ការផ្តោតសំខាន់នៃកិច្ចប្រជុំទាំងនេះ គឺដើម្បីពិភាក្សាអំពីការត្រៀមរៀបចំសម្រាប់ កិច្ចប្រជុំកំពូលអាស៊ានលើកទី៤៤ និងទី៤៥ និងកិច្ចប្រជុំកំពូលពាក់ព័ន្ធដែលនឹង ប្រព្រឹត្តទៅចាប់ពីថ្ងៃទី ៨ ដល់ថ្ងៃទី ១១ ខែតុលា នៅទីក្រុងវៀងច័ន្ទ ប្រទេសឡាវ។
អនុរដ្ឋមន្ត្រីការបរទេស លោក Do Hung Viet ប្រធាន SOM អាស៊ានវៀតណាម។
(រូបថត៖ TTXVN)
ក្នុងបណ្ដាកិច្ចប្រជុំ អនុរដ្ឋមន្ត្រីការបរទេសវៀតណាម លោក Do Hung Viet បានអះអាងថា វៀតណាមជួយគាំទ្រឡាវក្នុងការបំពេញដ៏ភារកិច្ចសំខាន់នេះ; ទន្ទឹមនឹង នោះ លោកបានបញ្ជាក់ថា វៀតណាមគាំទ្រទីម័រឡេស្តេ ក្លាយជាសមាជិកពេញសិទ្ធិ របស់អាស៊ាន និងត្រៀមខ្លួនជាស្រេចចែករំលែកបទពិសោធន៍របស់វៀតណាមក្នុង ដំណើរការរៀបចំចូលជាសមាជិកអាស៊ានមុននេះ; សង្កត់ធ្ងន់ថា អាស៊ានចាំបាច់ត្រូវ គាំទ្រ បង្កើតលក្ខខណ្ឌ និងសម្រួលដល់នីតិវិធី និងបែបបទទាក់ទងនឹងការចូលជា សមាជិកអាស៊ានសម្រាប់ទីម័រឡេស្តេ។
ស្វាគមន៍ចំពោះកិច្ចខិតខំប្រឹងប្រែងធ្វើឱ្យស៊ីជម្រៅកិច្ចសហប្រតិបត្តិការអាស៊ាន+៣ និង EAS លោកអនុរដ្ឋមន្ត្រី Do Hung Viet បានស្នើឱ្យដៃគូនានាបន្តគាំទ្រអាស៊ាន ក្នុងការកសាងសហគមន៍ កិច្ចសហប្រតិបត្តិការជាក់ស្តែងដើម្បីលើកកម្ពស់ការតភ្ជាប់ និងភាពខ្លួនទីពឹងខ្លួនក្នុងតំបន់ ឆ្លៀតយកនិន្នាការថ្មីទាក់ទងនឹងនវានុវត្តន៍ សេដ្ឋកិច្ច ឌីជីថល បរិវត្តកម្មជីឌីថល បរិវត្តកម្មបៃតងប្រកបដោយប្រសិទ្ធភាព។ អំពីស្ថានភាព អន្តរជាតិ និងតំបន់ លោកអនុរដ្ឋមន្ត្រី Do Hung Viet បានស្នើឱ្យដៃគូគាំទ្រជំហរជា គោលការណ៍រួមរបស់អាស៊ាន រួមទាំងបញ្ហាសមុទ្រខាងកើត ជាពិសេសសង្កត់ធ្ងន់លើ សារៈសំខាន់នៃច្បាប់អន្តរជាតិ និង UNCLOS ឆ្នាំ ១៩៨២ ក្នុងការដោះស្រាយវិវាទ ដោយសន្តិវិធី អះអាងនូវបំណងប្រាថ្នារបស់វៀតណាម និងប្រទេសដទៃទៀតក្នុង ការរក្សា និងជំរុញសន្តិភាព សន្តិសុខ ស្ថិរភាព កិច្ចសហប្រតិបត្តិការ និងការអភិវឌ្ឍ៕