ប្រធានាធិបតីសហរដ្ឋអាមេរិក Donald Trump ថ្លែងនៅសេតវិមានក្នុងទីក្រុង Washington, D.C. ថ្ងៃទី ២០ ខែមីនា ឆ្នាំ ២០២៥ (រូបថត៖ THX/TTXVN)

បញ្ជីឈ្មោះមនុស្សដែលលែងមានសិទ្ធិទាក់ទងផ្ទាល់នឹងឯកសាសម្ងាត់របស់រដ្ឋ រួមមានអតីតប្រធានាធិបតី Biden សមាជិកគ្រួសាររបស់លោក និងអតីតអនុប្រធានាធិបតី Kamala Harris ដែលជាគូប្រជែងរបស់លោក Trump ក្នុងការបោះឆ្នោតនាពេលថ្មីៗនេះ។ ស្ត្រីម្នាក់ទៀតដែលជាគូប្រជែងនឹងលោក Trump ក្នុងការប្រណាំងនៅសេតវិមាន គឺអតីតរដ្ឋមន្ត្រីការបរទេស Hillary Clinton ក៏ស្ថិតក្នុងបញ្ជីរួមជាមួយមន្ត្រីជាន់ខ្ពស់ពីររូបទៀតក្រោមការដឹកនាំរបស់លោក Biden គឺអតីតរដ្ឋមន្ត្រីការបរទេស Antony Blinken និងអតីតទីប្រឹក្សាសន្តិសុខជាតិ Jacob Sullivan។

យោងតាមសេតវិមាន អ្នកដែលមានឈ្មោះនៅក្នុងបញ្ជីមិនត្រូវបានអនុញ្ញាតឱ្យទាក់ទងផ្ទាល់នឹងឯកសារសម្ងាត់ រងការដកហូតអភ័យឯកសិទ្ធិសន្តិសុខទាំងអស់ ហើយលែងត្រូវបានអមដំណើរនៅពេលចូលទៅកាន់កន្លែងរបស់រដ្ឋាភិបាលសហរដ្ឋអាមេរិក។ ទាំងនេះគឺជាអត្ថប្រយោជន៍ដែលអតីតប្រធានាធិបតីអាមេរិក និងមន្ត្រីសន្តិសុខជាតិតែងតែទទួលបានបន្ទាប់ពីចាកចេញពីតំណែង៕