຳ, ໝາກໄມ້, ດອກໄມ້ ແລະ ຕົ້ນໄມ້ປະດັບ… ເພື່ອເສີມຂະຫຍາຍທ່າແຮງດັ່ງກ່າວ, ລັດຖະບານ ແລະ ກະຊວງກະສີກຳ ແລະ ພັດທະນາຊົນນະບົດ ໄດ້ເລືອກດົ່ງທາບ ແມ່ນທ້ອງຖີ່ນປະຕິບັດທົດລອງການສ້າງໂຄງປະກອບຂະແໜງກະສີກຳຄືນໃໝ່ໃນທົ່ວປະເທດເພື່ອແນໃສ່ສ້າງເງື່ອນໄຂຍູ້ແຮງວິວັດການກໍ່ສ້າງຊົນນະບົດໃໝ່ໃນທ້ອງຖີ່ນ.
ພາບປະກອບ
ຄາດໝາຍລວມຂອງແຜນຮ່າງສ້າງໂຄງປະກອບຂະແໜງກະສີກຳຢູ່ດົ່ງທາບຄືນໃໝ່ ແມ່ນເພື່ອແນໃສ່ຍົກສູງມູນຄ່າເພີ່ມ ແລະ ພັດທະນາກະສີກຳຢ່າງໝັ້ນຄົງ, ໂດຍອີງໃສ່ການຜະລິດ, ຍູ້ແຮງການຮ່ວມສຳພັນລະຫວ່າງການຜະລິດກັບຕະຫຼາດ ແລະ ການນຳໃຊ້ວິທະຍາສາດເຕັກໂນໂລຢີໃນການຜະລິດ. ເລື່ອງຜັນຂະຫຍາຍໂຄງການນີ້ກໍ່ເພື່ອແນໃສ່ສ້າງວຽກເຮັດງານທຳເປັນປົກກະຕິ, ຫັນປ່ຽນແຮງງານຢູ່ເຂດຊົນນະບົດ. ຈາກນັ້ນຊຸກຍູ້ໂຄງການກໍ່ສ້າງຊົນນະບົດໃໝ່. ບົນພື້ນຖານທ່າແຮງຂອງທ້ອງຖີ່ນ, ດົ່ງທາບກຳນົດວ່າ, ການສ້າງໂຄງປະກອບຂະແໜງກະສີກຳຕ້ອງສຸມໃສ່ບັນດາຜະລິດຕະພັນຕົ້ນຕໍເຊັ່ນ: ເຂົ້າສານ, ການລ້ຽງເປັດ, ການປູກຕົ້ນໄມ້ກິນໝາກ, ດອກໄມ້, ຕົ້ນໄມ້ປະດັບ… ເລື່ອງຈັດແບ່ງ, ຫັນປ່ຽນແຮງງານຢູ່ເຂດຊົນນະບົດ ກໍ່ແມ່ນເນື້ອໃນຈຸດສຸມເພື່ອຍູ້ແຮງໂຄງການກໍ່ສ້າງຊົນນະບົດໃໝ່. ເພື່ອປະຕິບັດຄາດໝາຍດັ່ງກ່າວ, ດົ່ງທາບ ສຸມໃສ່ຊີ້ນຳການປະຕິບັດຫຼາຍມາດຕະການຢ່າງຄົບຊຸດ, ໃນນັ້ນສຸມໃສ່ການຄຸ້ມຄອງ, ຂຸດຄົ້ນ, ນຳໃຊ້ແຫຼ່ງຊັບພະຍາກອນທີ່ດິນ ແລະ ນຳ້ເພື່ອພັດທະນາການຜະລິດ, ປຸງແຕ່ງຜະລິດຕະພັນກະເສດ, ສິນໃນນຳ ກໍ່ຄືນຳໃຊ້ເງິນລົງທຶນຂອງລັດຢ່າງມີປະສິດທິຜົນ. ທ່ານ ເລມິງຮວານ, ເລຂາຄະນະພັກແຂວງດົ່ງທາບ, ເນັ້ນໜັກວ່າ:
“ສຳລັບທ້ອງຖີ່ນ, ພວກຂ້າພະເຈົ້າກຳນົດວ່າຈະໜູນຊ່ວຍວິສາຫະກິດໃນຄວາມສາມາດ, ກຳລັງບົ່ມຊ້ອນຂອງຕົນ. ແລະ ພວກຂ້າພະເຈົ້າກໍ່ໄດ້ສະເໜີຕໍ່ລັດຖະບານ, ຖ້າຫາກບໍ່ທັນຫັນປ່ຽນກົນໄກໄດ້, ອະນຸຍາດໃຫ້ແຂວງປະຕິບັດທົດລອງການໜູນຊ່ວຍວິສາຫະກິດ ແລະ ບັນດາສະຫະກອນຈາກແຫຼ່ງງົບປະມານຂອງທ້ອງຖີ່ນ. ເພື່ອສ້າງເຂດວັດຖຸດິບ ແລະ ສ້າງຄວາມໄວ້ເນື້ອເຊື່ອໃຈລະຫວ່າງຜູ້ຜະລິດກັບວິສາຫະກິດ, ຈາກນັ້ນຮັບປະກັນການຜະລິດດຳເນີນທຸລະກິດເປັນປົກກະຕິ ແລະ ສ້າງຊິວິດອິ່ມໜຳສຳລານໃຫ້ແກ່ຊາວກະສີກອນ“.
ດົ່ງທາບ ໄດ້ກຳນົດທ່າສະດວກໃນການຜະລິດກະສີກຳ ແມ່ນກຳລັງໜູນເພື່ອພັດທະນາ, ຖືການສ້າງໂຄງປະກອບຂະແໜງກະສີກຳເປັນຈຸດສຸມໃນການສ້າງໂຄງປະກອບເສດຖະກິດລວມຂອງແຂວງ. ວິວັດການສ້າງໂຄງປະກອບກະສີກຳໃໝ່, ແມ່ນມີການສົມທົບກັນຢ່າງກົມກຽວລະຫວ່າງຄວາມຕ້ອງການຂອງຕະຫຼາດ ແລະ ບົດບາດພັດທະນາຂອງລັດ, ເພື່ອແນໃສ່ຍົກສູງຄຸນນະພາບ, ປະສິດທິຜົນຂອງການຜະລິດດຳເນີນທຸລະກິດກະສີກຳ ຕິດພັນກັບການປ່ຽນໃໝ່ຮູບແບບຊົນນະບົດໃໝ່. ຍ້ອນເຫດນັ້ນ, ແຜນຮ່າງສ້າງໂຄງປະກອບກະສີກຄືນໃໝ່ຳຈະໜູນຊ່ວຍໃຫ້ແກ່ການຈັດຕັ້ງການຜະລິດກະສີກຳຢ່າງຕັ້ງໜ້າ, ນຳໃຊ້ເຕັກໂນໂລຢີທີ່ກ້າວໜ້າ, ສ້າງເຄື່ອງໝາຍການຄ້າ, ດ້ວຍບັນດາຄຸນຄ່າຂອງພື້ນຖານ “ກະສີກຳຂຽວ“ ປົກປັກຮັກສາສິ່ງແວດລ້ອມ ແລະ ມຸ່ງໄປເຖິງການເຕີບໂຕຢ່າງໝັ້ນຄົງ. ປ້າ ເຈິ່ນທິທ໋າຍ, ຮອງປະທານຄະນະກຳມະການປະຊາຊົນແຂວງດົ່ງທາບ, ໃຫ້ຮູ້ວ່າ:
“ບັນດາຜະລິດຕະພັນກະສີກຳຕົ້ນຕໍໃນໄລຍະຜ່ານມາແມ່ນເຂົ້າ ແລະ ປາ, ຜະລິດຕະພັນສົ່ງອອກບໍ່ທັນໄດ້ຮັບການປຸງແຕ່ງ, ການຫີບຫໍ່ກໍ່ບໍ່ງາມ, ບໍ່ສ້າງຜົນປະໂຫຍດໄດ້ຫຼາບເທື່ອ. ຍ້ອນເຫດນັ້ນ, ການພັດທະນາເສດຖະກິດສັງຄົມໄລຍະຈະມາເຖິງ ແມ່ນຕ້ອງຄິດໄລ່ເຖິງການລົງເລິກອຸດສາຫະກຳໜູນຊ່ວຍກະສີກຳ ແລະ ພັດທະນາກະສີກຳ“.
ມຸ່ງໄປເຖິງຈຸດໝາຍກໍ່ສ້າງຊົນນະບົດໃໝ່. ດົ່ງທາງ ກໍ່ມີແຜນນະໂຍບາຍສ້າງໂຄງປະກອບຂະແໜງກະສີກຳຕິດພັນກັບການໜູນຊ່ວຍຕາແສງຕ່າງໆປັບປຸງບັນດາມາດຖານກໍ່ສ້າງຊົນນະບົດໃໝ່ຄື: ກໍ່ສ້າງຮູບແບບກະສີກຳຊີວະພາບ, ກະສີກຳເຕັກໂນໂລຢີສູງ; ເອົາໃຈໃສ່ເປັນພິເສດເຖິງເຖິງບົດບາດກຳນົດທິດທາງຕະຫຼາດ, ຕີລາຄາກ່ຽວກັບສິ່ງແວດລ້ອມ. ຕາມທິດທາງນີ້, ດົ່ງທາບ ສາມາດລະດົມແຫຼ່ງທຶນໄດ້ເກືອບ 1000 ຕື້ດົ່ງ ເພື່ອຜັນຂະຫຍາຍໂຄງການ “ທົ່ງນາຂະໜາດໃຫຍ່ຕາມຮູບແບບຮ່ວມສຳພັນ “. ໂຄງການໄດ້ຮັບການຜັນຂະຫຍາຍໃນເນື້ອທີ 21.000 ເຮັກຕາ ຢູ່ບັນດາເມືອງ: ເຕິນຮົ່ງ, ຕາມນົງ, ແທງບິ່ງ, ທາບເມື່ອຍ, ກາວແລງ, ລາຍວຸງ ແລະ ເລິບວໍ່, ແຂວງດົ່ງທາບ.
ຜັນຂະຫຍາຍແຜນຮ່າງສ້າງໂຄງປະກອບຂະແໜງກະສີກຳຄືນໃໝ່, ດົ່ງທາບ ພວມສູ້ຊົນບັນລຸລະດັບເຕີບໂຕກະສີກໃຫ້ໄດ້ຳແຕ່ 4,5%-5% ໄລຍະ 2016-2020. ໃນນັ້ນມີ 50% ຈຳນວນຕາແສງບັນລຸມາດຖານກໍ່ສ້າງຊົນນະບົດໃໝ່ໂດຍພື້ນຖານ ແລະ ຫຼຸດຜ່ອນອັນຕາຄອບຄົວທຸກຍາກລົງ 2%/ປີ.