TPP- ກາລະໂອກາດ ແລະ ສິ່ງທ້າທາຍສຳລັບຫວຽດນາມ

To Tuan -

ວັນຈັນ ທີ 23 ກັນຍາ ຄ.ສ. 2013 | 16:09:17

(vovworld),vov, ສັນຍາຄູ່ຮ່ວມມືເສດຖະກິດຍຸດທະສາດເຂດປາຊີຟີກ(TPP)- ຂໍ້ຕົກລົງດ້ານການຄ້າເສລີລະຫວ່າງບັນດາພື້ນຖານເສດຖະກິດພາກພື້ນ ອາຊີ ປາຊີຟີກ ພວມກ້າວເຂົ້າບັນດາຮອບເຈລະຈາສຸດທ້າຍ. ເລື່ອງຫວຽດນາມເຂົ້າຮ່ວມສັນຍານີ້ ຈະນຳພື້ນຖານເສດຖະກິດເຊື່ອມໂຍງຢ່າງເລິກເຊິ່ງ ແລະ ກວ້າງຂວາງກວ່າ, ພ້ອມທັງເປີດທ່າໄດ້ປຽບຫລາຍຢ່າງໃຫ້ແກ່ການລົງທຶນ, ການສົ່ງອອກ. ເຖິງວ່າໄດ້ມີກາລະໂອກາດແລ້ວ, ແຕ່ເມື່ອເຂົ້າຮ່ວມສັນຍາ TPP, ຫວຽດນາມ ຍັງຕ້ອງປະເຊີນຫນ້າກັບສິ່ງທ້າທາຍໃຫມ່ຫລາຍຢ່າງ.
ສັນຍາຄູ່ຮ່ວມມືເສດຖະກິດຍຸດທະສາດເຂດປາຊີຟີກ(TPP) ຈະເຊື່ອມຕໍ່ບັນດາພື້ນຖານເສດຖະກິດສຳຄັນກວ່າໝູ່ຢູ່ເຂດ ປາຊີຟີກ ດ້ວຍພົນລະເມືອງກວ່າ 792 ລ້ານຄົນນຳກັນ, ປະກອບເກືອບ 40% ຍອດຜະລິດຕະພັນພາຍໃນ(GDP) ຂອງທ່ົວໂລກ ແລະ ກວມເອົາປະມານ 1/3 ວົງເງິນການຄ້າທົ່ວໂລກ. ມາຮອດປະຈຸບັນ, TPP ໄດ້ເຕົ້າໂຮມ 12 ປະເທດສະມາຊິກທີ່ເຂົ້າຮ່ວມການເຈລະຈາ, ໃນນັ້ນ ມີຫລາຍພື້ນຖານເສດຖະກິດໃຫຍ່ຄື: ອາເມລິກາ, ການາດາ, ເມຊີໂກ, ອົດສະຕາລີ, ຈີເລ… ຫວ່າງແລ້ວນີ້, ຍີ່ປຸ່ນ ໄດ້ເຂົ້າຮ່ວມການເຈລະຈາຢ່າງເປັນທາງການ ອັນໄດ້ປະກອບສ່ວນຍົກສູງລະດັບຜົນສະທ້ອນຂອງ TPP. ຖ້າຫາກໄດ້ຮັບການສ້າງຂຶ້ນ, TPP ຈະກາຍເປັນເຂດການຄ້າໃຫຍ່ສຸດຂອງໂລກ. ມາຮອດປະຈຸບັນ, ທຸກປະເທດສະມາຊິກທີ່ເຂົ້າຮ່ວມ TPP ໄດ້ເຈລະຈາແລ້ວ ແລະ ກ້າວໄປເຖິງຄວາມເປັນເອກະພາບຫລາຍເນື້ອໃນຕົ້ນຕໍຄື: ຊັບສິນທາງປັນຍາ, ບັນດາມາດຕະການຫລັກອະນາໄມ, ຮົ້ວກີດຂວາງດ້ານເຕັກນິກໃນການຄ້າ, ໂທລະຄົມມະນາຄົມ ແລະ ການຄ້າເອເລັກໂຕນິກ, ບໍລິການ, ການລົງທຶນ… ຈຸດພົ້ນເດັ່ນຂອງ TPP ນັ້ນແມ່ນລັກສະນະແກ້ງແຍ້ງຢ່າງສະເຫມີພາບໃນບັນດາການເຄື່ອນໄຫວດ້ານການຄ້າ, ພາສີນຳເຂົ້າໄດ້ຮັບການຍົກເລີກ. ສຳລັບຫວຽດນາມແລ້ວ, ຊື່ງແມ່ນປະເທດພວມພັດທະນາເມື່ອເຂົ້າຮ່ວມ TPP, ສັນຍານີ້ໄດ້ສ້າງກາລະໂອກາດໃຫຍ່ໃຫ້ແກ່ການຜະລິດ, ດຳເນີນທຸລະກິດ, ການຄ້າ, ການລົງທຶນເພື່ອພັດທະນາເສດຖະກິດ,ສັງຄົມ. ດຣ ຫວໍຈິແທ່ງ, ຮອງຫົວຫນ້າສະຖາບັນຄຸ້ມຄອງເສດຖະກິດສູນກາງໃຫ້ຮູ້ວ່າ:

“TPP ໄດ້ນຳມາເຊິ່ງກາລະໂອກາດໃຫຍ່ກ່ຽວກັບການສົ່ງອອກ, ພິເສດແມ່ນຂົງເຂດສົ່ງອອກຊື່ງຫວຽດນາມມີທ່າໄດ້ປຽບຄື: ຕຳ່ແຜ່ນຕັດຫຍິບ, ບໍລິການ, ການລົງທຶນອື່ນ. ພ້ອມກັນນັ້ນ ຫວຽດນາມ ກໍມີເງື່ອນໄຂເຊື່ອມຕໍ່ກັບບັນດາຄູ່ຮ່ວມມືໃຫຍ່, ຕະຫລາດໃຫຍ່ ບໍ່ພຽງແຕ່ກ່ຽວກັບດ້ານທຶນຮອນເທົ່ານັ້ນ ຫາກຍັງແມ່ນຄວາມສາມາດບົ່ມຊ້ອນດ້ານເຕັກໂນໂລຊີອີກດ້ວຍ. ນີ້ແມ່ນຄວາມຈຳເປັນທີ່ສຸດເພື່ອໃຫ້ຫວຽດນາມ ພັດທະນາ. ຄຽງຄູ່ກັນນັ້ນ ວິວັດການເຂົ້າຮ່ວມ TPP ຍັງ ເໝາະສົມຫລາຍຢ່າງກັບການປະຕິຮູບ, ການປ່ຽນໃຫ່ມຮູບແບບການເຕີບໂຕເສດຖະກິດຂອງຫວຽດນາມ, ດັ່ງນັ້ນຮຽກຮ້ອງໃຫ້ມີຫລາຍນະໂຍບາຍ. ເພາະສະນັ້ນ ມັນກໍໄດ້ປະກອບສ່ວນຊຸກຍູ້ຫວຽດນາມດຳເນີນກິດຈະການປະຕິຮູບໃຫ້ສອດຄ່ອງກັບຄວາມຮຽກຮ້ອງຕ້ອງການຂອງ TPP”

ຫນຶ່ງໃນບັນດາຂະແຫນງມີຜົນປະໂຫຍດຫລາຍສຸດເມື່ອເຂົ້າຮ່ວມ TPP ແມ່ນຂະແຫນງຕຳ່ແຜ່ນຕັດຫຍິບ. ປະຈຸບັນ ຂະແຫນງຕຳ່ແຜ່ນຕັດຫຍິບແມ່ນຂະແຫນງເສດຖະກິດສົ່ງອອກປາຍແຫລມຂອງຫວຽດນາມ. ປີ 2012, ຍອດວົງເງິນສົ່ງອອກເຄື່ອງຕຳ່ແຜ່ນຕັດຫຍິບບັນລຸກວ່າ 15 ຕື້ USD. ປະຈຸບັນ ຕະຫລາດອາເມລິກາ ພວມກວມເອົາ 50% ເຄື່ອງຕຳ່ແຜ່ນສົ່ງອອກຂອງຫວຽດນາມ, ແຕ່ອັດຕາພາສີສິນຄ້ານຳເຂົ້າຕະຫລາດນີ້ສູງພໍສົມຄວນ, ສະເລ່ຍ ແມ່ນ 17,5%. ຖ້າຫາກ TPP ໄດ້ຮັບການລົງນາມ, ອັດຕາພາສີຈະກັບຄືນລະດັບ 0%. ນີ້ແມ່ນປັດໄຈສຳຄັນເພື່ອໃຫ້ຂະແຫນງຕຳ່ແຜ່ນຕັດຫຍິບຫວຽດນາມ ເປີດກວ້າງການສົ່ງອອກເຂົ້າບັນດາປະເທດສະມາຊິກກວ່າອີກ. ປະສິດທິຜົນດ້ານເສດຖະກິດຊຶ່ງ TPP ນຳມາໃຫ້ ບໍ່ພຽງແຕ່ໃນຂະແຫນງຂາອອກຂາເຂົ້າເທົ່ານັ້ນ ຫາກຍັງແມ່ນກາລະໂອກາດດຶງດູດການລົງທຶນ, ຄວາມສາມາດສົມທົບ, ຮ່ວມສຳພັນ, ຮ່ວມທຸລະກິດລະຫວ່າງວິສາຫະກິດພາຍໃນປະເທດ ແລະ ວິສາຫະກິດຕ່າງປະເທດ ເພ່ືອດຶງດູດແຫລ່ງທຶນຜະລິດດຳເນີນທຸລະກິດ, ເປັນຕົ້ນແມ່ນພັດທະນາບັນດາຂະແຫນງອຸດສາຫະກຳສຳຮອງ. ກ່ຽວກັບລະບອບນະໂຍບາຍ, TPP ຈະສ້າງສິ່ງແວດລ້ອມດຳເນີນທຸລະກິດຢ່າງໂປ່ງໃສກວ່າ ໂດຍອີງໃສ່ຫລັກການສະເຫມີພາບລະຫວ່າງລັດວິສາຫະກິດ, ວິສາຫະກິດພາກເອກະຊົນ, ວິສາຫະກິດຕ່າງປະເທດ, ສະນັ້ນ ຈຶ່ງມີລັກສະນະແກ້ງແຍ້ງກວ່າ, ປະສິດທິຜົນກວ່າ. ດ້ວຍການເຂົ້າຮ່ວມສັນຍານີ້, ຫວຽດນາມ ມີກາລະໂອກາດສຳພັດກັບຕະຫລາດທີ່ກວມເອົາ 70% ຍອດວົງເງິນສົ່ງອອກຂອງຫວຽດນາມ. ບໍ່ພຽງແຕ່ສຳພັດກັບຕະຫລາດເທົ່ານັ້ນ ຫາກບັນດາວິສາຫະກິດ ຫວຽດນາມ ຍັງມີກາລະໂອກາດເຂົ້າຮ່ວມການຜະລິດ ລະຫວ່າງບັນດາປະເທດນອນໃນສັນຍາ ແລະ ບັນດາວິສາຫະກິດນອກພາກພື້ນອີກດ້ວຍ, ຈາກນັ້ນ ສ້າງລະບົບມູນຄ່າເພີ່ມສູງກວ່າ ແລະ ນັບມື້ນັບໄດ້ຊົມໃຊ້ ຫລາຍກວ່າ.

TPP- ກາລະໂອກາດ ແລະ ສິ່ງທ້າທາຍສຳລັບຫວຽດນາມ - ảnh 1

ເຖິງຢ່າງໃດກໍຕາມ, ຄຽງຄູ່ກັບບັນດາກາລະໂອກາດ, TPP ກໍນຳມາເຊິ່ງບັນດາສິ່ງທ້າທາຍບໍ່ແມ່ນຫນ້ອຍ. ສິ່ງທ້າທາຍໃຫຍ່ສຸດທີ່ກ່ຽວຂ້ອງເຖິງວິວັດການປະຕິຮູບເສດຖະກິດ, ໃນນັ້ນ ມີບັນຫາກ່ຽວຂ້ອງເຖິງນິຕິກຳ, ວິທີການປະຕິບັດນະໂຍບາຍກົດໝາຍ, ວິທີການຈັດຕັ້ງກົງຈັກໃຫ້ສອດຄ່ອງ ເພື່ອສ້າງສະພາບແວດລ້ອມແຫ່ງການດຳເນີນທຸລະກິດ, ແກ້ງແຍ້ງຢ່າງສະເຫມີພາບ. ສິ່ງທ້າທາຍທີສອງ ນັ້ນແມ່ນຍົກສູງຄວາມຮັບຮູ້, ຄວາມເຂົ້າໃຈຂອງບັນດາອົງການ, ເປັນຕົ້ນແມ່ນບັນດາວິສາຫະກິດໃນການສຳພັດກັບ TPP. ບັນດາວິສາຫະກິດຕ້ອງຍອມຮັບກຳລັງດັນຈາກການແກ້ງແຍ້ງໃນ TPP ເມື່ອມີສະພາບແວດລ້ອມໃຫມ່ ແລະ ບໍ່ມີຮົ້ວກີດຂວາງດ້ານພາສີອີກ. ທ່ານນາງ ຫງວຽນທິທູຈາງ, ຜູ້ອຳນວຍການສູນ WTO ຂຶ້ນກັບຫ້ອງການການຄ້າ ແລະ ອຸດສາຫະກຳ ຫວຽດນາມ (VCCI) ຖືວ່າ:

“ມີວິສາຫະກິດຫລາຍແຫ່ງເຫັນໄດ້ວ່າ TPP ນຳມາເຊິ່ງກາລະໂອກາດໃຫຍ່ກ່ຽວກັບການສົ່ງອອກ, ເມື່ອໄດ້ຮັບພາສີບຸລິມະສິດໃນ TPP ແມ່ນ 0%. ແຕ່ເພ່ືອໄດ້ຊົມໃຊ້ບຸລິມະສິດນັ້ນ ຍັງມີເງື່ອນໄຂຫລາຍຢ່າງຕິດພ້ອມອີກ:ຕົວຢ່າງຄື: ຕົ້ນກຳເນີດຂອງສິນຄ້າ, ຢາກເຮັດໄດ້ຄືແນວນັ້ນ ປ່ຽນໃຫມ່ວິທີການຜະລິດ, ປ່ຽນແປງການເກັບຊື້ວັດຖຸດິບ. ຕ້ອງພິສູດໃຫ້ເຫັນວ່າ ວັດຖຸດິບນັ້ນແມ່ນຜະລິດຢູ່ໃສ, ຄືແນວໃດ ແລະ ສ່ົງໄປຂາຍຢູ່ໃສ. ”

ເລີ່ມຕົ້ນການເຈລະຈາ TPP ນັບແຕ່ເດືອນ 10/2010 ມາຮອດປະຈຸບັນ, ຫວຽດນາມ ໄດ້ຜ່ານ 18 ຮອບເຈລະຈາແລ້ວ. ກໍຄືການເຂົ້າຮ່ວມສັນຍາອື່ນ, ເມື່ອເຂົ້າຮ່ວມສັນຍາ TPP ຫວຽດນາມ ຈະເຫັນໄດ້ຄວາມສະດວກ ສິ່ງທ້າທາຍໃນການເຈລະຈາ, ເປັນຕົ້ນເມື່ອ TPP ບໍ່ມີກົນໄກພິເສດສຳລັບບັນດາພື້ນຖານເສດຖະກິດພວມຢູ່ໃນລະດັບພັດທະນາຕ່າງກັນ.

To Tuan