ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ຫງວຽນຮົ່ງຢຽນ ກ່າວຄຳເຫັນທີ່ພິທີ (ພາບ: tapchicongthuong.vn)

ນັບແຕ່ເມື່ອດຳເນີນບັ້ນຂົນຂວາຍມາຮອດປັດຈຸບັນ, ລະດັບການຈໍລະຈອນສິນຄ້າຂາຍຍ່ອຍ ແລະ ການບໍລິການສືບຕໍ່ບັນລຸໄດ້ລະດັບການເຕີບໂຕປະມານ 10% ເມື່ອທຽບໃສ່ປີກ່ອນ; ສິນຄ້າ ຫວຽດນາມ ຢູ່ບັນດາຊ່ອງທາງຈຳໜ່າຍກວມເອົາອັດຕາສ່ວນສູງພໍສົມຄວນ, ກວ່າ 80% ຢູ່ຮ້ານຊັບພະສິນຄ້າແຫ່ງຕ່າງໆ; ແຕ່ 60% ຂຶ້ນໄປຢູ່ບັນດາຊ່ອງທາງຂາຍຍ່ອຍແບບເດີມ. ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ຫງວຽນຮົ່ງຢຽນ ໃຫ້ຂໍ້ສັງເກດວ່າ:

“15 ປີຜ່ານມາ, ກະຊວງອຸດສາຫະກຳ ແລະ ການຄ້າຍາມໃດກໍປະຕິບັດຕາມບັນດາແຜນນະໂຍບາຍ, ຄຳຊີ້ນຳຂອງຄະນະຊີ້ນຳສູນກາງ ບັ້ນຂົນຂວາຍເພື່ອເປັນເຈົ້າການສົມທົບກັບບັນດາຄະນະ, ຂະແໜງການ, ກະຊວງ, ອົງການຈັດຕັ້ງມະຫາຊົນຂັ້ນສູນກາງ ແລະ ທ້ອງຖິ່ນ ຜັນຂະຫຍາຍປະຕິບັດບັນດາການເຄື່ອນໄຫວທີ່ແທດຈິງ, ມີປະສິດທິຜົນໃນທຸກດ້ານ, ຍູ້ແຮງບັນດາການເຄື່ອນໄຫວກະຕຸ້ນຄວາມຕ້ອງການບໍລິໂພກ, ສົ່ງເສີມການຄ້າ, ເຊື່ອມຕໍ່ຜູ້ສະໜອງກັບຜູ້ຕ້ອງການບໍລິໂພກສິນຄ້າ; ຂຸດຄົ້ນບັນດາຮູບແບບການຄ້າ, ຕະຫຼາດຕ່າງໆຢ່າງມີປະສິດທິຜົນ; ຖືເປັນສຳຄັນການພັດທະນາ, ການຄ້າເອເລັກໂຕນິກ, ລະບົບຈຳໜ່າຍ, ການຂາຍຍ່ອຍ, ໂດຍສະເພາະແມ່ນຢູ່ເຂດຫ່າງໄກສອກຫຼີກ, ເຂດຊົນນະບົດ; ພ້ອມທັງໜູນຊ່ວຍວິສາຫະກິດ ຫວຽດນາມ ເຂົ້າຮ່ວມລະບົບການຜະລິດ ແລະ ສະໜອງທົ່ວໂລກຢ່າງເລິກເຊິ່ງກວ່າ”.

ກ່າວຄຳເຫັນທີ່ເຫດການ, ທ່ານຮອງນາຍົກລັດຖະມົນຕີ ຫວຽດນາມ ເລແທັ່ງລອງ ສະເໜີໃຫ້ສືບຕໍ່ໂຄສະນາເຜີຍແຜ່ກ່ຽວກັບບັ້ນຂົນຂວາຍ, ເພື່ອແນໃສ່ປຸກລຸກນ້ຳໃຈຮັກຊາດ, ເຈດນຳນົງສ້າງຄວາມເຂັ້ມແຂງດ້ວຍຕົນເອງ, ພູມປັນຍາ, ຄຸນທາດ, ຄວາມຮັບຜິດຊອບ, ຄວາມຄາດຫວັງບືນຕົວຂຶ້ນຂອງຊາວ ຫວຽດນາມ ໃນການຜະລິດ, ດຳເນີນທຸລະກິດ, ໂຄສະນາ ແລະ ຊົມໃຊ້ສິນຄ້າ ຫວຽນາມ.