ແຂກທ່ອງທ່ຽວສາກົນຢູ່ ອ່າວຮະລອງ, ກ໋ວາງນິງ (ພາບ: TTXVN)

ການທ່ອງທ່ຽວດ້ວຍກຳປັ່ນ ຢູ່ກ໋ວາງນິງມີຄວາມຟົດຟື້ນເມື່ອໄດ້ຕ້ອນຮັບກຳປັ່ນສຳລານ ຂອງຫຼາຍບໍລິສັດກຳປັ່ນໃຫຍ່ໃນທົ່ວໂລກ ມາທ່ອງທ່ຽວ ແລະ ລົງຕິວຈິງ. ໃນວັນທີ 12 ພະຈິກ, ກ໋ວາງນິງໄດ້ຕ້ອນຮັບກຳປັ່ນທ່ອງທ່ຽວ 2 ລຳ ພ້ອມກັບແຂກທ່ອງທ່ຽວ ເອີລົບ - ອາເມລິກາ ກ່ວາ 4.700 ຄົນ ມາທ່ຽວອ່າວຮະລອງ. ກ່ອນໜ້ານັ້ນ, ກ໋ວາງນິງກໍ່ໄດ້ຕ້ອນຮັບແຂກທ່ອງທ່ຽວສາກົນຜູ້ທີ 3 ລ້ານມາທ່ຽວອ່າວຮະລອງບົນເສັ້ນທາງການເດີນເຮືອລຽບຕາມອາຊີ.

ດ້ວຍທີ່ຕັ້ງພູມີສາດແມ່ນສະຖານທີ່ທ່ອງທ່ຽວໃກ້ທີ່ສຸດສຳລັບຕະຫຼາດທ່ອງທ່ຽວ ອາຊີເໜືອຄື: ໄຕ້ຫວັນ (ຈີນ), ສ.ເກົາຫຼີ, ຍີ່ປຸ່ນ ໂດຍແມ່ນສະຖານທີ່ທີ່ມີຫຼາຍບໍລິສັດກຳປັ່ນສາກົນມາຂຸດຄົ້ນເພື່ອຮັບໃຊ້ແຂກທ່ອງທ່ຽວ, ກ໋ວາງນິງໄດ້ໂຄສະນາເຜີຍແຜ່ທ່າໄດ້ປຽບທາງດ້ານພື້ນຖານໂຄງລ່າງຢ່າງຄົບຊຸດ, ມີຄວາມສະດວກພ້ອມກັບທິວທັດທຳມະຊາດທີ່ພົ້ນເດັ່ນ ແລະ ເຂັ້ມຂຸ້ນໄປດ້ວຍວັດທະນະທຳທ້ອງຖິ່ນ ເພື່ອດຶງດູດບັນດາບໍລິສັດກຳປັ່ນທະເລເຂົ້າທຽບທ່າ. ຄາດວ່າ, ຮອດເດືອນເມສາ 2025 ຈະມີກຳປັ່ນປະມານ 60 ລຳໂດນສານສົ່ງແຂກທ່ອງທ່ຽວກ່ວາ 100.000 ເທື່ອຄົນມາກ໋ວາງນິງ. ບັນດາກຳປັ່ນທ່ອງທ່ຽວພວມປະກອບສ່ວນ ສຳຄັນຊ່ວຍກ໋ວາງນິງປະຕິບັດສຳເລັດເປົ້າໝາຍຂອງປີ 2024 ດ້ວຍແຂກທ່ອງທ່ຽວ 19 ລ້ານເທື່ອຄົນ, ໃນນັ້ນມີ ແຂກທ່ອງທ່ຽວສາກົນ 3,5 ລ້ານເທື່ອຄົນ.